TVS Orbiter: ಐಕ್ಯೂಬ್ ತಮ್ಮನಾಗಿ ಹೊಸ ಟಿವಿಎಸ್ ಸ್ಕೂಟರ್ ಬಿಡುಗಡೆ: 158 ಕಿ.ಮೀ ರೇಂಜ್!

ದ್ವಿಚಕ್ರ ವಾಹನ ವಿಭಾಗದಲ್ಲಿ ಮುಂಚೂಣಿಯಲ್ಲಿರುವ ಟಿವಿಎಸ್ ಮೋಟಾರ್ ಕಂಪನಿ (TVS), ತನ್ನ ಹೊಸ ಎಲೆಕ್ಟ್ರಿಕ್ ಕೊಡುಗೆಯಾದ ಟಿವಿಎಸ್ ಆರ್ಬಿಟರ್ (TVS Orbiter) ಅನ್ನು ಇತ್ತೀಚೆಗೆ ಭಾರತದಲ್ಲಿ ಬಿಡುಗಡೆ ಮಾಡಿದೆ. ಉದ್ಯಮದಲ್ಲೇ ಮೊದಲ 14 ಇಂಚಿನ ಮುಂಭಾಗದ ವೀಲ್‌ನೊಂದಿಗೆ, ಸ್ಕೂಟರ್ ರೂ.99,900 (ಎಕ್ಸ್ - ಶೋರೂಂ) ಆಕರ್ಷಕ ಬೆಲೆಯಲ್ಲಿ ಖರೀದಿಗೆ ಲಭ್ಯವಿದೆ. ಟಿವಿಎಸ್ ಆರ್ಬಿಟರ್, 158 ಕಿ.ಮೀ ಐಡಿಸಿ ರೇಂಜ್, ​​ಹಿಲ್ ಹೋಲ್ಡ್ ಅಸಿಸ್ಟ್ ಮತ್ತು ಸುಧಾರಿತ ಸಂಪರ್ಕಿತ ವೈಶಿಷ್ಟ್ಯಗಳಂತಹ ಹಲವಾರು ವಿಭಾಗದಲ್ಲೇ ಮೊದಲ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ. ಸ್ಕೂಟರ್‌ನ ಟಾಪ್ ವಿಶೇಷತೆಗಳು ಇಲ್ಲಿವೆ.

ಹೈಲೆಟ್‌ಗಳು

ಲೈವ್ ಲೊಕೇಷನ್ - ಟ್ರ್ಯಾಕಿಂಗ್, ವೆಹಿಕಲ್ ನ್ಯಾವಿಗೇಟ್, ಕ್ರ್ಯಾಶ್ ಮತ್ತು ಫಾಲ್ ಅಲರ್ಟ್ ‌ಗಳು, ಎಮರ್ಜೆನ್ಸಿ ನೋಟಿಫಿಕೇಷನ್, ಟೋವಿಂಗ್ ಅಲರ್ಟ್ ‌ಗಳನ್ನು ನೀಡುತ್ತದೆ. ಇವಿಷ್ಟೇ ಅಲ್ಲದೆ ಸ್ಕೂಟರ್ ಕ್ರ್ಯಾಶ್ ಅಲರ್ಟ್‌ಗಳು ಮತ್ತು ಫಾಲ್ ಡಿಟೆಕ್ಷನ್, ಜಿಯೋ-ಫೆನ್ಸಿಂಗ್ ಮತ್ತು ಟೈಮ್-ಫೆನ್ಸಿಂಗ್ ಎಚ್ಚರಿಕೆ, ಯುಎಸ್‌ಬಿ ಚಾರ್ಜಿಂಗ್ ಪೋರ್ಟ್ ಮತ್ತು ದೃಢವಾದ ಬಾಡಿ ಬ್ಯಾಲೆನ್ಸ್‌ನೊಂದಿಗೆ ಸಂಪರ್ಕಿತ ವೈಶಿಷ್ಟ್ಯಗಳ ಸುಧಾರಿತ ಸೂಟ್‌ನೊಂದಿಗೆ ಬರುತ್ತದೆ.

