Yamaha: ಭಾರತೀಯರ ಪ್ರೀತಿಗೆ ಮನಸೋತ ಯಮಹಾ ಅಧ್ಯಕ್ಷ: ಜಪಾನ್ ಎಂಜಿನ್... ಫುಲ್ ಡಿಮ್ಯಾಂಡ್!

ಪ್ರಮುಖ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿರುವ ಯಮಹಾ (Yamaha), ತನ್ನ ಚೆನ್ನೈ ಕಾರ್ಖಾನೆಯಲ್ಲಿ 10 ವರ್ಷಗಳ ಕಾರ್ಯಾಚರಣೆಯನ್ನು ಪೂರ್ಣಗೊಳಿಸಿದ್ದು, ತನ್ನ ಉತ್ಪಾದನಾ ಪ್ರಯಾಣದಲ್ಲಿ ಮಹತ್ವದ ಮೈಲಿಗಲ್ಲನ್ನು ಸಾಧಿಸಿದೆ. ದೇಶೀಯ ಮತ್ತು ಜಾಗತಿಕ ಮಾರುಕಟ್ಟೆಗಳಿಗೆ ನಿರ್ಣಾಯಕ ಉತ್ಪಾದನಾ ನೆಲೆಯಾಗಿ ತನ್ನ ಪಾತ್ರವನ್ನು ಬಲಪಡಿಸಿಕೊಂಡಿರುವ ಕಂಪನಿಯು, ಈ ಅತ್ಯಾಧುನಿಕ ಸೌಲಭ್ಯದಿಂದ ತನ್ನ 5 ಮಿಲಿಯನ್ (50 ಲಕ್ಷ) ದ್ವಿಚಕ್ರ ವಾಹನಗಳನ್ನು ಉತ್ಪಾದನೆ ಮಾಡಿ ಹೊರತಂದಿದೆ. ಈ ಮೈಲಿಗಲ್ಲಿನ್ನು ಪೂರ್ಣಗೊಳಿಸಿ ಹೊರಬಂದ ವಾಹನವಾಗಿ ಯಮಹಾ ಏರೋಕ್ಸ್ 155 ಸ್ಕೂಟರ್ ಗುರ್ತಿಸಿಕೊಂಡಿದೆ.

ಕಳೆದ ಹತ್ತು ವರ್ಷಗಳಲ್ಲಿ ಚೆನ್ನೈ ಸ್ಥಾವರವು ಭಾರತ ಮತ್ತು ವಿದೇಶಿ ರಫ್ತು ಮಾರುಕಟ್ಟೆಗಳಿಗೆ ಮೂಲಾಧಾರವಾಗಿದೆ. ಇಲ್ಲಿ ಪ್ರಸ್ತುತ ರೇಝಡ್ಆರ್ 125 ಎಫ್‌ಐ (RayZR 125 Fi) ಮತ್ತು ಫ್ಯಾಸಿನೊ 125 ಎಫ್‌ಐ (Fascino 125 Fi) ಸೇರಿದಂತೆ ಯಮಹಾದ ಹೈಬ್ರಿಡ್ ಸ್ಕೂಟರ್‌ಗಳನ್ನು ತಯಾರಿಸಲಾಗುತ್ತದೆ. ಜೊತೆಗೆ ಪರ್ಫಾಮೆನ್ಸ್-ಆಧಾರಿತ ಏರೋಕ್ಸ್ 155 ಆವೃತ್ತಿ ಎಸ್ ಅನ್ನು ಸಹ ತಯಾರಿಸಲಾಗುತ್ತದೆ.

ರಫ್ತು ದೃಷ್ಟಿಕೋನದಿಂದ, ಈ ಉತ್ಪಾದನಾ ಸೌಲಭ್ಯವು FZ ಸಿರೀಸ್, ಸಲೂಟೊ ರೇಂಜ್ ಮತ್ತು ಆಲ್ಫಾ ಸ್ಕೂಟರ್ ಅನ್ನು ಸಹ ಉತ್ಪಾದಿಸಲಾಗುತ್ತದೆ. ಇಲ್ಲಿಂದ ವೈವಿಧ್ಯಮಯ ಜಾಗತಿಕ ಮಾರುಕಟ್ಟೆಗಳಿಗೆ ತಲುಪಿಸುವಲ್ಲಿ ಕಾರ್ಖಾನೆಯು ಪ್ರಮುಖ ಪಾತ್ರವನ್ನು ವಹಿಸಿದೆ. ಈ ಕಾರ್ಖಾನೆಯ ಒಟ್ಟು ಉತ್ಪಾದನೆಯ 30% ಕ್ಕಿಂತ ಹೆಚ್ಚು ರಫ್ತು ಮಾಡಲ್ಪಡುತ್ತದೆ.

ಯಮಹಾ ಮೋಟಾರ್ ಇಂಡಿಯಾ ಗ್ರೂಪ್ ಆಫ್ ಕಂಪನಿಗಳ ಅಧ್ಯಕ್ಷ ಇಟಾರು ಒಟಾನಿ ಮಾತನಾಡಿ, "ಚೆನ್ನೈ ಕಾರ್ಖಾನೆಯು ಯಮಹಾದ ಜಾಗತಿಕ ಉತ್ಪಾದನಾ ಜಾಲದಲ್ಲಿ ಪ್ರಾಮುಖ್ಯತೆಯನ್ನು ಹೊಂದಿದೆ. ಕೌಶಲ್ಯಪೂರ್ಣ ಉದ್ಯೋಗಿಗಳು, ಸಿಂಕ್ರೊನೈಸ್ ಮಾಡಿದ ಕಾರ್ಯಾಚರಣೆಗಳು ಮತ್ತು ಜಾಗತಿಕ ಗುಣಮಟ್ಟದ ಮಾನದಂಡಗಳಿಗೆ ಬಲವಾದ ಬದ್ಧತೆಯಿಂದ ಯಮಹಾ ನಡೆಸಲ್ಪಡುತ್ತದೆ.

