₹5,000 ಒಳಗಿನ ಬೆಸ್ಟ್ ISI ಹೆಲ್ಮೆಟ್ ಖರೀದಿಸುವ ಮುನ್ನ ಈ 5 ವಿಷಯಗಳನ್ನು ಮರೆಯಬೇಡಿ!

ಇಂದು (ನವೆಂಬರ್ 9) ಧನ್ ತೇರಸ್ ಹಾಗೂ ದೀಪಾವಳಿ ಹಬ್ಬದ ಲಾಸ್ಟ್-ಮಿಮಿಟ್ ಶಾಪಿಂಗ್ ಬಿಸಿಯಲ್ಲಿದ್ದೀರಾ? ನೀವು ಸುರಕ್ಷಿತ ಮತ್ತು ತಕ್ಷಣಕ್ಕೆ ಸಿಗುವ ಹೆಲ್ಮೆಟ್ ಹುಡುಕುತ್ತಿದ್ದರೆ, ₹5,000 ಒಳಗಿನ ಐಎಸ್‌ಐ (ISI) ಸರ್ಟಿಫೈಡ್ ಫುಲ್-ಫೇಸ್ ಹೆಲ್ಮೆಟ್‌ಗಳ ಕಡೆಗೆ ಗಮನ ಕೊಡಿ. ಕೇವಲ ಆಕರ್ಷಕ ಲುಕ್ ನೋಡಿ ಮೋಸಹೋಗಬೇಡಿ. ಡಿಸ್ಕೌಂಟ್ ಆಫರ್‌ಗಳಿಗಿಂತ ಸುರಕ್ಷತೆಗೆ ಮೊದಲ ಆದ್ಯತೆ ನೀಡುವುದೇ ಜಾಣತನ. ಬಿಐಎಸ್-ಕ್ಯೂಆರ್ (BIS-QR) ಕೋಡ್ ಪರಿಶೀಲನೆ, ಸರಿಯಾದ ಸೈಸ್, ರಾತ್ರಿ ಸವಾರಿಗೆ ಬೆಳಕಿನ ವಿಸಿಬಿಲಿಟಿ, ಮಳೆಯಿಂದ ರಕ್ಷಣೆ ಕೊಡುವ ಫೀಚರ್ಸ್‌ ಮತ್ತು ರಿಟರ್ನ್ ಆಪ್ಷನ್‌ಗಳ ಕುರಿತು ಇಲ್ಲಿದೆ ಕಂಪ್ಲೀಟ್ ಗೈಡ್.

ಭಾರತದಲ್ಲಿ ಮಾರಾಟವಾಗುವ ಎಲ್ಲಾ ಹೆಲ್ಮೆಟ್‌ಗಳು IS 4151 ಗುಣಮಟ್ಟಕ್ಕೆ ಬದ್ಧವಾಗಿರಬೇಕು ಮತ್ತು ISI ಮಾರ್ಕ್ ಹೊಂದಿರಲೇಬೇಕು. 2020ರ ಕ್ವಾಲಿಟಿ ಕಂಟ್ರೋಲ್ ಆರ್ಡರ್ ಪ್ರಕಾರ ಇದು ಕಡ್ಡಾಯ. ಆದ್ದರಿಂದ ಹಬ್ಬದ ಆಫರ್ ಹೆಸರಲ್ಲಿ ISI ಮಾರ್ಕ್ ಇಲ್ಲದ ಹೆಲ್ಮೆಟ್‌ಗಳನ್ನು ಮರೆತೂ ಖರೀದಿಸಬೇಡಿ. ಹೆಲ್ಮೆಟ್ ಅಸಲಿತನವನ್ನು ಪರಿಶೀಲಿಸಲು 'BIS Care' ಆಪ್ ಬಳಸುವಂತೆ BIS ಸೂಚಿಸಿದೆ. "ಗ್ರಾಹಕರು ISI ಗುರುತಿನ ಅಸಲಿತನವನ್ನು ಚೆಕ್ ಮಾಡಬಹುದು ಮತ್ತು ದೂರುಗಳನ್ನು ಕೂಡ ದಾಖಲಿಸಬಹುದು" ಎಂದು ಸರ್ಕಾರ ತಿಳಿಸಿದೆ.

