ಕೇವಲ 42 ಸಾವಿರಕ್ಕೆ ಹೊಸ ಸ್ಕೂಟರ್ ಬಿಡುಗಡೆ... ರಿವರ್ಸ್ ಗೇರ್ ಕೂಡ ಇದೆ... DL ಇಲ್ಲದೆ ಓಡಿಸಬಹುದು!

ಭಾರತದಲ್ಲಿ ಎಲೆಕ್ಟ್ರಿಕ್ ಸ್ಕೂಟರ್‌ಗಳಿಗೆ ಬೇಡಿಕೆ ಹೆಚ್ಚಾಗಿದ್ದು, ಹೊಸ ವಾಹನ ತಯಾರಕ ಕಂಪನಿಗಳು ತಮ್ಮ ಆಕರ್ಷಕ ಇವಿಗಳನ್ನು ಬಿಡುಗಡೆ ಮಾಡುತ್ತಿವೆ. ಇದೀಗ ಮುಂಬೈ ಮೂಲದ ಎಲೆಕ್ಟ್ರಿಕ್ ಸ್ಕೂಟರ್ ತಯಾರಕ ಕಂಪನಿಯೊಂದು ತೀರಾ ಅಗ್ಗದ ಬೆಲೆಗೆ ಬಿಡುಗಡೆ ಮಾಡಿದೆ. ಈ ಸ್ಕೂಟರ್ ಎಲ್ಲಾ ಇವಿ ಸ್ಕೂಟರ್‌ಗಳಂತೆ ಅಲ್ಲದೆ ಗಂಟೆಗೆ 25 ಕಿ.ಮೀ. ಗರಿಷ್ಟ ವೇಗ ಹಾಗೂ ಸಿಂಗಲ್ ಚಾರ್ಜ್‌ನಲ್ಲಿ ಬರೋಬ್ಬರಿ 89 ಕಿ.ಮೀ.ವರೆಗೆ ಓಡಿಸಬಹುದು. ಹಾಗೆಯೇ ಈ ಸ್ಕೂಟರ್ ಅನ್ನು ಓಡಿಸಲು ಡ್ರೈವಿಂಗ್ ಲೈಸೆನ್ಸ್ ಕೂಡ ಬೇಕಿಲ್ಲ ಎನ್ನಲಾಗಿದೆ. ಅಷ್ಟಕ್ಕೂ ಈ ಸ್ಕೂಟರ್ ಯಾವುದು? ವಿಶೇಷತೆಗಳೇನು?

ಮುಂಬೈ ಮೂಲದ ಇವಿ ತಯಾರಕರಾದ ಒಡಿಸ್ಸೆ ಎಲೆಕ್ಟ್ರಿಕ್ ವೆಹಿಕಲ್ಸ್ ಈ ಆಕರ್ಷಕ ಸ್ಕೂಟರ್ ಅನ್ನು ಬಿಡುಗಡೆ ಮಾಡಿದೆ. ಇದು ತೀರ ಅಗ್ಗದ ಬೆಲೆ ರೂ. 42,000 (ಎಕ್ಸ್-ಶೋರೂಂ) ಬೆಲೆಯಲ್ಲಿ ಖರೀದಿಗೆ ಲಭ್ಯವಿದೆ. ಇದನ್ನು 'ಹೈಫೈ' ಎಂಬ ಹೆಸರಿನಲ್ಲಿ ಬಿಡುಗಡೆ ಮಾಡಲಾಗಿದೆ. ಒಡಿಸ್ಸೆ ಹೈಫೈ ಕಡಿಮೆ-ವೇಗದ ಇ-ಸ್ಕೂಟರ್ ಆಗಿರುವ ಕಾರಣ ಇದನ್ನು ಓಡಿಸಲು ಡ್ರೈವಿಂಗ್ ಲೈಸೆನ್ಸ್ ಬೇಕಿಲ್ಲ ಎಂದು ಕಂಪನಿ ಹೇಳಿಕೊಂಡಿದೆ.

