ZELIO E: ಅಗ್ಗದ ಹೊಸ ಸ್ಕೂಟರ್ ಬಿಡುಗಡೆ: ಖರ್ಚಿಲ್ಲದೆ ಓಡಾಡಿ... ಕೇವಲ ರೂ. 49,500

ಪ್ರಮುಖ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿರುವ ZELIO E ಮೊಬಿಲಿಟಿ, ತನ್ನ ಇತ್ತೀಚಿನ ಮಾದರಿ ಲಿಟಲ್ ಗ್ರೇಸಿಯನ್ನು ಅನಾವರಣಗೊಳಿಸಿದೆ. ಇದು 10-18 ವರ್ಷ ವಯಸ್ಸಿನ ಕಿರಿಯ ಸವಾರರಿಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಕಡಿಮೆ-ವೇಗದ ಎಲೆಕ್ಟ್ರಿಕ್ ಸ್ಕೂಟರ್ ಆಗಿದೆ. ಈ ಹೊಸ ಕೊಡುಗೆಯು ಕಂಪನಿಯ ಪೋರ್ಟ್‌ಫೋಲಿಯೊಗೆ ಗಮನಾರ್ಹ ಸೇರ್ಪಡೆಯಾಗಿದ್ದು, ಲಿಟಲ್ ಗ್ರೇಸಿ ಸ್ಕೂಟರ್‌ಗೆ ಚಾಲನಾ ಪರವಾನಗಿ ಅಗತ್ಯವಿಲ್ಲ. ವಿಶ್ವಾಸಾರ್ಹ, ಪರಿಸರ ಸ್ನೇಹಿ ಮತ್ತು ಅನುಕೂಲಕರ ಸಾರಿಗೆ ವಿಧಾನವನ್ನು ಬಯಸುವ ವಿದ್ಯಾರ್ಥಿಗಳು ಮತ್ತು ಯುವಕರಿಗೆ ಇದು ಸೂಕ್ತ ಆಯ್ಕೆಯಾಗಿದೆ ಎಂದು ಕಂಪನಿ ಹೇಳಿದೆ.

ಲಿಟಲ್ ಗ್ರೇಸಿ ಮೂರು ವೇರಿಯೆಂಟ್‌ಗಳಲ್ಲಿ ಲಭ್ಯವಿದ್ದು, ಬೆಲೆಯು ರೂ. 49,500 (ಎಕ್ಸ್-ಶೋರೂಂ) ನಿಂದ ಪ್ರಾರಂಭವಾಗುತ್ತದೆ. ವೇರಿಯೆಂಟ್‌ಗಳನ್ನು ಅವುಗಳ ಬ್ಯಾಟರಿ ಆಯ್ಕೆಗಳಿಂದ ಪ್ರತ್ಯೇಕಿಸಲಾಗಿದೆ, ವಿಭಿನ್ನ ಗ್ರಾಹಕರ ಆದ್ಯತೆಗಳನ್ನು ಪೂರೈಸಲು ವಿಭಿನ್ನ ಶ್ರೇಣಿಗಳು ಮತ್ತು ಚಾರ್ಜಿಂಗ್ ಸಮಯಗಳನ್ನು ಹೊಂದಿದೆ ಎಂದು ಝೀಲಿಯೊ ಕಂಪನಿ ತಿಳಿಸಿದೆ.

48V/32AH ಲೀಡ್ ಆಸಿಡ್ ಬ್ಯಾಟರಿ ಹೊಂದಿರುವ ಸ್ಕೂಟರ್ ರೂ. 49,500 ಬೆಲೆಯಿದ್ದು, 7 ರಿಂದ 8 ಗಂಟೆಗಳಲ್ಲಿ ಸಂಪೂರ್ಣ ಚಾರ್ಜ್‌ ಆಗುವ ಮೂಲಕ 55 ರಿಂದ 60 ಕಿ.ಮೀ ರೇಂಜ್ ನೀಡುತ್ತದೆ. ಹಾಗೆಯೇ 60V/32AH ಲೀಡ್ ಆಸಿಡ್ ಬ್ಯಾಟರಿ ಹೊಂದಿರುವ ಸ್ಕೂಟರ್ 52,000 ರೂ. ಬೆಲೆಯಿದ್ದು, 7 ರಿಂದ 9 ಗಂಟೆಗಳ ಚಾರ್ಜಿಂಗ್ ಸಮಯದೊಂದಿಗೆ 70 ಕಿ.ಮೀ. ರೇಂಜ್ ನೀಡುತ್ತದೆ.