₹5,000 ಒಳಗಿನ ISI ಸರ್ಟಿಫೈಡ್ ಫುಲ್-ಫೇಸ್ ಹೆಲ್ಮೆಟ್‌ಗಳು: ಖರೀದಿಸುವ ಮುನ್ನ ಇವು ನೆನಪಿರಲಿ

₹5,000 बजೆಟ್‌ನಲ್ಲಿ ಹೆಲ್ಮೆಟ್ ಕೊಳ್ಳುವಾಗ ಗಟ್ಟಿಮುಟ್ಟಾದ ಪಾಲಿಕಾರ್ಬೊನೇಟ್ ಶೀಲ್ಡ್, ಶಾಕ್ ತಡೆಯುವ ಇಪಿಎಸ್ (EPS) ಲೈನರ್ ಮತ್ತು ಸುರಕ್ಷಿತ ಮೈಕ್ರೋಮೆಟ್ರಿಕ್ ಸ್ಟ್ರಾಪ್ ಇದೆಯೇ ಎಂದು ಖಚಿತಪಡಿಸಿಕೊಳ್ಳಿ. ರಾತ್ರಿ ಸವಾರಿಗೆ ಡಾರ್ಕ್ ಅಥವಾ ಮಿರರ್ಡ್ ವೈಸರ್‌ಗಳ ಬದಲು ಸ್ಕ್ರ್ಯಾಚ್-ನಿರೋಧಕ ಕ್ಲಿಯರ್ ವೈಸರ್ ಸೂಕ್ತ. ಹೆಲ್ಮೆಟ್‌ನಲ್ಲಿರುವ ಏರ್ ವೆಂಟ್‌ಗಳು ಮತ್ತು ರಿಫ್ಲೆಕ್ಟಿವ್ ಎಲಿಮೆಂಟ್‌ಗಳು ಸುಲಭ ಸಂಚಾರಕ್ಕೆ ನೆರವಾಗುತ್ತವೆ. ಮಂಜು ಮುಸುಕಿದ ವಾತಾವರಣಕ್ಕಾಗಿ ಆಂಟಿ-ಫಾಗ್‌ ವೈಪ್ಸ್ ಬಳಸಿ ಅಥವಾ ಆಂಟಿ-ಫಾಗ್‌ ಇನ್ನರ್ ಸರ್ಫೇಸ್ ಇರುವುದನ್ನು ಆಯ್ಕೆ ಮಾಡಿ. ಈ ಸಣ್ಣ ಮುನ್ನೆಚ್ಚರಿಕೆಗಳು ನಿಮ್ಮ ಸವಾರಿಯನ್ನು ಮತ್ತಷ್ಟು ಸುರಕ್ಷಿತಗೊಳಿಸುತ್ತವೆ.

ಬಳಕೆಯ ಉದ್ದೇಶ	ಏನೆಲ್ಲಾ ಇರಬೇಕು?	ಬೆಲೆ ಶ್ರೇಣಿ
ದೈನಂದಿನ ಪ್ರಯಾಣ (ಡೈಲಿ ಕಮ್ಯೂಟ್)	ಹಗುರವಾದ ಶೆಲ್, ಕ್ಲಿಯರ್ ವೈಸರ್, ಕ್ವಿಕ್-ರಿಲೀಸ್ ಸ್ಟ್ರಾಪ್, ರಿಫ್ಲೆಕ್ಟರ್‌ಗಳು	₹2,000–₹3,500
ಹೈವೇ ಟೂರಿಂಗ್	ಉತ್ತಮ ಏರೋಡೈನಾಮಿಕ್ಸ್, ಅಗಲವಾದ ವೈಸರ್, ಪಿನ್‌ಲಾಕ್ ಸೌಲಭ್ಯ, ಸ್ಪೀಕರ್ ಕಟ್‌ಔಟ್‌ಗಳು	₹3,000–₹5,000
ಮಳೆಗಾಲದ ಸವಾರಿ	ಟೈಟ್ ವೈಸರ್ ಸೀಲ್, ಆಂಟಿ-ಫಾಗ್‌ ವೈಪ್ಸ್, ಓವರ್-ಗ್ಲೌಸ್‌ಗಳು ಮತ್ತು ಬೂಟ್ ಕವರ್‌ಗಳು	₹2,500–₹4,500

₹5,000 ಒಳಗಿನ ಹೆಲ್ಮೆಟ್: ಸರಿಯಾದ ಸೈಸ್ ಆಯ್ಕೆ ಮಾಡುವುದು ಹೇಗೆ?

