Yamaha: ದಸರಾಗೆ ಬಂಪರ್ ಆಫರ್ ಕೊಟ್ಟ ಯಮಹಾ: ರೂ. 15,734 ಬೆಲೆ ಕಡಿತ ಘೋಷಣೆ

ಪ್ರಮುಖ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿರುವ ಯಮಹಾ, ಕರ್ನಾಟಕದ ಜನತೆಗೆ ದಸರಾ ಹಬ್ಬದ ಆಫರ್ ಘೋಷಿಸಿದೆ. ಯಮಹಾ ಕರ್ನಾಟಕದ ಗ್ರಾಹಕರಿಗೆ ವಿಶೇಷ ಕೊಡುಗೆಗಳನ್ನು ತರುತ್ತಿದೆ. ಬ್ರಾಂಡ್‌ನ ಜನಪ್ರಿಯ ಮೋಟಾರ್‌ಸೈಕಲ್‌ಗಳು ಮತ್ತು ಸ್ಕೂಟರ್‌ಗಳ ಮೇಲೆ GST ಕಡಿತಗಳು, ವಿಮಾ ಕೊಡುಗೆಗಳು ಮತ್ತು ಕ್ಯಾಶ್‌ಬ್ಯಾಕ್‌ನೊಂದಿಗೆ ವಿಶೇಷ ಡೀಲ್‌ಗಳನ್ನು ಪ್ರಸ್ತುತಪಡಿಸುತ್ತಿದೆ. ಇದು ನಿಮ್ಮ ಯಮಹಾ ವಾಹನವನ್ನು ಮನೆಗೆ ಕೊಂಡೊಯ್ಯಲು ಸೂಕ್ತ ಸಮಯವಾಗಿದೆ ಎಂದು ಹೇಳಬಹುದು. ಯಾವ ವಾಹನದ ಮೇಲೆ ಎಷ್ಟು ಆಫರ್ ಇದೆ ಬನ್ನಿ ನೋಡೋಣ.

ಯಮಹಾದ ನವರಾತ್ರಿ ವಿಶೇಷ ಕೊಡುಗೆಗಳು

R15 V4 ಮೇಲೆ ರೂ. 15,734 ವರೆಗಿನ GST ಕಡಿತ ಮತ್ತು ರೂ. 6,560 ಮೌಲ್ಯದ ವಿಮಾ ಪ್ರಯೋಜನಗಳು ಸಿಗಲಿವೆ. MT-15 ಮೇಲೆ ರೂ. 14,964 ವರೆಗಿನ GST ಕಡಿತ ಮತ್ತು ರೂ. 6,560 ಮೌಲ್ಯದ ವಿಮಾ ಪ್ರಯೋಜನಗಳು ಸಿಗಲಿವೆ. FZ-S Fi ಹೈಬ್ರಿಡ್ ಮೇಲೆ ರೂ. 12,031 ವರೆಗಿನ GST ಕಡಿತ ಮತ್ತು ರೂ. 6,501 ಮೌಲ್ಯದ ವಿಮಾ ಪ್ರಯೋಜನಗಳನ್ನು ಕಂಪನಿ ಘೋಷಿಸಿದೆ.

ಹಾಗೆಯೇ ಯಮಹಾ ಫೆಸಿನೋ 125 ಹೈಬ್ರಿಡ್ ಸ್ಕೂಟರ್ ಮೇಲೆ ರೂ. 8,509 ವರೆಗಿನ GST ಪ್ರಯೋಜನ ಮತ್ತು ರೂ. 5,401 ಮೌಲ್ಯದ ವಿಮಾ ಪ್ರಯೋಜನಗಳು ಸಿಗಲಿವೆ. ಯಮಹಾ ರೇZR 125 Fi ಸ್ಕೂಟರ್ ಮೇಲೆ ರೂ. 7,759 ವರೆಗಿನ GST ಪ್ರಯೋಜನ ಮತ್ತು ರೂ. 3,799 ವಿಮಾ ಪ್ರಯೋಜನಗಳು ಸಿಗಲಿವೆ ಎಂದು ಕಂಪನಿ ಘೋಷಿಸಿದೆ.

ಪ್ರತಿ ಸವಾರಿಗೂ ಉತ್ಸಾಹ ಮತ್ತು ಕಾರ್ಯಕ್ಷಮತೆಯನ್ನು ಸೇರಿಸಲು ವಿನ್ಯಾಸಗೊಳಿಸಲಾದ ಯಮಹಾದ ಪ್ರೀಮಿಯಂ ಶ್ರೇಣಿಯ ಮೋಟಾರ್‌ಸೈಕಲ್‌ಗಳು ಮತ್ತು ಸ್ಕೂಟರ್ ‌ಗಳೊಂದಿಗೆ ನವರಾತ್ರಿ ಮತ್ತು ದಸರಾವನ್ನು ಆಚರಿಸಿ. ನಿಮ್ಮ ಹತ್ತಿರದ ಯಮಹಾ ಡೀಲರ್‌ಶಿಪ್‌ಗೆ ಭೇಟಿ ನೀಡಿ ಮತ್ತು ಈ ಹಬ್ಬದ ಕೊಡುಗೆಗಳನ್ನು ಪಡೆದುಕೊಳ್ಳಿ ಎಂದು ಕಂಪನಿ ಪ್ರಕಟಿಸಿದೆ.