ಜೊತೆಗೆ ಹಿಲ್ ಹೋಲ್ಡ್ ಅಸಿಸ್ಟ್, ಕ್ರೂಸ್ ಕಂಟ್ರೋಲ್ ಮತ್ತು ಪಾರ್ಕಿಂಗ್ ಅಸಿಸ್ಟ್ ಅನ್ನು ನೀಡಲಾಗಿದೆ. ಇಕೊ ಮತ್ತು ಪವರ್ ಎಂಬ ಡ್ಯುಯಲ್ ಮೋಡ್‌ಗಳು ಹಾಗೂ ರೇಂಜ್ ಹೆಚ್ಚಿಸುವ ರೀಜೆನ್ ಬ್ರೇಕಿಂಗ್ ಸಿಸ್ಟಮ್‌ನೊಂದಿಗೆ ಬರುತ್ತದೆ. ಕಸ್ಟಮೈಸ್ ಮಾಡಬಹುದಾದ ಸೆಟ್ಟಿಂಗ್‌ಗಳೊಂದಿಗೆ ಟರ್ನ್ - ಬೈ - ಟರ್ನ್ ನ್ಯಾವಿಗೇಷನ್, LCD ಡಿಜಿಟಲ್ ಕ್ಲಸ್ಟರ್‌ನಲ್ಲಿ ಕರೆಗಳು, SMS ಮತ್ತು ಕಸ್ಟಮೈಸ್ ಅಲರ್ಟ್‌ಗಳನ್ನು ಪಡೆಯಬಹುದು.

ರಿಮೋಟ್ ಬ್ಯಾಟರಿ ಮಾನಿಟರಿಂಗ್, ಓಡೋಮೀಟರ್ ರೀಡಿಂಗ್‌ಗಳು ಮತ್ತು ಓವರ್ - ದಿ - ಏರ್ ನವೀಕರಣಗಳಿಗಾಗಿ ಮೊಬೈಲ್ ಅಪ್ಲಿಕೇಶನ್‌ನಿಂದ ಸಂಪರ್ಕ ವೈಶಿಷ್ಟ್ಯಗಳನ್ನು ವರ್ಧಿಸಲಾಗಿದೆ. ಇದು ವಾಹನವು ಇತ್ತೀಚಿನ ಅಪ್‌ಡೇಟ್‌ಗಳೊಂದಿಗೆ ನವೀಕೃತವಾಗಿರುವುದನ್ನು ಖಚಿತಪಡಿಸುತ್ತದೆ. ಒಟ್ಟಾರೆ ಇದು ಬಜೆಟ್ ಸ್ನೇಹಿ ಬೆಲೆ, ವಿಸ್ತೃತ ರೇಂಜ್ ಮತ್ತು ಸುಧಾರಿತ ವೈಶಿಷ್ಟ್ಯಗಳೊಂದಿಗೆ ಹೊರಹೊಮ್ಮಿದೆ.

ಟಿವಿಎಸ್ ಆರ್ಬಿಟರ್ ಸಂಪರ್ಕಿತ ಮೊಬೈಲ್ ಅಪ್ಲಿಕೇಶನ್, ವೈಸರ್‌ನೊಂದಿಗೆ ಮುಂಭಾಗದ ಎಲ್‌ಇಡಿ ಹೆಡ್‌ಲ್ಯಾಂಪ್ ಮತ್ತು ಇನ್‌ಕಮಿಂಗ್ ಕಾಲ್ ಪ್ರದರ್ಶನದೊಂದಿಗೆ ಕಲರ್ ಎಲ್‌ಸಿಡಿ ಕ್ಲಸ್ಟರ್‌ನಂತಹ ಸುಧಾರಿತ ವೈಶಿಷ್ಟ್ಯಗಳಿಂದ ತುಂಬಿದ್ದು, ಅನುಕೂಲತೆಯನ್ನು ಹೆಚ್ಚಿಸುತ್ತದೆ. ಇದರ 3.1 ಕಿಲೋವ್ಯಾಟ್ ಬ್ಯಾಟರಿ ಮತ್ತು ಪರಿಣಾಮಕಾರಿ ಪರ್ಫಾಮೆನ್ಸ್ ‌ನೊಂದಿಗೆ ಒಮ್ಮೆ ಚಾರ್ಜ್‌ ಮಾಡಿದ್ರೆ 158 ಕಿ.ಮೀ ರೇಂಜ್ ನೀಡುತ್ತದೆ.