60V/30AH ಲಿ-ಐಯಾನ್ ಬ್ಯಾಟರಿ ಹೊಂದಿರುವ ಸ್ಕೂಟರ್ 58,000 ರೂ. ಬೆಲೆಯಿದ್ದು, 8 ರಿಂದ 9 ಗಂಟೆಗಳ ಚಾರ್ಜಿಂಗ್ ಸಮಯದೊಂದಿಗೆ 70 ರಿಂದ 75 ಕಿ.ಮೀ. ರೇಂಜ್ ನೀಡುತ್ತದೆ. ಪ್ರತಿಯೊಂದು ಮಾದರಿಯು 48/60V BLDC ಮೋಟಾರ್ ಹೊಂದಿದ್ದು, 80 ಕೆ.ಜಿ ತೂಕವಿರುತ್ತವೆ. ಹಾಗೆಯೇ 150 ಕೆ.ಜಿ ಲೋಡಿಂಗ್ ಸಾಮರ್ಥ್ಯವನ್ನು ಹೊಂದಿವೆ.

25 ಕಿ.ಮೀ ಗರಿಷ್ಠ ವೇಗ ಮತ್ತು ಪ್ರತಿ ಚಾರ್ಜ್‌ಗೆ ಕೇವಲ 1.5 ಯೂನಿಟ್‌ಗಳಷ್ಟು ವಿದ್ಯುತ್ ಬಳಕೆಯನ್ನು ಹೊಂದಿದೆ. ಈ ಸ್ಕೂಟರ್ ಡಿಜಿಟಲ್ ಮೀಟರ್, USB ಪೋರ್ಟ್, ಕೀಲೆಸ್ ಡ್ರೈವ್, ಆಂಟಿ-ಥೆಫ್ಟ್ ಅಲಾರಂನೊಂದಿಗೆ ಸೆಂಟರ್ ಲಾಕ್, ರಿವರ್ಸ್ ಗೇರ್, ಪಾರ್ಕಿಂಗ್ ಸ್ವಿಚ್ ಮತ್ತು ಆಟೋ-ರಿಪೇರಿ ಸ್ವಿಚ್‌ನಂತಹ ಆಧುನಿಕ ಅನುಕೂಲಗಳನ್ನು ಹೊಂದಿದೆ.

ಇದು ಹೈಡ್ರಾಲಿಕ್ ಸಸ್ಪೆನ್ಷನ್, ಮುಂಭಾಗ ಮತ್ತು ಹಿಂಭಾಗ ಎರಡರಲ್ಲೂ ಡ್ರಮ್ ಬ್ರೇಕ್‌ಗಳನ್ನು ಸಹ ಒಳಗೊಂಡಿದೆ. ರೋಸ್, ಬ್ರೌನ್/ಕ್ರೀಮ್, ವೈಟ್/ಬ್ಲೂ ಮತ್ತು ಯೆಲ್ಲೋ/ಗ್ರೀನ್ ಎಂಬ ನಾಲ್ಕು ಆಕರ್ಷಕ ಬಣ್ಣ ಸಂಯೋಜನೆಗಳಲ್ಲಿ ಲಭ್ಯವಿದೆ. ಲಿಟಲ್ ಗ್ರೇಸಿ ಮೋಟಾರ್, ಕಂಟ್ರೋಲರ್ ಮತ್ತು ಫ್ರೇಮ್ ಅನ್ನು ಒಳಗೊಂಡ ಎರಡು ವರ್ಷಗಳ ಖಾತರಿಯೊಂದಿಗೆ ಬರುತ್ತದೆ.

ZELIO E ಮೊಬಿಲಿಟಿ ಭಾರತದಲ್ಲಿ 2,00,000 ಕ್ಕೂ ಹೆಚ್ಚು ಸಂತೃಪ್ತ ಗ್ರಾಹಕರು ಮತ್ತು ದೇಶಾದ್ಯಂತ 400+ ಡೀಲರ್‌ಶಿಪ್‌ಗಳ ಜಾಲವನ್ನು ಹೊಂದಿದೆ. 2025 ರ ಅಂತ್ಯದ ವೇಳೆಗೆ 1,000+ ಡೀಲರ್‌ಶಿಪ್‌ಗಳನ್ನು ಹೊಂದುವ ಗುರಿಯನ್ನು ಕಂಪನಿಯು ಹೊಂದಿದೆ. ದೇಶಾದ್ಯಂತ ಗ್ರಾಹಕರಿಗೆ ಪರಿಸರ ಸ್ನೇಹಿ ಮತ್ತು ಕೈಗೆಟುಕುವ ಚಲನಶೀಲತೆ ಪರಿಹಾರಗಳನ್ನು ಒದಗಿಸುವ ತನ್ನ ಸಮರ್ಪಣೆಯನ್ನು ಪುನರುಚ್ಚರಿಸುತ್ತದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.