Ola: ಓಲಾ ಹೊಸ ಸಾಧನೆ: ಹತ್ತು ಲಕ್ಷ ಉತ್ಪಾದನಾ ಮೈಲಿಗಲ್ಲು ಸಾಧಿಸಿ ದಾಖಲೆ ನಿರ್ಮಾಣ

ಭಾರತದ ಅತಿದೊಡ್ಡ ಇವಿ ತಯಾರಕ ಕಂಪನಿಯಾದ ಓಲಾ ಎಲೆಕ್ಟ್ರಿಕ್ (Ola Electric), ತಮಿಳುನಾಡಿನ ಕೃಷ್ಣಗಿರಿಯಲ್ಲಿರುವ ತನ್ನ ಫ್ಯೂಚರ್ ‌ಫ್ಯಾಕ್ಟರಿಯಿಂದ ಒಂದು ಮಿಲಿಯನ್ (ಹತ್ತು ಲಕ್ಷ) ವಾಹನಗಳನ್ನು ಹೊರತರುವ ಮೂಲಕ ಪ್ರಮುಖ ಉತ್ಪಾದನಾ ಮೈಲಿಗಲ್ಲನ್ನು ಘೋಷಿಸಿದೆ. ಈ ಐತಿಹಾಸಿಕ ಮೈಲಿಗಲ್ಲನ್ನು ಗುರುತಿಸಲು, ಓಲಾ ಎಲೆಕ್ಟ್ರಿಕ್ ಮಿಡ್‌ನೈಟ್ ನೀಲಿ ಬಣ್ಣದ ವಿಶೇಷ ಆವೃತ್ತಿಯ ರೋಡ್‌ಸ್ಟರ್ X+ (Midnight Blue Special Edition Roadster X+) ವಾಹನವನ್ನು ಹೊರತಂದಿದೆ. ಇದು ಡ್ಯುಯಲ್ ಟೋನ್ ಸೀಟ್, ರಿಮ್‌ಗಳು ಮತ್ತು ಬ್ಯಾಟರಿ ಪ್ಯಾಕ್‌ನಲ್ಲಿ ಸ್ಪೋರ್ಟಿ ರೆಡ್ ಅಕ್ಸೆಂಟ್‌ಗಳನ್ನು ಹೊಂದಿದೆ.

ಓಲಾ ಎಲೆಕ್ಟ್ರಿಕ್ 2021 ರಲ್ಲಿ ಉತ್ಪಾದನೆಯನ್ನು ಪ್ರಾರಂಭಿಸಿತು ಮತ್ತು ನಾಲ್ಕು ವರ್ಷಗಳಲ್ಲಿ ಈ ಮೈಲಿಗಲ್ಲನ್ನು ಸಾಧಿಸಿದೆ. ಅದರ S1 ಪೋರ್ಟ್‌ಫೋಲಿಯೊ ಎಲೆಕ್ಟ್ರಿಕ್ ಸ್ಕೂಟರ್‌ಗಳು ಮತ್ತು ಇತ್ತೀಚೆಗೆ ಬಿಡುಗಡೆಯಾದ ರೋಡ್‌ಸ್ಟರ್ X ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ಗಳಿಗೆ ಬಲವಾದ ಬೇಡಿಕೆಯಿಂದಾಗಿ ಈ ಮೈಲಿಗಲ್ಲನ್ನು ಕಡಿಮೆ ಅವಧಿಯಲ್ಲೆ ತಲುಪಿರುವುದಾಗಿ ಕಂಪನಿ ಘೋಷಿಸಿದೆ.

"ನಮ್ಮನ್ನು ನಂಬಿದ ಮತ್ತು ನಮ್ಮ ಧ್ಯೇಯವನ್ನು ನಂಬಿದ ಪ್ರತಿಯೊಬ್ಬ ಭಾರತೀಯನ ಆಚರಣೆಯನ್ನು ಇದು ಗುರುತಿಸುತ್ತದೆ. ನಾಲ್ಕು ವರ್ಷಗಳಲ್ಲಿ, ನಾವು ಒಂದು ಕಲ್ಪನೆಯಿಂದ ಭಾರತದ EV ದ್ವಿಚಕ್ರ ವಾಹನ ನಾಯಕರಾಗಲು ಸಾಧ್ಯವಾಗಿದೆ. ನಾವು ದೊಡ್ಡ ಪ್ರಮಾಣದಲ್ಲಿ ನಿರ್ಮಿಸಿದ್ದೇವೆ, ವಿಶ್ವ ದರ್ಜೆಯ ವಾಹನಗಳನ್ನು ಭಾರತದಲ್ಲಿಯೇ ವಿನ್ಯಾಸಗೊಳಿಸಬಹುದು, ಎಂಜಿನಿಯರಿಂಗ್ ಮಾಡಬಹುದು ಮತ್ತು ತಯಾರಿಸಬಹುದು ಎಂದು ಸಾಬೀತುಪಡಿಸಿದ್ದೇವೆ.

ಈ ಮೈಲಿಗಲ್ಲು ನಾವು ಎಷ್ಟು ದೂರ ಬಂದಿದ್ದೇವೆ ಎಂಬುದಕ್ಕೆ ಸಾಕ್ಷಿಯಾಗಿದೆ, ನಾವು ಇದೀಗ ಪ್ರಾರಂಭಿಸುತ್ತಿದ್ದೇವೆ! ನಮ್ಮ ಧ್ಯೇಯ ಸ್ಪಷ್ಟವಾಗಿದೆ: #EndICEAge (ಇಂಧನ ಚಾಲಿತ ವಾಹನಗಳ ಮುಕ್ತಾಯ) ಮತ್ತು ಭಾರತವನ್ನು ಜಾಗತಿಕ EV ಕೇಂದ್ರವನ್ನಾಗಿ ಮಾಡುವುದೇ ಗುರಿಯಾಗಿದೆ." ಎಂದು ಅಧಿಕೃತ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.

