ಡಬಲ್ ಕಲರ್‌ನಲ್ಲಿ ಬಿಡುಗಡೆಯಾದ ಹೊಸ TVS Jupiter 125 ವಿಶೇಷತೆಗಳು

ಭಾರತೀಯ ಸ್ಕೂಟರ್ ವಿಭಾಗದಲ್ಲಿ ಆಕ್ಟೀವಾದಷ್ಟೇ ಜನಪ್ರಿಯತೆ ಪಡೆದಿರುವ ಟಿವಿಎಸ್ ಜೂಪಿಟರ್ 125 (TVS Jupiter 125) ಸ್ಕೂಟರ್ ಈಗ ಹೊಸ ಡಿಸೈನ್ ಹಾಗೂ ಫೀಚರ್ಸ್‌ನೊಂದಿಗೆ ಮೊನ್ನೆ ಬಿಡುಗಡೆಯಾಗಿದೆ. ಈಗ ಹೊಸ ಟಿವಿಎಸ್ ಜೂಪಿಟರ್ 125 ಸ್ಮಾರ್ಟ್ ಸ್ಮಾರ್ಟ್‌ ಎಕ್ಸ್‌ ಕನೆಕ್ಟ್ (TVS Jupiter 125 Dual Tone SmartXonnect) ಸ್ಕೂಟರ್ ರೂ. 88942/- (ಎಕ್ಸ್-ಶೋರೂಂ) ಆಕರ್ಷಕ ಬೆಲೆಯಲ್ಲಿ ಖರೀದಿಗೆ ಲಭ್ಯವಿದೆ. ಆಧುನಿಕ ವೈಶಿಷ್ಟ್ಯಗಳೊಂದಿಗೆ ಐವರಿ ಗ್ರೇ ಮತ್ತು ಐವರಿ ಬ್ರೌನ್ ಎಂಬ ಎರಡು ಆಕರ್ಷಕ ಡ್ಯುಯಲ್ - ಟೋನ್ ಬಣ್ಣದ ಆಯ್ಕೆಗಳನ್ನು ಸಹ ಪರಿಚಯಿಸಲಾಗಿದೆ.

ದೈನಂದಿನ ಬಳಕೆಗಾಗಿ ಸ್ಮಾರ್ಟ್ ತಂತ್ರಜ್ಞಾನದೊಂದಿಗೆ ಇಂದಿನ ನಗರ ಪ್ರಯಾಣಿಕರಿಗೆ ಅತ್ಯಗತ್ಯ ಸ್ಕೂಟರ್ ಆಗಿ ಹೊಸ ಟಿವಿಎಸ್ ಜೂಪಿಟರ್ 125 ಸ್ಮಾರ್ಟ್ ಎಕ್ಸ್‌ ಕನೆಕ್ಟ್ ಆಕರ್ಷಿಸಲಿದೆ. ಈ ಬಾರಿ ದೊಡ್ಡ ಮುಂಭಾಗ ಮತ್ತು ಹಿಂಭಾಗದ ಟೈರ್‌ಗಳು ಅಸಮ ಭೂಪ್ರದೇಶದಲ್ಲೂ ವರ್ಧಿತ ಸ್ಥಿರತೆ ಮತ್ತು ಉತ್ತಮ ರಸ್ತೆ ಹಿಡಿತವನ್ನು ಖಚಿತಪಡಿಸುತ್ತವೆ ಎಂದು ಟಿವಿಎಸ್ ತಿಳಿಸಿದೆ.

ಇದರಲ್ಲಿ ಬರುವ ಸಂಪೂರ್ಣ ಡಿಜಿಟಲ್ LCD ಕ್ಲಸ್ಟರ್ ಡಿಸ್ಪ್ಲೇಯಲ್ಲಿ ಕರೆ ಮತ್ತು SMS ಎಚ್ಚರಿಕೆಗಳು, ಕಡಿಮೆ ಇಂಧನ ಎಚ್ಚರಿಕೆ, ಟ್ರಿಪ್ ಮೀಟರ್, ರಿಯಲ್ ಟೈಮ್ ಮತ್ತು ಸರಾಸರಿ ಮೈಲೇಜ್ ಸೂಚಕಗಳ ಮಾಹಿತಿಯನ್ನು ಪಡೆಯಬಹುದು. ಈ ಬಾರಿ ವಾಹನಕ್ಕೆ ಆಕರ್ಷಣೆಯನ್ನು ಹೆಚ್ಚಸಲು ಬಹು ಬಣ್ಣಗಳನ್ನು ನೀಡಲಾಗುತ್ತಿದೆ. ಇದರಲ್ಲಿ ಐವರಿ ಬ್ರೌನ್ ಮತ್ತು ಐವರಿ ಗ್ರೇ ಎಂಬ ಎರಡು ಪ್ರೀಮಿಯಂ ಬಣ್ಣಗಳನ್ನು ಪರಿಚಯಿಸಲಾಗಿದೆ.

