Oben: ಆಗಸ್ಟ್ 5 ರಂದು ಹೊಸ ಬೈಕ್ ಬಿಡುಗಡೆ: ಸ್ವದೇಶಿ ಬ್ರಾಂಡ್‌ನ ಆಕರ್ಷಕ ಮಾಡಲ್!

ಭಾರತದ ಪ್ರಮುಖ ಎಲೆಕ್ಟ್ರಿಕ್ (Oben Electric) ಮೋಟಾರ್‌ಸೈಕಲ್ ತಯಾರಕರಾದ ಒಬೆನ್ ಎಲೆಕ್ಟ್ರಿಕ್, ಮುಂದಿನ ಪೀಳಿಗೆಯ ರೋರ್ ಇಝಡ್ (Next-Gen Rorr EZ) ಮೋಟಾರ್‌ ಸೈಕಲ್ ಅನ್ನು ಆಗಸ್ಟ್ 5, 2025 ರಂದು ಬಿಡುಗಡೆ ಮಾಡಲು ಸಜ್ಜಾಗಿದೆ. ಈ ವರ್ಧಿತ ಮಾಡಲ್‌ ಅನ್ನು ಸಿಟಿ ಎಲೆಕ್ಟ್ರಿಕ್ ಪ್ರಯಾಣಕ್ಕೆ ದಿಟ್ಟ ಆಯ್ಕೆಯಾಗಿ ವಿನ್ಯಾಸಗೊಳಿಸಲಾಗಿದೆ. ಸುಧಾರಿತ ತಂತ್ರಜ್ಞಾನ ಮತ್ತು ರೈಡರ್ - ಕೇಂದ್ರಿತ ಫೀಚರ್ಸ್ ಅನ್ನು ಒಳಗೊಂಡಿದೆ. ರೋರ್ ಇಝಡ್‌ನ ಕಮ್ಯೂಟರ್ - ಫಸ್ಟ್ ಡಿಎನ್‌ಎ ಮತ್ತು ಅದರ ಪ್ರಮುಖ ಸಾಮರ್ಥ್ಯಗಳಾದ ಪರ್ಫಾಮೆನ್ಸ್, ವಿಶ್ವಾಸಾರ್ಹತೆ ಮತ್ತು ಪ್ರಾಯೋಗಿಕತೆಗೆ ಹೇಳಿಮಾಡಿಸಿದ ಆಯ್ಕೆಯಾಗಿದೆ ಎಂದು ಕಂಪನಿ ಭರವಸೆ ನೀಡಿದೆ.

ಒಬೆನ್ ಎಲೆಕ್ಟ್ರಿಕ್ ಎಂಬುದು ಆಗಸ್ಟ್ 2020 ರಲ್ಲಿ ಸ್ಥಾಪನೆಯಾದ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಸಂಸ್ಥೆಯಾಗಿದ್ದು, ಬೆಂಗಳೂರಿನಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿದೆ. ಒಬೆನ್ ಎಲೆಕ್ಟ್ರಿಕ್ ಭಾರತದಲ್ಲಿ ಪರ್ಫಾಮೆನ್ಸ್ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ಗಳು ಮತ್ತು ಅದರ ನಿರ್ಣಾಯಕ EV ಘಟಕಗಳನ್ನು ವಿನ್ಯಾಸಗೊಳಿಸುವುದು, ಅಭಿವೃದ್ಧಿಪಡಿಸುವುದು ಮತ್ತು ತಯಾರಿಸುವಲ್ಲಿ ಪರಿಣತಿ ಹೊಂದಿದೆ.

ಮೊದಲ ಬಾರಿಗೆ ನವೆಂಬರ್ 2024 ರಲ್ಲಿ ರೋರ್ ಇಝಡ್ ಬಿಡುಗಡೆಯಾದಾಗಿನಿಂದ ದೈನಂದಿನ ಪ್ರಯಾಣಿಕರಿಗೆ ಹೆಚ್ಚು ಆದ್ಯತೆಯ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ಗಳಲ್ಲಿ ಒಂದಾಗಿ ಹೊರಹೊಮ್ಮಿದೆ. ನಗರ ಪ್ರಯಾಣಕ್ಕಾಗಿ ಉದ್ದೇಶಿಸಲಾದ ಇದು, ನೈಜ-ಪ್ರಪಂಚದ ಟ್ರಾಫಿಕ್ ಒತ್ತಡಗಳನ್ನು ಪರಿಹರಿಸಲು ಗಮನಾರ್ಹ ವಿನ್ಯಾಸ ಮತ್ತು ಹೈ - ಪರ್ಫಾಮೆನ್ಸ್ ತಂತ್ರಜ್ಞಾನವನ್ನು ಹೊಂದಿದೆ.

ಕ್ಲಚ್ ಮತ್ತು ಗೇರ್ ಬದಲಾಯಿಸುವ ಅಗತ್ಯವನ್ನು ನಿವಾರಿಸುತ್ತದೆ. ಕಂಪನಗಳು ಮತ್ತು ಶಾಖವನ್ನು ಕಡಿಮೆ ಮಾಡುತ್ತದೆ. ರೋರ್ ಇಝಡ್ ಒಮ್ಮೆ ಚಾರ್ಜ್ ಮಾಡಿದರೆ 175 ಕಿ.ಮೀ ವರೆಗೆ IDC ರೇಂಜ್ ನೀಡುತ್ತದೆ. 45 ನಿಮಿಷಗಳಲ್ಲಿ ಶೇ 80 ವರೆಗೆ ವೇಗದ ಚಾರ್ಜಿಂಗ್ ಮತ್ತು ಗಂಟೆಗೆ 95 ಕಿ.ಮೀ ಗರಿಷ್ಠ ವೇಗವನ್ನು ತಲುಪುವ ಸಾಮರ್ಥ್ಯವನ್ನು ಈ ಬೈಕ್ ಹೊಂದಿದೆ.