ಒಡಿಸ್ಸೆ ಹೈಫೈ ಇ - ಸ್ಕೂಟರ್ ಮೇ 10, 2025 ರಿಂದ ಒಡಿಸ್ಸೆಯ ಡೀಲರ್‌ಶಿಪ್ ನೆಟ್‌ವರ್ಕ್ ಮತ್ತು ಇ - ಕಾಮರ್ಸ್ ಪ್ಲಾಟ್‌ಫಾರ್ಮ್‌ಗಳ ಮೂಲಕ ಭಾರತದಾದ್ಯಂತ ಖರೀದಿಗೆ ಲಭ್ಯವಿರುತ್ತದೆ. ಆರಂಭಿಕ ಹಂತದ ಗ್ರಾಹಕರು ವಿಶೇಷ ರಿಯಾಯಿತಿಗಳು ಮತ್ತು ವಾರೆಂಟಿ ಪ್ರಯೋಜನಗಳನ್ನು ಪಡೆಯಬಹುದು ಎಂದು ಕಂಪನಿ ತಿಳಿಸಿದೆ.

ಸ್ಕೂಟರ್ ವಿಶೇಷತೆಗಳು: ಒಡಿಸ್ಸೆ ಹೈಫೈ ಇ-ಸ್ಕೂಟರ್ ಒಂದೇ ಚಾರ್ಜ್‌ನಲ್ಲಿ 70 ಕಿ.ಮೀ ನಿಂದ 89 ಕಿ.ಮೀ ವರೆಗೆ ರೇಂಜ್ ನೀಡುವ ಸಾಮರ್ಥ್ಯವನ್ನು ಹೊಂದಿದೆ. ಬ್ಯಾಟರಿಯನ್ನು 4-8 ಗಂಟೆಗಳಲ್ಲಿ ಸಂಪೂರ್ಣವಾಗಿ ಚಾರ್ಜ್ ಮಾಡಬಹುದು ಎಂದು ಕಂಪನಿ ಹೇಳಿದೆ. 250 W ಮೋಟಾರ್‌ ಹೊಂದಿರುವ ಸ್ಕೂಟರ್, ಇದಕ್ಕೆ ತಕ್ಕಂತೆ 48 V ಅಥವಾ 60 V ಬ್ಯಾಟರಿ ಕಾನ್ಫಿಗರೇಶನ್‌ಗಳೊಂದಿಗೆ ಜೋಡಿಸಬಹುದಾದ ಆಯ್ಕೆಯನ್ನು ಸಹ ನೀಡಿದೆ.

ಹೈಫೈ ಸ್ಕೂಟರ್ ಸೀಟಿನ ಕೆಳಗೆ ಸಂಗ್ರಹಣೆ, ಕ್ರೂಸ್ ಕಂಟ್ರೋಲ್ ಮತ್ತು ಎಲ್ಲಾ ಅಗತ್ಯ ಮಾಹಿತಿಯನ್ನು ಪ್ರದರ್ಶಿಸುವ ಎಲ್‌ಇಡಿ ಡಿಜಿಟಲ್ ಮೀಟರ್ ಅನ್ನು ಒಳಗೊಂಡಿದೆ. ಜೊತೆಗೆ ಕೀಲೆಸ್ ಸ್ಟಾರ್ಟ್ ಜೊತೆಗೆ ಸ್ಟಾರ್ಟ್/ಸ್ಟಾಪ್ ಬಟನ್ ಹೊಂದಿದೆ. ಇದು ನಗರ ಚಾಲನೆ, ರಿವರ್ಸ್ ಮತ್ತು ಪಾರ್ಕಿಂಗ್‌ಗಾಗಿ ಪ್ರತ್ಯೇಕ ರೈಡ್ ಮೋಡ್‌ಗಳನ್ನು ಒಳಗೊಂಡಿದೆ.