ವಿಶ್ವಾದ್ಯಂತ ಯಮಹಾದ ಅತ್ಯಂತ ಆಧುನಿಕ ಉತ್ಪಾದನಾ ಸೌಲಭ್ಯಗಳಲ್ಲಿ ಒಂದಾಗಿ, ಇದು ಜಾಗತಿಕ ಮಾರುಕಟ್ಟೆಗಳಿಗೆ ವಿಶ್ವಾಸಾರ್ಹ ರಫ್ತುದಾರನಾಗಿ ತನ್ನ ಪಾತ್ರವನ್ನು ಬಲಪಡಿಸಿಕೊಂಡಿದೆ. ನಮ್ಮ ಸಮರ್ಪಿತ ಉದ್ಯೋಗಿಗಳು, ಮಾರಾಟಗಾರ ಪಾಲುದಾರರು ಮತ್ತು ಉತ್ಸಾಹಭರಿತ ಗ್ರಾಹಕರಿಗೆ ನಾನು ನನ್ನ ಆಳವಾದ ಕೃತಜ್ಞತೆಯನ್ನು ವ್ಯಕ್ತಪಡಿಸುತ್ತೇನೆ ಎಂದು ಅಧ್ಯಕ್ಷ ಇಟಾರು ಒಟಾನಿ ಹೇಳಿದರು.

177 ಎಕರೆ ವಿಸ್ತೀರ್ಣದಲ್ಲಿ ಹರಡಿರುವ ಚೆನ್ನೈ ಕಾರ್ಖಾನೆಯಲ್ಲಿ - 109 ಎಕರೆಗಳನ್ನು IYM ಗೆ ಮೀಸಲಿಡಲಾಗಿದೆ, 68 ಎಕರೆಗಳನ್ನು ಸಹ-ಸ್ಥಳೀಯ ಮಾರಾಟಗಾರ ಪಾಲುದಾರರಿಗೆ ಮೀಸಲಿಡಲಾಗಿದೆ. ಉತ್ಪಾದನಾ ದಕ್ಷತೆ, ವೇಗ ಮತ್ತು ಪೂರೈಕೆ ಸರಪಳಿ ಏಕೀಕರಣದೊಂದಿಗೆ ಈ ಸೌಲಭ್ಯವು ಯಮಹಾದ ವಿಶ್ವದ ಅತ್ಯಂತ ಮುಂದುವರಿದ ಕಾರ್ಖಾನೆಗಳಲ್ಲಿ ಒಂದನ್ನಾಗಿ ಮಾಡಿದೆ.

ಚೆನ್ನೈ ಉತ್ಪಾದನಾ ಸೌಲಭ್ಯವು ಭಾರತೀಯ ಗ್ರಾಹಕರಿಗೆ ಪ್ರೀಮಿಯಂ ಮಾದರಿಗಳಿಂದ ಹಿಡಿದು ಯುರೋಪ್, ಲ್ಯಾಟಿನ್ ಅಮೆರಿಕ, ಆಸಿಯಾನ್ ಮತ್ತು ಅದರಾಚೆಗಿನ ಮಾರುಕಟ್ಟೆಗಳಿಗೆ ಅನುಗುಣವಾಗಿ ವಿವಿಧ ಯಮಹಾದ ವಾಹನಗಳನ್ನು ನೀಡುತ್ತಾ ಬಂದಿದೆ. ಗುಣಮಟ್ಟ, ಡಿಜಿಟಲ್ ವ್ಯವಸ್ಥೆಗಳು ಮತ್ತು ಸುಸ್ಥಿರ ತಂತ್ರಜ್ಞಾನಗಳ ಮೇಲೆ ಕೇಂದ್ರೀಕರಿಸಿ, ಈ ಸೌಲಭ್ಯವು ಸ್ಮಾರ್ಟ್ ಮತ್ತು ಪರಿಸರ ಸ್ನೇಹಿ ಉತ್ಪಾದನೆಯ ಭವಿಷ್ಯಕ್ಕಾಗಿ ಉತ್ತಮವಾಗಿ ಸಿದ್ಧವಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಚೆನ್ನೈ ಸ್ಥಾವರವು ವಿಶ್ವ ದರ್ಜೆಯ ದ್ವಿಚಕ್ರ ವಾಹನಗಳ ಬಲವಾದ ಉತ್ಪಾದನೆ ಮತ್ತು ಅಭಿವೃದ್ಧಿ ಕೇಂದ್ರವಾಗಿ ಮೇಕ್-ಇನ್-ಇಂಡಿಯಾಕ್ಕೆ ಬ್ರ್ಯಾಂಡ್‌ನ ದೀರ್ಘಕಾಲೀನ ಬದ್ಧತೆಗೆ ಸಾಕ್ಷಿಯಾಗಿದೆ. ಈ ಸಾಧನೆಯು ಭಾರತೀಯ ಮಾರುಕಟ್ಟೆಯಲ್ಲಿ ಯಮಹಾದ ಮೋಟಾರ್‌ಸೈಕಲ್ ವ್ಯವಹಾರವನ್ನು ಬಲಪಡಿಸುವಲ್ಲಿ ಮಹತ್ವದ ಹೆಜ್ಜೆಯನ್ನು ಸೂಚಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.