ಟಿವಿಎಸ್ ಆರ್ಬಿಟರ್ 845 mm ಉದ್ದದ ಫ್ಲಾಟ್‌ಫಾರ್ಮ್ ಆಸನವು ಸವಾರ ಮತ್ತು ಹಿಂಬದಿ ಸವಾರ ಇಬ್ಬರಿಗೂ ಸೌಕರ್ಯವನ್ನು ಖಾತ್ರಿಗೊಳಿಸುತ್ತದೆ. 290 mm ಫುಟ್‌ಬೋರ್ಡ್ ಸಾಕಷ್ಟು ಲೆಗ್‌ರೂಮ್ ಒದಗಿಸುತ್ತದೆ. ಅಗಲವಾದ ಮತ್ತು ನೇರವಾದ ಹ್ಯಾಂಡಲ್‌ಬಾರ್ ಸವಾರಿಗಳನ್ನು ಸುಲಭಗೊಳಿಸುತ್ತದೆ. ಇದು 34 ಲೀಟರ್ ಅಂಡರ್-ಸೀಟ್ ಸ್ಟೋರೇಜ್ ಅನ್ನು ಸಹ ಒಳಗೊಂಡಿದ್ದು, ಎರಡು ಹೆಲ್ಮೆಟ್‌ಗಳನ್ನು ಹೊಂದಿಸಲು ಸಾಕಷ್ಟು ದೊಡ್ಡದಾಗಿದೆ.

169 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್, ಇಂಟಿಗ್ರೇಟೆಡ್ ಇಂಡಿಕೇಟರ್ ‌ಗಳೊಂದಿಗೆ ಎಲ್‌ಇಡಿ ಹೆಡ್‌ಲ್ಯಾಂಪ್, ಎಡ್ಜ್ - ಟು - ಎಡ್ಜ್ ಕಾಂಬಿನೇಶನ್ ಲ್ಯಾಂಪ್‌ಗಳು, ಯುಎಸ್‌ಬಿ ಚಾರ್ಜಿಂಗ್ ಪೋರ್ಟ್ ಮತ್ತು ದೃಢವಾದ ಬಾಡಿ ಬ್ಯಾಲೆನ್ಸ್‌ನೊಂದಿಗೆ, ಟಿವಿಎಸ್ ಆರ್ಬಿಟರ್ ಪ್ರತಿ ರೈಡ್‌ನಲ್ಲಿಯೂ ಅಪ್ರತಿಮ ವಿಶ್ವಾಸ ಮತ್ತು ಭರವಸೆಯನ್ನು ಪ್ರೇರೇಪಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಟಿವಿಎಸ್ ಆರ್ಬಿಟರ್ ಅನ್ನು ನಿಯಾನ್ ಸನ್‌ಬರ್ಸ್ಟ್, ಸ್ಟ್ರಾಟೋಸ್ ಬ್ಲೂ, ಲೂನಾರ್ ಗ್ರೇ, ಸ್ಟೆಲ್ಲರ್ ಸಿಲ್ವರ್, ಕಾಸ್ಮಿಕ್ ಟೈಟಾನಿಯಂ ಮತ್ತು ಮಾರ್ಷಿಯನ್ ಕಾಪರ್ ಅತ್ಯಾಕರ್ಷಕ ಬಣ್ಣಗಳಲ್ಲಿ ನೀಡಲಾಗುತ್ತಿದೆ. ಹೀರೋ ವಿಡಾ ವಿಎಕ್ಸ್ 2, ಓಲಾ ಎಸ್ 1 ಎಕ್ಸ್ ಮತ್ತು ಬಜಾಜ್ ಚೇತಕ್ ಬೇಸ್ ವೇರಿಯೆಂಟ್‌ಗಳಿಗೆ ನೇರ ಪ್ರತಿಸ್ಪರ್ಧಿಯಾಗಿ ಮಾರುಕಟ್ಟೆಯಲ್ಲಿ ಪೈಪೋಟಿ ನೀಡಲಿದೆ.