ಹೊಸ ಹೈಫೈ ಸ್ಕೂಟರ್ ಇ - ಸ್ಕೂಟರ್ ಐದು ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿದೆ, ಇದರಲ್ಲಿ ರಾಯಲ್ ಮ್ಯಾಟ್ ಬ್ಲೂ, ಸೆರಾಮಿಕ್ ಸಿಲ್ವರ್, ಅರೋರಾ ಮ್ಯಾಟ್ ಬ್ಲ್ಯಾಕ್, ಫ್ಲೇರ್ ರೆಡ್ ಮತ್ತು ಜೇಡ್ ಗ್ರೀನ್ ಸೇರಿವೆ. ಒಟ್ಟಾರೆ ನಗರ ಚಾಲನೆಗೆ ಬೆಸ್ಟ್ ಆಯ್ಕೆಯಾಗಿದ್ದು, ಕಡಿಮೆ ವೇಗದಲ್ಲಿ ಸ್ಥಳೀಯ ಕೆಲಸ ಕಾರ್ಯಗಳನ್ನು ಸುಲಭವಾಗಿ ನಿರ್ವಹಿಸಲು ಈ ಸ್ಕೂಟರ್ ಸಹಕರಿಸುತ್ತದೆ ಎಂದು ಕಂಪನಿ ಹೇಳಿದೆ.

"ನಮ್ಮ ಹೊಸ ಕಡಿಮೆ-ವೇಗದ ಸ್ಕೂಟರ್, ನಾವೀನ್ಯತೆ, ಸುಸ್ಥಿರತೆ ಮತ್ತು ಸುಸ್ಥಿರ ಚಲನಶೀಲತೆಯನ್ನು ವ್ಯಾಪಕ ಪ್ರೇಕ್ಷಕರಿಗೆ ಇನ್ನಷ್ಟು ಸುಲಭವಾಗಿಸುವ ಗುರಿಯನ್ನು ಹೊಂದಿರುವ ಒಡಿಸ್ಸೆಯ ಬದ್ಧತೆಗೆ ಸಾಕ್ಷಿಯಾಗಿದೆ. ಬೆಲೆ - ಪ್ರಜ್ಞೆಯ ಪ್ರಯಾಣಿಕರು ಮತ್ತು ಕೊನೆಯ ಮೈಲಿ ವಿತರಣಾ ಜಾಲಗಳ ಅಗತ್ಯಗಳನ್ನು ಪೂರೈಸುವ ಮೂಲಕ, ಸ್ವಚ್ಛ, ಚುರುಕಾದ ಚಲನಶೀಲತೆಯ ಕಡೆಗೆ ಭಾರತದ ಬದಲಾವಣೆಯನ್ನು ವೇಗಗೊಳಿಸುವುದು ನಮ್ಮ ಉದ್ದೇಶವಾಗಿದೆ.

ಒಡಿಸ್ಸೆ ಹೈಫೈ ಕೇವಲ ಸ್ಕೂಟರ್ ಅಲ್ಲ, ಇದು ಹಸಿರು ಭವಿಷ್ಯದತ್ತ ಒಂದು ಹೆಜ್ಜೆಯಾಗಿದೆ. ಗುಣಮಟ್ಟ ಅಥವಾ ಕಾರ್ಯಕ್ಷಮತೆಯಲ್ಲಿ ರಾಜಿ ಮಾಡಿಕೊಳ್ಳದೆ ಆರ್ಥಿಕ, ಪರಿಣಾಮಕಾರಿ ಮತ್ತು ಪರಿಸರ ಸ್ನೇಹಿ ಸವಾರಿಯನ್ನು ಹುಡುಕುತ್ತಿರುವ ದೈನಂದಿನ ಪ್ರಯಾಣಿಕರಿಗೆ ಪರಿಪೂರ್ಣ ಉತ್ಪನ್ನವಾಗಿದೆ" ಎಂದು ಒಡಿಸ್ಸೆ ಕಂಪನಿ ಭರವಸೆ ನೀಡಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.