ಹೆಲ್ಮೆಟ್ ಕೊಳ್ಳುವ ಮುನ್ನ ಹುಬ್ಬುಗಳ ಮೇಲ್ಭಾಗದಲ್ಲಿ ತಲೆಯ ಅಳತೆಯನ್ನು ಪಡೆದು, ಬ್ರ್ಯಾಂಡ್‌ನ ಸೈಸ್ ಚಾರ್ಟ್‌ನೊಂದಿಗೆ ಹೋಲಿಸಿ ನೋಡಿ. ಹೆಲ್ಮೆಟ್ ತಲೆಗೆ ಸರಿಯಾಗಿ ಕವರ್ ಆಗಬೇಕು ಮತ್ತು ಚೀಕ್ ಪ್ಯಾಡ್‌ಗಳು ಕೆನ್ನೆಗೆ ಸರಿಯಾಗಿ ಹೊಂದಿಕೊಳ್ಳಬೇಕು. ಸ್ಟ್ರಾಪ್ ಲಾಕ್ ಮಾಡಿದ ನಂತರ, ಹೆಲ್ಮೆಟ್ ಅನ್ನು ಮುಂಭಾಗಕ್ಕೆ ಎಳೆದು ನೋಡಿ (ಫಾರ್ವರ್ಡ್ ಪುಲ್-ಆಫ್ ಟೆಸ್ಟ್); ಹೆಲ್ಮೆಟ್ ಸಡಿಲವಾಗಿ ಕಳಚಿ ಬರಬಾರದು. ಇನ್ನು ರಾತ್ರಿ ವೇಳೆ ಬೈಕ್ ಚಲಾಯಿಸುವವರು ರಿಫ್ಲೆಕ್ಟಿವ್ ಸ್ಟಿಕ್ಕರ್‌ಗಳನ್ನು ಬಳಸುವುದು ಮತ್ತು ಸ್ಪಷ್ಟವಾಗಿ ಕಾಣಿಸುವ ಕ್ಲಿಯರ್ ವೈಸರ್ ಆಯ್ಕೆ ಮಾಡುವುದು ಉತ್ತಮ.

ISI ಮಾರ್ಕ್ ಮತ್ತು BIS QR ಕೋಡ್ ಪರಿಶೀಲಿಸುವುದು ಹೇಗೆ?

ಹೆಲ್ಮೆಟ್ ಬಿಲ್ ಮಾಡುವ ಮುನ್ನವೇ ಅದರ ಅಸಲಿತನ ಚೆಕ್ ಮಾಡಿ. 'BIS Care' ಆಪ್ ಓಪನ್ ಮಾಡಿ, 'Verify Licence Details' ಮೇಲೆ ಟ್ಯಾಪ್ ಮಾಡಿ CM/L ಲೈಸೆನ್ಸ್ ಸಂಖ್ಯೆಯನ್ನು ನಮೂದಿಸಿ ಅಥವಾ ಸ್ಕ್ಯಾನ್ ಮಾಡಿ. ತಯಾರಕರು, ಮಾಡೆಲ್ ಮತ್ತು ವಿಳಾಸ ಸರಿಯಾಗಿದೆಯೇ ಎಂದು ಪರಿಶೀಲಿಸಿ. ಯಾವುದೇ ವ್ಯತ್ಯಾಸವಿದ್ದರೆ ಆಪ್‌ನಲ್ಲೇ ದೂರು ನೀಡಿ. ಸೈಸ್ ತೊಂದರೆಯಾದರೆ ತಕ್ಷಣ ಎಕ್ಸ್‌ಚೇಂಜ್ ಮಾಡಿಕೊಳ್ಳಲು ಸೇಮ್-ಡೇ ಸ್ಟೋರ್ ಪಿಕ್‌ಅಪ್ ಆಯ್ಕೆ ಮಾಡುವುದು ಒಳ್ಳೆಯದು. ಆನ್‌ಲೈನ್‌ನಲ್ಲಿ ಕೊಳ್ಳುವುದಾದರೆ ರಿಟರ್ನ್ ಆಪ್ಷನ್ ಗಮನಿಸಿ. ಇನ್ನು ಸವಾರಿ ಮಾಡುವಾಗ ಇಯರ್‌ಫೋನ್‌ ಅಥವಾ ಇಯರ್‌ಬಡ್ಸ್ ಬಳಸಬೇಡಿ; ಟ್ರಾಫಿಕ್ ನಿಯಮಗಳ ಪ್ರಕಾರ ಇದು ಅಪರಾಧವಾಗಿದ್ದು, ದಂಡ ಬೀಳುವ ಸಾಧ್ಯತೆಯಿರುತ್ತದೆ.