ಖರ್ಚಿಲ್ಲದೆ 90 ಕಿ.ಮೀ ಓಡಿಸಬಹುದು: ಕೇವಲ 51 ಸಾವಿರಕ್ಕೆ ಹೊಸ ಸ್ಟೈಲಿಷ್ ಸ್ಕೂಟರ್!

ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ತಯಾರಕರಾದ ಝೀಲಿಯೊ ಇ-ಮೊಬಿಲಿಟಿ, ಹೊಸ ಈವಾ ಇಕೋ ಎಲ್‌ಎಕ್ಸ್ ಮತ್ತು ಈವಾ ಇಕೋ ಝೆಡ್‌ಎಕ್ಸ್ ಜೊತೆಗೆ ನವೀಕರಿಸಿದ ಈವಾ ಝೆಡ್‌ಎಕ್ಸ್ ಪ್ಲಸ್ ಅನ್ನು ಇತ್ತೀಚೆಗೆ ಬಿಡುಗಡೆ ಮಾಡಿದೆ. ಯುವ ಸವಾರರು, ಮಹಿಳಾ ಪ್ರಯಾಣಿಕರು ಮತ್ತು ಸುರಕ್ಷಿತ, ಪ್ರಾಯೋಗಿಕತೆಗೆ ಆದ್ಯತೆ ನೀಡುವ ಕುಟುಂಬಗಳ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು ಹೊಸ ಈವಾ ಸಿರೀಸ್ ರಚಿಸಲಾಗಿದೆ. ಮಾಡಲ್‌ಗಳು ಕೈಗೆಟುಕುವ ಬೆಲೆಯಲ್ಲಿ ಸಿಗಲಿದ್ದು, ಈಗ ದೇಶಾದ್ಯಂತ ಝೀಲಿಯೊ ಡೀಲರ್‌ ಶಿಪ್‌ಗಳಲ್ಲಿ ಖರೀದಿಗೆ ಲಭ್ಯವಿದೆ.

ಈವಾ ಝೆಡ್‌ಎಕ್ಸ್ (ಫೇಸ್‌ಲಿಫ್ಟ್): ಹೊಸ ಈವಾ ಝೆಡ್‌ಎಕ್ಸ್ ಗ್ಲೋಸಿ ಬ್ಲ್ಯಾಕ್, ಗ್ಲೋಸಿ ಗೋಲ್ಡ, ಗ್ಲೋಸಿ ರೆಡ್, ಮ್ಯಾಟ್ ಬ್ಲೂ ಮತ್ತು ಗ್ಲೋಸಿ ವೈಟ್ ಸೇರಿದಂತೆ ಹೊಸ ಬಣ್ಣ ಆಯ್ಕೆಗಳೊಂದಿಗೆ ಬರುತ್ತದೆ. ಇದು ಈಗ ಹಿಂಭಾಗದ ಡ್ರಮ್ ಬ್ರೇಕ್, ಹೈಡ್ರಾಲಿಕ್ ಸಸ್ಪೆನ್ಷನ್ ಮತ್ತು ಎರಡೂ ಚಕ್ರಗಳಲ್ಲಿ 90-90/12 ಟೈರ್‌ಗಳೊಂದಿಗೆ ಜೋಡಿಸಲಾದ ಮುಂಭಾಗದ ಡಿಸ್ಕ್ ಬ್ರೇಕ್ ಅನ್ನು ಹೊಂದಿದೆ.