ವಿಶೇಷ ಆವೃತ್ತಿಯ ರೋಡ್‌ಸ್ಟರ್ X+ ವಿಶೇಷತೆಗಳು

ವಿಶೇಷ ಆವೃತ್ತಿಯ ರೋಡ್‌ಸ್ಟರ್ X+ ಡ್ಯುಯಲ್ - ಟೋನ್ ಸೀಟ್, ರಿಮ್‌ಗಳು ಮತ್ತು ಬ್ಯಾಟರಿ ಪ್ಯಾಕ್‌ನಲ್ಲಿ ಸ್ಪೋರ್ಟಿ ರೆಡ್ ಅಕ್ಸೆಂಟ್‌ಗಳೊಂದಿಗೆ ಗಮನಾರ್ಹವಾದ ಮಿಡ್‌ ನೈಟ್ ಬ್ಲೂ ಬಣ್ಣದಲ್ಲಿ ಪಾದಾರ್ಪಣೆ ಮಾಡಿದೆ. ಸುಸ್ಥಿರತೆಯನ್ನು ಆಚರಿಸುವ ಈ ಆವೃತ್ತಿಯು ಮರುಬಳಕೆಯ ತಾಮ್ರ ತ್ಯಾಜ್ಯ ಮತ್ತು ಎಲೆಕ್ಟ್ರೋಪ್ಲೇಟೆಡ್ ಬಾರ್ ತುದಿಗಳಿಂದ ರಚಿಸಲಾದ ಬ್ಯಾಡ್ಜ್‌ಗಳನ್ನು ಒಳಗೊಂಡಿದೆ. ಇದು ಓಲಾದ ವಿನ್ಯಾಸ ತತ್ವಶಾಸ್ತ್ರದಲ್ಲಿ ನಿರ್ಮಿಸಲಾದ ಮರುಬಳಕೆಯನ್ನು ಪ್ರತಿಬಿಂಬಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಕಂಪನಿಯ ವಾರ್ಷಿಕ 'ಸಂಕಲ್ಪ್' ಕಾರ್ಯಕ್ರಮದಲ್ಲಿ ಕಂಪನಿಯು ತನ್ನ 4680 ಭಾರತ್ ಸೆಲ್ ಸಂಯೋಜಿತ ವಾಹನಗಳನ್ನು S1 Pro+ 5.2 kWh ಮತ್ತು ರೋಡ್‌ಸ್ಟರ್ X+ 9.1 kWh ನಿಂದ ಪ್ರಾರಂಭವಾಗುವ ಕ್ರಮವಾಗಿ ರೂ.1,69,999 ಮತ್ತು ರೂ.1,89,999 ಬೆಲೆಯಲ್ಲಿ ಘೋಷಿಸಿತ್ತು, ಈ ನವರಾತ್ರಿಯಿಂದ ಇವುಗಳ ವಿತರಣೆಗಳು ಪ್ರಾರಂಭವಾಗುತ್ತವೆ.

ಹೆಚ್ಚುವರಿಯಾಗಿ, ಈ ಕಾರ್ಯಕ್ರಮವು 4680 ಭಾರತ್ ಸೆಲ್‌ನಿಂದ ಚಾಲಿತವಾದ 5.2kWh ಮತ್ತು 4kWh ಬ್ಯಾಟರಿ ಪ್ಯಾಕ್‌ಗಳೊಂದಿಗೆ ಹೊಚ್ಚ ಹೊಸ S1 ಪ್ರೊ ಸ್ಪೋರ್ಟ್ ‌ನೊಂದಿಗೆ ಸ್ಪೋರ್ಟ್ಸ್ ಸ್ಕೂಟರ್ ವಿಭಾಗಕ್ಕೆ ಕಂಪನಿಯ ಪ್ರವೇಶವನ್ನು ಗುರುತಿಸಿತು. ಇದು ರೂ. 1,49,999 ಪರಿಚಯಾತ್ಮಕ ಬೆಲೆಯಿಂದ ಪ್ರಾರಂಭವಾಗುತ್ತದೆ, ವಿತರಣೆಗಳು ಜನವರಿ 2026 ರಲ್ಲಿ ಪ್ರಾರಂಭವಾಗುತ್ತವೆ ಎಂದು ಓಲಾ ತಿಳಿಸಿದೆ.

ಓಲಾ ಭಾರತದಾದ್ಯಂತ 4,000 ಕ್ಕೂ ಹೆಚ್ಚು ಮಳಿಗೆಗಳನ್ನು ಹೊಂದಿರುವ ನೇರ - ಗ್ರಾಹಕ ವಿತರಣಾ ಜಾಲವನ್ನು ಮತ್ತು ಬಲವಾದ ಆನ್‌ಲೈನ್ ಉಪಸ್ಥಿತಿಯನ್ನು ಹೊಂದಿದೆ. ಇದು ಓಲಾ ಎಲೆಕ್ಟ್ರಿಕ್ ಅನ್ನು ದೇಶದಲ್ಲಿ ಅತಿದೊಡ್ಡ ಕಂಪನಿ - ಮಾಲೀಕತ್ವದ ಆಟೋಮೋಟಿವ್ ಅನುಭವ ಕೇಂದ್ರಗಳ ಜಾಲವನ್ನಾಗಿ ಮಾಡಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.