ಡ್ಯುಯಲ್-ಟೋನ್ ಡಿಸೈನ್‌ನೊಂದಿಗೆ ಆಕರ್ಷಕ ವಿನ್ಯಾಸವನ್ನು ಹೊಂದಿರುವ ಈ ಸ್ಕೂಟರ್, ಆಕರ್ಷಕ LED ಹೆಡ್‌ಲ್ಯಾಂಪ್ ಮತ್ತು ಆಕರ್ಷಕ ಸಿಗ್ನೇಚರ್ ಡಿಸೈನ್ ಹೊಂದಿದೆ. ಡೈಮಂಡ್ - ಕಟ್ ಅಲಾಯ್ ವೀಲ್‌ಗಳು, i-GO ಅಸಿಸ್ಟ್ ತಂತ್ರಜ್ಞಾನದೊಂದಿಗೆ ಸುಧಾರಿತ 125cc ಎಂಜಿನ್ ನೀಡಲಾಗಿದೆ. ಈ ಎಂಜಿನ್ ಉನ್ನತ ಪಿಕಪ್‌ಗಾಗಿ 11.1 Nm ಟಾರ್ಕ್ ಹೊರಹಾಕುತ್ತದೆ.

ಇದು ಐಜಿಒ ಅಸಿಸ್ಟ್ ತಂತ್ರಜ್ಞಾನದೊಂದಿಗೆ 4,500 ಆರ್‌ಪಿಎಂನಲ್ಲಿ 11.1 ಎನ್‌ಎಂ ಟಾರ್ಕ್ ಅನ್ನು ಹೊರಹಾಕುತ್ತದೆ. ಆದರೂ ಮೈಲೇಜ್ ಕಡಿಮೆಯಾಗದಂತೆ ಪಿಕಪ್ ಅನ್ನು ನೀಡುತ್ತದೆ. ಹೆಚ್ಚಿನ ಪಿಕ್-ಅಪ್ ಹಾಗೂ ಹೆಚ್ಚಿನ ಮೈಲೇಜ್‌ಗಾಗಿ ಸಂಸ್ಕರಿಸಿದ 124.8 ಸಿಸಿ ಸಿಂಗಲ್-ಸಿಲಿಂಡರ್ ಎಂಜಿನ್‌ನೊಂದಿಗೆ ಸಜ್ಜುಗೊಳಿಸಲಾಗಿದೆ.

ಇದರ ಜೊತೆಗೆ ಸಂಗ್ರಹಣೆಗಾಗಿ 2L ಮುಂಭಾಗದ ತೆರೆದ ಪೆಟ್ಟಿಗೆ ನೀಡಲಾಗಿದೆ. 33L ಅಂಡರ್-ಸೀಟ್ ಸ್ಟೋರೇಜ್ (ವಿಭಾಗದಲ್ಲಿ ದೊಡ್ಡದು) ನೊಂದಿಗೆ ಲಗ್ಗೇಜ್ ಸಾಗಿಸಲು ಅನುಕೂಲ ಕಲ್ಪಿಸಲಾಗಿದೆ. ಪಿಲಿಯನ್ ಬ್ಯಾಕ್‌ರೆಸ್ಟ್‌ನೊಂದಿಗೆ ಅತಿ ಉದ್ದವಾದ ಆಸನವನ್ನು ಹೊಂದಿದ್ದು, ಇದು ಸವಾರ ಮತ್ತು ಪ್ರಯಾಣಿಕರಿಬ್ಬರಿಗೂ ಉತ್ತಮ ಸೌಕರ್ಯವನ್ನು ನೀಡುತ್ತದೆ.

ಕುಶನ್ಡ್ ಪಿಲಿಯನ್ ಬ್ಯಾಕ್‌ರೆಸ್ಟ್‌ನೊಂದಿಗೆ ಅತಿ ಉದ್ದವಾದ ಸೀಟು, ಸೀಟಿನ ಕೆಳಗೆ ಅತಿದೊಡ್ಡ ಸಂಗ್ರಹಣೆ - ಎರಡು ಪೂರ್ಣ ಮುಖದ ಹೆಲ್ಮೆಟ್‌ಗಳನ್ನು ಇಡಬಹುದಾಗಿದೆ. ಹೆಚ್ಚುವರಿ ಅನುಕೂಲಕ್ಕಾಗಿ ಮುಂಭಾಗದಲ್ಲಿ ಇಂಧನ ತುಂಬುವಿಕೆಗೆ ಅನುಕೂಲ ಕಲ್ಪಿಸಲಾಗಿದೆ. ವರ್ಧಿತ ಬಾಳಿಕೆಗಾಗಿ ಹೆಚ್ಚಿನ ಮೆಟಲ್ ಪ್ಲೇಟ್‌ಗಳನ್ನು ಹೊಂದಿರುವ ಮೆಟಲ್ ಮ್ಯಾಕ್ಸ್ ಬಾಡಿಯೊಂದಿಗೆ ನಿರ್ಮಿಸಲಾಗಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.