ಫೇಸ್‌ಲಿಫ್ಟೆಡ್ Eeva ZX ಆರಂಭಿಕ ಬೆಲೆಯು ರೂ. 65,051 (ಎಕ್ಸ್-ಶೋರೂಂ) ಇದೆ. 60/72V BLDC ಮೋಟಾರ್ ಆಯ್ಕೆಗಳು ಮತ್ತು 12-32Ah/42Ah GEL ನಿಂದ 60V/30Ah-72V/32Ah ಲಿಥಿಯಂ ಕಾನ್ಫಿಗರೇಶನ್‌ಗಳವರೆಗಿನ ಬಹು ಬ್ಯಾಟರಿ ಆಯ್ಕೆಗಳೊಂದಿಗೆ ಕಾರ್ಯಕ್ಷಮತೆಯ ಪ್ರೊಫೈಲ್ ಅನ್ನು ಅಪ್‌ಗ್ರೇಡ್ ಮಾಡಲಾಗಿದೆ. ಪೂರ್ಣ ಚಾರ್ಜ್‌ಗೆ 60 ರಿಂದ 90 ಕಿ.ಮೀ ಓಡಿಸಬಹುದು ಎಂದು ಕಂಪನಿ ತಿಳಿಸಿದೆ.

ಈವಾ ಇಕೋ ಝೆಡ್‌ಎಕ್ಸ್: ಹೊಸ ಈವಾ ಇಕೋ ಝೆಡ್‌ಎಕ್ಸ್ ಗ್ಲೋಸಿ ಬ್ಲ್ಯಾಕ್, ಗ್ಲೋಸಿ ಗ್ರೇ, ಗ್ಲೋಸಿ ರೆಡ್, ಗ್ಲೋಸಿ ಬ್ಲೂ ಮತ್ತು ಗ್ಲೋಸಿ ವೈಟ್ ಬಣ್ಣಗಳ ಆಯ್ಕೆಗಳಲ್ಲಿ ಬರುತ್ತದೆ. ಇದು ಮುಂಭಾಗ ಮತ್ತು ಹಿಂಭಾಗದಲ್ಲಿ ಡ್ರಮ್ ಬ್ರೇಕ್‌ಗಳು, ಹೈಡ್ರಾಲಿಕ್ ಸಸ್ಪೆನ್ಷನ್ ಮತ್ತು 90-90/12 ಮುಂಭಾಗ ಮತ್ತು 90-100/10 ಹಿಂಭಾಗದ ಟೈರ್‌ಗಳನ್ನು ಹೊಂದಿದ್ದು, ಉತ್ತಮ ರಸ್ತೆ ಉಪಸ್ಥಿತಿ ಮತ್ತು ನಿಯಂತ್ರಣವನ್ನು ಒದಗಿಸುತ್ತದೆ.

ಈವಾ ಇಕೋ ಝೆಡ್‌ಎಕ್ಸ್ ಆರಂಭಿಕ ಬೆಲೆಯು ರೂ. 53,551 (ಎಕ್ಸ್-ಶೋರೂಂ) ಇದೆ. ವಿಶ್ವಾಸಾರ್ಹ 48/60V BLDC ಮೋಟಾರ್, ಪ್ರತಿ ಚಾರ್ಜ್‌ಗೆ 60 ರಿಂದ 90 ಕಿ.ಮೀ ಓಡಿಸಬಹುದು. ಪ್ರತಿ ಚಾರ್ಜ್‌ಗೆ 1.5 ಯೂನಿಟ್‌ ವಿದ್ಯುತ್ ಬಳಕೆ ಮಾಡುತ್ತದೆ. 12-32Ah GEL ಮತ್ತು 60V/30Ah ಲಿಥಿಯಂ ಬ್ಯಾಟರಿ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ.