ಹಬ್ಬದ ಋತುವಿನಲ್ಲಿ ಯಮಹಾದ ಈ ಕ್ರಮವು ಬಂದಿದ್ದು, ದ್ವಿಚಕ್ರ ವಾಹನಗಳನ್ನು ಹೆಚ್ಚು ಕೈಗೆಟುಕುವಂತೆ ಮಾಡದೆ. ಬೇಡಿಕೆಯನ್ನು ಹೆಚ್ಚಿಸುವುದು ಮತ್ತು ಉದ್ಯಮದಲ್ಲಿ ಒಟ್ಟಾರೆ ಬಳಕೆಯನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ. ಹೊಸ ಬೆಲೆಗಳು ಮತ್ತು ಹಬ್ಬದ ಕೊಡುಗೆಗಳನ್ನು ಪಡೆಯಲು ಗ್ರಾಹಕರು ಮುಂಚಿತವಾಗಿ ಬುಕ್ ಮಾಡಲು ಪ್ರೋತ್ಸಾಹಿಸಲಾಗುತ್ತಿದೆ. ನವರಾತ್ರಿ - ದೀಪಾವಳಿ ಅವಧಿಯಲ್ಲಿ ವಿತರಣೆಗಳು ಗರಿಷ್ಠ ಮಟ್ಟವನ್ನು ತಲುಪುವ ನಿರೀಕ್ಷೆಯಿದೆ.

ಯಮಹಾ ಮೋಟಾರ್ (ಐವೈಎಂ) ಪ್ರೈ. ಲಿಮಿಟೆಡ್ ಇತ್ತೀಚೆಗಷ್ಟೆ ತನ್ನ ದ್ವಿಚಕ್ರ ವಾಹನಗಳ ಮೇಲೆ ಜಿಎಸ್‌ಟಿ ಪರಿಷ್ಕರಣೆಯ ಸಂಪೂರ್ಣ ಲಾಭವನ್ನು ತನ್ನ ಗ್ರಾಹಕರಿಗೆ ಒದಗಿಸುವುದಾಗಿ ಘೋಷಿಸಿತ್ತು. 350 ಸಿಸಿ ವರೆಗಿನ ಮೋಟಾರ್‌ಸೈಕಲ್‌ಗಳ ಮೇಲಿನ ಜಿಎಸ್‌ಟಿ ದರವನ್ನು 28% ರಿಂದ 18% ಕ್ಕೆ ಇಳಿಸಲಾಗಿದೆ. ಈ ವರ್ಗಕ್ಕೆ ಸೇರುವ ಯಮಹಾದ ಸಂಪೂರ್ಣ ದ್ವಿಚಕ್ರ ವಾಹನಗಳ ಪೋರ್ಟ್‌ಫೋಲಿಯೊ ಹೊಸ ತೆರಿಗೆ ದರಕ್ಕೆ ಅನುಗುಣವಾಗಿ ಬೆಲೆ ಕಡಿತವನ್ನು ಕಾಣಲಿವೆ.

ಯಮಹಾದ ವೈವಿಧ್ಯಮಯ ಉತ್ಪನ್ನ ಪೋರ್ಟ್‌ಫೋಲಿಯೊದಲ್ಲಿ YZF-R3 (321cc), MT-03 (321cc), YZF-R15M (155cc), YZF-R15 V4 (155cc), YZF-R15S V3 (155cc), MT-15 V2 (155cc), ಮತ್ತು FZ-S Fi ಹೈಬ್ರಿಡ್ (149cc), FZ-S Fi (149cc), ಮತ್ತು FZ-X (149cc) ನಂತಹ FZ ಸಿರೀಸ್ ಬೈಕ್‌ಗಳು ಸೇರಿವೆ.

ಹೆಚ್ಚುವರಿಯಾಗಿ, ಯಮಹಾ ಏರೋಕ್ಸ್ 155 ಆವೃತ್ತಿ S (155cc), ಏರೋಕ್ಸ್ 155 (155cc), ಫ್ಯಾಸಿನೊ S 125 Fi ಹೈಬ್ರಿಡ್ (125cc), ಫ್ಯಾಸಿನೊ 125 Fi ಹೈಬ್ರಿಡ್ (125cc), ರೇಝಡ್ಆರ್ 125 Fi ಹೈಬ್ರಿಡ್ (125cc), ಮತ್ತು ರೇಝಡ್ಆರ್ ಸ್ಟ್ರೀಟ್ ರ್ಯಾಲಿ 125 Fi ಹೈಬ್ರಿಡ್ (125cc) ಸೇರಿದಂತೆ ಹಲವಾರು ಸ್ಕೂಟರ್‌ಗಳನ್ನು ನೀಡುತ್ತಿದೆ.