Hero: ಹೀರೋ ಬೈಕ್-ಸ್ಕೂಟರ್‌ಗಳಿಗೆ ಫುಲ್ ಡಿಮ್ಯಾಂಡ್: ಜನಕ್ಕೆ ಈ ಸ್ಕೂಟರ್ ತುಂಬಾ ಇಷ್ಟವಾಗಿದೆ

ದೇಶದ ಅತಿದೊಡ್ಡ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿರುವ ಹೀರೋ ಮೋಟೋಕಾರ್ಪ್, ಸತತ 25 ವರ್ಷಗಳಿಂದ ತೀವ್ರ ಪೈಪೋಟಿಯ ನಡುವೆಯೂ ಭಾರತದಲ್ಲಿ ತನ್ನ ಸ್ಥಾನವನ್ನು ಕಾಯ್ದುಕೊಂಡಿದೆ. 2025 - 26ರ ಆರ್ಥಿಕ ವರ್ಷದಲ್ಲಿ ತನ್ನ ಮಾರುಕಟ್ಟೆ ನಾಯಕತ್ವವನ್ನು ಮತ್ತೊಮ್ಮೆ ಬಲಪಡಿಸಿಕೊಂಡಿದೆ. ಕಂಪನಿಯು 2026 ಜನವರಿ ತಿಂಗಳಲ್ಲಿ 5,57,871 ಯುನಿಟ್‌ ವಾಹನಗಳನ್ನು ರವಾನೆ ಮಾಡಿದೆ, ಕಳೆದ (2025 ಜನವರಿ ತಿಂಗಳು) ವರ್ಷದ ಇದೇ ಅವಧಿಯಲ್ಲಿ 4,42,873 ಯುನಿಟ್‌ ವಾಹನಗಳನ್ನು ರವಾನಿಸಲಾಗಿತ್ತು. ಕಳೆದ ವರ್ಷಕ್ಕೆ ಹೋಲಿಸಿದರೆ 26% ಬೆಳವಣಿಗೆಯನ್ನು ದಾಖಲಿಸಿದೆ.

ಫೆಬ್ರವರಿ 1, 2026 ರಂತೆ ತೆಲಂಗಾಣ ರಾಜ್ಯವನ್ನು ಹೊರತುಪಡಿಸಿ ವಾಹನ್ ಪೋರ್ಟಲ್‌ನಿಂದ ಬಂದ ಡೇಟಾ ಪ್ರಕಾರ, 2026 ಜನವರಿ ತಿಂಗಳಲ್ಲಿ ಬಲವಾದ ಬೆಳವಣಿಗೆಗೆ ಸ್ಕೂಟರ್ ವಿಭಾಗವು ಪ್ರಮುಖ ಕೊಡುಗೆ ನೀಡಿದೆ. ಜೂಮ್ ಮತ್ತು ಡೆಸ್ಟಿನಿಯಂತಹ ಹೊಸ ಸ್ಕೂಟರ್‌ಗಳಿಗೆ ಹೆಚ್ಚುತ್ತಿರುವ ಗ್ರಾಹಕರ ಬೇಡಿಕೆಯಿಂದ ಉತ್ತಮ ಮಾರಾಟ ವ್ಯಕ್ತವಾಗಿದೆ. ಎಕ್ಸ್‌ಟ್ರೀಮ್ ಮತ್ತು ಗ್ಲಾಮರ್ ಎಕ್ಸ್ ಮೋಟಾರ್‌ಸೈಕಲ್‌ಗಳು ಕೂಡ ಬಲವಾದ ಮಾರಾಟವನ್ನು ಪ್ರದರ್ಶಿಸಿವೆ.

