KTM: 10 ಸಾವಿರ ಮೌಲ್ಯದ ಅಕ್ಸೆಸೊರಿಗಳು ಫ್ರೀ: ಯುವಕರ ಹಾಟ್ ಫೇವರೆಟ್ KTM 390 ಅಡ್ವೆಂಚರ್

ಕೆಟಿಎಂ (KTM) ಕಂಪನಿಯು ಭಾರತದಲ್ಲಿ ಮಧ್ಯಮ ಹೈ - ಪರ್ಫಾಮೆನ್ಸ್ ಮೋಟಾರ್‌ಸೈಕಲ್‌ ವಿಭಾಗದಲ್ಲಿ ಖ್ಯಾತಿಯನ್ನು ಗಳಿಸಿದೆ. ತನ್ನ 390ಸಿಸಿ ವಿಭಾಗವು ಯುವಕರ ಹಾಟ್‌ ಫೇವರೆಟ್ ಆಗಿದ್ದು, ಪ್ರಮುಖ ನಗರಗಳಲ್ಲಿ ಹೆಚ್ಚಾಗಿ ಮಾರಾಟ ಕಾಣುತ್ತವೆ. ಕೆಟಿಎಂ ಕಂಪನಿಯು ಆಸ್ಟ್ರಿಯನ್ ಮೋಟಾರ್‌ಸೈಕಲ್ ಬ್ರಾಂಡ್‌ ಆಗಿದ್ದು, ಅಂತರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿದೆ. ಆದರೂ ಭಾರತದಲ್ಲಿ ಗ್ರಾಹಕರ ಆದ್ಯತೆಗಳಿಗೆ ತಕ್ಕಂತೆ ವಾಹನಗಳನ್ನು ನಿರ್ಮಿಸಿ ಸ್ಪರ್ಧಾತ್ಮಕ ಬೆಲೆಯಲ್ಲಿ ಮೋಟಾರ್‌ಸೈಕಲ್‌ಗಳನ್ನು ನೀಡುತ್ತಾ ಟಾಪ್ ಪರ್ಫಾಮೆನ್ಸ್ ಮೋಟಾರ್‌ಸೈಕಲ್‌ ಬ್ರಾಂಡ್‌ಗಳಲ್ಲಿ ಒಂದಾಗಿ ಜನಪ್ರಿಯತೆ ಪಡೆದುಕೊಂಡಿದೆ.

ಕೆಟಿಎಂ, ಇಂದು ತನ್ನ ಅಡ್ವೆಂಚರ್ ಮೋಟಾರ್‌ಸೈಕಲ್‌ಗಳಾದ ಕೆಟಿಎಂ 390 ಅಡ್ವೆಂಚರ್ (KTM 390 Adventure) ಮತ್ತು ಕೆಟಿಎಂ 390 ಅಡ್ವೆಂಚರ್ ಎಕ್ಸ್ (KTM 390 Adventure X) ಮೇಲೆ ಸೀಮಿತ ಅವಧಿಯ ಹೊಸ ವರ್ಷದ ಆಫರ್ ಘೋಷಿಸಿದೆ. ಈ ಆಫರ್‌ಗಳು ಯುವಕರನ್ನು ಸೆಳೆಯುತ್ತಿದ್ದು, ಸ್ಪೋರ್ಟಿ ಅಡ್ವೆಂಚರ್ ಬಯಸುವವರಿಗೆ ಕೆಟಿಎಂ ಮೋಟಾರ್‌ಸೈಕಲ್‌ಗಳನ್ನು ಖರೀದಿಸಲು ಇದು ಸರಿಯಾದ ಸಮಯವಾಗಿದೆ.