ಇದು ವ್ಯಾಪಕ ಶ್ರೇಣಿಯ ಪ್ರಯಾಣಿಕರ ಆದ್ಯತೆಗಳನ್ನು ಪೂರೈಸುತ್ತದೆ. ಚುರುಕಾದ ವೇಗವರ್ಧನೆ ಮತ್ತು ವರ್ಗ - ಪ್ರಮುಖ ಟಾರ್ಕ್‌ನೊಂದಿಗೆ, ಕಾರ್ಯಕ್ಷಮತೆಯನ್ನು ದೈನಂದಿನ ಪ್ರಾಯೋಗಿಕತೆಯೊಂದಿಗೆ ಸರಾಗವಾಗಿ ಸಂಯೋಜಿಸುತ್ತದೆ. ರಾಜಿ ಮಾಡಿಕೊಳ್ಳದೆ ಎಲೆಕ್ಟ್ರಿಕ್ ವಾಹನಗಳಿಗೆ ಬದಲಾಯಿಸಲು ಬಯಸುವ ನಗರ ಸವಾರರಲ್ಲಿ ತನಗಾಗಿ ಒಂದು ಸ್ಥಾನವನ್ನು ಕೆತ್ತಿಕೊಂಡಿದೆ.

ಇದೇ ಹೀಗಿದ್ದರೆ ಇನ್ನು ಮುಂಬರುವ ಮಾಡಲ್ ಶೇ 50 ಕ್ಕೂ ಹೆಚ್ಚಿನ ಶಾಖ ನಿರೋಧಕತೆಗೆ ಹೆಸರುವಾಸಿಯಾದ ಒಬೆನ್ ಸ್ವಾಮ್ಯದ ಉನ್ನತ - ಕಾರ್ಯಕ್ಷಮತೆಯ LFP ಬ್ಯಾಟರಿ ತಂತ್ರಜ್ಞಾನದಿಂದ ನಿರ್ಮಿತವಾಗಿದ್ದು, ಬಾಳಿಕೆಯನ್ನು ದ್ವಿಗುಣಗೊಳಿಸುತ್ತದೆ. ಭಾರತದ ವೈವಿಧ್ಯಮಯ ಸವಾರಿ ಪರಿಸ್ಥಿತಿಗಳಲ್ಲಿ ಸ್ಥಿರವಾದ ವಿಶ್ವಾಸಾರ್ಹತೆಯನ್ನು ನೀಡುತ್ತದೆ.

ಈ ದೃಢವಾದ ಅಡಿಪಾಯದೊಂದಿಗೆ ಮುಂದಿನ ಪೀಳಿಗೆಯ ರೋರ್ EZ, ತನ್ನ ಪ್ರಯಾಣಿಕರ - ಮೊದಲ ಆಕರ್ಷಣೆಯನ್ನು ಉಳಿಸಿಕೊಂಡು ತಮ್ಮ ದೈನಂದಿನ ಎಲೆಕ್ಟ್ರಿಕ್ ಸವಾರಿಯಿಂದ ಹೆಚ್ಚಿನದನ್ನು ಬಯಸುವ ಸವಾರರಿಗೆ ದಿಟ್ಟ ನವೀಕರಣಗಳನ್ನು ಪರಿಚಯಿಸುತ್ತದೆ. ವೇಗವಾಗಿ ಬೆಳೆಯುತ್ತಿರುವ ನಗರದ ಇವಿ ವಿಭಾಗದಲ್ಲಿ ನಾವೀನ್ಯತೆಯನ್ನು ಮುನ್ನಡೆಸುವ ಒಬೆನ್ ಎಲೆಕ್ಟ್ರಿಕ್‌ನ ಬದ್ಧತೆಯನ್ನು ಇದು ಒತ್ತಿಹೇಳುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಹೊಸ ರೋರ್ ಇಝಡ್‌ಗಾಗಿ ಬುಕಿಂಗ್‌ಗಳು ಬಿಡುಗಡೆಯ ದಿನದಂದು ಪ್ರಾರಂಭವಾಗಲಿದ್ದು, ವಿತರಣೆಗಳು ಆಗಸ್ಟ್ 15, 2025 ರಿಂದ ಪ್ರಾರಂಭವಾಗಲಿವೆ. ಇನ್ನು ಕಂಪನಿಯು ಹೆಚ್ಚುವರಿಯಾಗಿ ತನ್ನ ಸ್ವಾಮ್ಯದ ತಂತ್ರಜ್ಞಾನ ಮತ್ತು EV ಘಟಕಗಳಿಗೆ 25 ಕ್ಕೂ ಹೆಚ್ಚು ಪೇಟೆಂಟ್‌ಗಳನ್ನು ಹೊಂದಿದೆ. ಇವುಗಳ ಬಗ್ಗೆ ಮುಂದಿನ ದಿನಗಳಲ್ಲಿ ಕಂಪನಿ ಬಹಿರಂಗಪಡಿಸುವ ನಿರೀಕ್ಷೆಯಿದೆ.