ಈವಾ ಇಕೋ ಎಲ್‌ಎಕ್ಸ್: ಹೊಸ ಈವಾ ಇಕೋ ಎಲ್‌ಎಕ್ಸ್ ಎರಡೂ ತುದಿಗಳಲ್ಲಿ ಡ್ರಮ್ ಬ್ರೇಕ್‌ಗಳು, ಹೈಡ್ರಾಲಿಕ್ ಸಸ್ಪೆನ್ಷನ್ ಮತ್ತು ಮುಂಭಾಗ - ಹಿಂಭಾಗದಲ್ಲಿ 3-10 ಟೈರ್‌ಗಳನ್ನು ಹೊಂದಿದೆ. ಪೂರ್ಣ ಚಾರ್ಜ್‌ಗೆ ಕೇವಲ 1.5 ಯೂನಿಟ್ ವಿದ್ಯುತ್ ಬಳಸುತ್ತದೆ. 48-60V/32Ah GEL ಮತ್ತು 60V/30Ah ಲಿಥಿಯಂ ಬ್ಯಾಟರಿ ಆಯ್ಕೆಗಳೊಂದಿಗೆ ಲಭ್ಯವಿರುವ Eco LX, ಸ್ಥಿರ, ಆರಾಮದಾಯಕ ನಗರ ಸವಾರಿಗೆ ಬೆಸ್ಟ್ ಆಯ್ಕೆಯಾಗಿದೆ.

ಸ್ಕೂಟರ್ ವಿಶಾಲವಾದ 36-ಲೀಟರ್ ಬೂಟ್, ಬಾಳಿಕೆ ಬರುವ ಚಾಸಿಸ್ ಹೊಂದಿದೆ. ಈವಾ ಇಕೋ ಎಲ್‌ಎಕ್ಸ್ ಆರಂಭಿಕ ಬೆಲೆಯು ಕೇವಲ ರೂ.51,551 (ಎಕ್ಸ್-ಶೋರೂಂ) ಇದೆ. ಗ್ಲೋಸಿ ಬ್ಲ್ಯಾಕ್, ಗ್ಲೋಸಿ ಗ್ರೇ, ಗ್ಲೋಸಿ ರೆಡ್ ಮತ್ತು ಗ್ಲೋಸಿ ಬ್ಲೂ ಬಣ್ಣಗಳ ಆಯ್ಕೆಯಲ್ಲಿ ಖರೀದಿಸಬಹುದು. ಇದನ್ನು ಪ್ರಾಯೋಗಿಕ ದೈನಂದಿನ ನಗರ ಪ್ರಯಾಣಕ್ಕಾಗಿ ನಿರ್ಮಿಸಲಾಗಿದೆ. 48/60V BLDC ಮೋಟಾರ್‌ನಿಂದ ಚಾಲಿತವಾಗಿದ್ದು, ಪ್ರತಿ ಚಾರ್ಜ್‌ಗೆ 60-90 ಕಿ.ಮೀ ಓಡಿಸಬಹುದು.

ತನ್ನ ಈವಾ ಶ್ರೇಣಿಯ ಅಡಿಯಲ್ಲಿ ಮೂರು ನವೀಕರಿಸಿದ ಸ್ಕೂಟರ್‌ಗಳನ್ನು ಪರಿಚಯಿಸುವ ಮೂಲಕ ಕಡಿಮೆ-ವೇಗದ ಇವಿ ವಿಭಾಗದಲ್ಲಿ ತನ್ನ ಅಸ್ತಿತ್ವವನ್ನು ಬಲಪಡಿಸಿಕೊಂಡಿದೆ. ಕಂಪನಿಯು ಹೊಸ ಈವಾ ಇಕೋ ಎಲ್‌ಎಕ್ಸ್ ಮತ್ತು ಈವಾ ಇಕೋ ಝೆಡ್‌ಎಕ್ಸ್ ಜೊತೆಗೆ ನವೀಕರಿಸಿದ ಈವಾ ಝೆಡ್‌ಎಕ್ಸ್ ಪ್ಲಸ್ ಅನ್ನು ಈಗ ಬಿಡುಗಡೆ ಮಾಡಿದೆ. ಇದನ್ನು ದೈನಂದಿನ ನಗರ ಪ್ರಯಾಣಕ್ಕಾಗಿ ದಕ್ಷತೆ, ಸೌಕರ್ಯ ಮತ್ತು ಶೈಲಿಯನ್ನು ಹೆಚ್ಚಿಸಲು ವಿನ್ಯಾಸಗೊಳಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.