ಈ ಆಫರ್ ಅಡಿಯಲ್ಲಿ, ಭಾರತದಾದ್ಯಂತ ಕೆಟಿಎಂ 390 ಅಡ್ವೆಂಚರ್ ಅಥವಾ 390 ಅಡ್ವೆಂಚರ್ ಎಕ್ಸ್ ಖರೀದಿಸುವ ಗ್ರಾಹಕರು 10,000 ರೂ. ಮೌಲ್ಯದ ನಿಜವಾದ ಕೆಟಿಎಂ ಪರಿಕರಗಳನ್ನು (genuine KTM accessories) ಮತ್ತು 2,650 ರೂ. ಮೌಲ್ಯದ 10 ವರ್ಷಗಳ ವಿಸ್ತೃತ ವಾರೆಂಟಿಯನ್ನು (extended warranty) ಸಂಪೂರ್ಣವಾಗಿ ಉಚಿತವಾಗಿ ಪಡೆಯಬಹುದು ಎಂದು ಕೆಟಿಎಂ ಘೋಷಿಸಿದೆ.

ನೈಜ ಜಗತ್ತಿನ ಸವಾರಿ ಸಾಮರ್ಥ್ಯವನ್ನು ಹೆಚ್ಚಿಸಲು ವಿನ್ಯಾಸಗೊಳಿಸಲಾದ ಈ ಕೆಟಿಎಂ ಅಕ್ಸೆಸೊರಿಗಳು ಅಡ್ವೆಂಚರ್ ಮತ್ತು ಆಫ್ - ರೋಡ್ ಬಳಕೆಗಾಗಿ ನೀಡಲಾಗಿದೆ. ಇದು ಕೆಟಿಎಂನ "ಮೇಡ್ ಫಾರ್ ಅಡ್ವೆಂಚರ್" ಅನ್ನು ಬಲಪಡಿಸುತ್ತದೆ. ವಿಸ್ತೃತ ವಾರೆಂಟಿಯು ಮಾಲೀಕತ್ವದ ಭರವಸೆಯನ್ನು ಮತ್ತಷ್ಟು ಬಲಪಡಿಸುತ್ತದೆ, ಸವಾರರು ದೀರ್ಘಾವಧಿಯವರೆಗೆ ವಾಹನ ಬಳಕೆ ಮತ್ತು ವಾರೆಂಟಿಯೊಂದಿಗೆ ಯಾವುದೇ ಚಿಂತೆಯಿಲ್ಲದೆ ಇರಬಹುದಾಗಿದೆ ಎಂದು ಕೆಟಿಎಂ ಭರವಸೆ ನೀಡಿದೆ.

ಅಂದಹಾಗೆ 10 ವರ್ಷಗಳ ವಿಸ್ತೃತ ವಾರಂಟಿ ಜೊತೆಗೆ ಕಂಪನಿ ನೀಡುತ್ತಿರುವ 10,000 ರೂ. ಮೌಲ್ಯದ ಉಚಿತ ಅಕ್ಸೆಸೊರಿಗಳನ್ನು ನೋಡುವುದಾದರೆ, ಹೆಡ್‌ಲ್ಯಾಂಪ್ ಪ್ರೊಟೆಕ್ಟರ್, ಮಡ್‌ಫ್ಲಾಪ್ ಎಕ್ಸ್‌ಟೆನ್ಷನ್, ಲೋ ಫೆಂಡರ್, ಸೆಂಟರ್ ಸ್ಟ್ಯಾಂಡ್, ಟೂರಿಂಗ್ ಸೀಟ್, ಕೆಟಿಎಂ ಬೈಕ್ ಕವರ್‌ಗಳನ್ನು ಕಂಪನಿ ಉಚಿತವಾಗಿ ನೀಡುತ್ತಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಕೆಟಿಎಂ 390 ಅಡ್ವೆಂಚರ್ ವಿಶೇಷತೆಗಳು

ಹೊಸ KTM 390 ಅಡ್ವೆಂಚರ್ X, ಕ್ರೂಸ್ ಮತ್ತು ಸ್ಪೀಡ್ ಲಿಮಿಟರ್ ಮೋಡ್‌ಗಳೊಂದಿಗೆ ಕ್ರೂಸ್ ಕಂಟ್ರೋಲ್ ಸ್ಟಾಂಡರ್ಡ್ ಆಗಿ ಬರಲಿದೆ. ರೋಡ್, ರೈನ್ ಮತ್ತು ಆಫ್-ರೋಡ್ ಎಂಬ ರೈಡ್‌ ಮೋಡ್‌ಗಳೊಂದಿಗೆ ಸವಾರರು ರಸ್ತೆ ಪರಿಸ್ಥಿತಿಗಳಿಗೆ ತಕ್ಷಣ ಹೊಂದಿಕೊಳ್ಳಲು ಅನುವು ಮಾಡಿಕೊಡುತ್ತವೆ. ಹೆಚ್ಚು ಸ್ಥಿರವಾದ ಬ್ರೇಕಿಂಗ್‌ಗಾಗಿ ಕಾರ್ನರಿಂಗ್ ABS (cABS) ನೀಡಲಾಗಿದೆ. ಸ್ಟೆಬಿಲಿಟಿಗಾಗಿ ಮೋಟಾರ್‌ಸೈಕಲ್ ಟ್ರಾಕ್ಷನ್ ಕಂಟ್ರೋಲ್ (MTC) ಕೂಡ ಪಡೆದುಕೊಂಡಿದೆ.

ವಿಶಿಷ್ಟವಾದ ರೆಡಿ ಟು ರೇಸ್ ಮನಸ್ಥಿತಿಯಿಂದ ನಡೆಸಲ್ಪಡುವ KTM ಯುರೋಪಿನ ಅತಿದೊಡ್ಡ ಮೋಟಾರ್‌ಸೈಕಲ್ ತಯಾರಕ ಕಂಪನಿಯಾಗಿದೆ. ಹೆಚ್ಚಿನ ಪರ್ಫಾಮೆನ್ಸ್ ಸ್ಟ್ರೀಟ್ ಮತ್ತು ಆಫ್‌ರೋಡ್ ಸ್ಪೋರ್ಟ್ ಮೋಟಾರ್‌ಸೈಕಲ್‌ಗಳ ಪ್ರಮುಖ ತಯಾರಕ ಕಂಪನಿಯಾಗಿದೆ. ಕಳೆದ ಹಲವು ವರ್ಷಗಳಲ್ಲಿ ಕೆಟಿಎಂ ಪ್ರಪಂಚದಾದ್ಯಂತದ ರೇಸ್‌ಟ್ರಾಕ್‌ಗಳಲ್ಲಿ ತೀವ್ರ ಪ್ರತಿಸ್ಪರ್ಧಿಯಾಗಿ ಖ್ಯಾತಿಯನ್ನು ಗಳಿಸಿದೆ.

ಕೆಟಿಎಂ ಸುಮಾರು ಅರ್ಧ ಮಿಲಿಯನ್ ಬೈಕಿಂಗ್ ಉತ್ಸಾಹಿಗಳ ಬಲವಾದ ಗ್ರಾಹಕ ನೆಲೆಯನ್ನು ಭಾರತದಲ್ಲಿ ನಿರ್ಮಿಸಿದೆ. ಹಾಗೆಯೇ ಭಾರತವು ಕೆಟಿಎಂಗೆ ಅತಿದೊಡ್ಡ ಜಾಗತಿಕ ಮಾರುಕಟ್ಟೆಯನ್ನಾಗಿ ಮಾಡಿದೆ. ಬಜಾಜ್ ಆಟೋ ಲಿಮಿಟೆಡ್ ಮತ್ತು ಕೆಟಿಎಂ ನಡುವಿನ ಪಾಲುದಾರಿಕೆಯನ್ನು 2007 ರಲ್ಲಿ ಸಹಿ ಮಾಡಲಾಯಿತು, ಬಜಾಜ್ ಆಟೋ ಲಿಮಿಟೆಡ್ ಈಗ ಕೆಟಿಎಂ ಎಜಿಯಲ್ಲಿ ಗಮನಾರ್ಹ ಪಾಲನ್ನು ಹೊಂದಿದೆ.