ಎಲೆಕ್ಟ್ರಿಕ್ ವಿಭಾಗದಲ್ಲಿ ಮುನ್ನುಗ್ಗುತ್ತಿದೆ ವಿಡಾ

ಹೀರೋ ಮೋಟೋಕಾರ್ಪ್‌ನ ಉದಯೋನ್ಮುಖ ಎಲೆಕ್ಟ್ರಿಕ್ ಬ್ರಾಂಡ್ 'ವಿಡಾ', 2026 ಜನವರಿ ತಿಂಗಳಲ್ಲಿ 13,000 ವಾಹನ ನೋಂದಣಿಗಳೊಂದಿಗೆ ತನ್ನ ಮಾರುಕಟ್ಟೆ ಪಾಲನ್ನು ಮುಂದುವರೆಸಿದೆ. ಹಿಂದಿನ ತಿಂಗಳಲ್ಲಿ (2025 ಡಿಸೆಂಬರ್ ತಿಂಗಳು) 10,701 ಯುನಿಟ್‌ ವಾಹನಗಳ ನೋಂದಣಿಯಾಗಿತ್ತು, ಇದಕ್ಕೆ ಹೋಲಿಸಿದರೆ ಮಾರಾಟದ ಪ್ರಮಾಣದಲ್ಲಿ 21% ಬೆಳವಣಿಗೆಯನ್ನು ದಾಖಲಿಸಿದೆ.

ಭಾರತದಲ್ಲಿ ಎಲೆಕ್ಟ್ರಿಕ್ ಸ್ಕೂಟರ್‌ಗಳಿಗೆ ಬೇಡಿಕೆ ಹೆಚ್ಚಾಗುತ್ತಿದ್ದು, ಓಲಾ, ಎಥರ್, ಸಿಂಪಲ್‌ ಎನರ್ಜಿನಂತಹ ಪ್ರಮುಖ ಇವಿ ಬ್ರಾಂಡ್‌ಗಳ ಪೈಪೋಟಿ ನಡುವೆಯು 'ಹೀರೋ ವಿಡಾ' ಎಲೆಕ್ಟ್ರಿಕ್ ಸ್ಕೂಟರ್‌ಗಳು ಉತ್ತಮವಾಗಿ ಮಾರಾಟ ಕಾಣುತ್ತಿವೆ. ಬಲವಾದ ಸರ್ವಿಸ್‌ ಸ್ಟೋರ್‌ಗಳು ಮತ್ತು ಪ್ರಮುಖ ಮಾರುಕಟ್ಟೆಗಳಲ್ಲಿ ವಿಡಾ VX2 ಸ್ಕೂಟರ್‌ಗೆ ಉತ್ತಮ ಬುಕಿಂಗ್‌ಗಳು ಹರಿದುಬರುತ್ತಿವೆ, ಗ್ರಾಹಕರ ನಿರಂತರ ಬೇಡಿಕೆಯಿಂದ ಸಕಾರಾತ್ಮಕ ಬೆಳವಣಿಗೆ ಕಾಣುತ್ತಿರುವುದಾಗಿ ಹೀರೋ ತಿಳಿಸಿದೆ.

ಜಾಗತಿಕವಾಗಿ ಡಬಲ್-ಅಂಕಿಯ ಬೆಳವಣಿಗೆ

ಕಂಪನಿಯ ಜಾಗತಿಕ ವ್ಯವಹಾರವು ಕಳೆದ ವರ್ಷ ಇದೇ ಅವಧಿ (2025 ಜನವರಿ ತಿಂಗಳು) ಯಲ್ಲಿ ರವಾನಿಸಲಾದ 30,495 ಯುನಿಟ್‌ ವಾಹನಗಳಿಗೆ ಹೋಲಿಸಿದರೆ 2026 ಜನವರಿ ತಿಂಗಳಲ್ಲಿ 37,663 ಯುನಿಟ್‌ ವಾಹನಗಳೊಂದಿಗೆ ಬಲವಾದ ವೇಗವನ್ನು ಕಾಯ್ದುಕೊಂಡು 24% ರಷ್ಟು ಬೆಳವಣಿಗೆ ಕಂಡಿದೆ. ಪ್ರೀಮಿಯಂ ಪೋರ್ಟ್‌ಫೋಲಿಯೊಗೆ ಬಲವಾದ ಗ್ರಾಹಕರ ಪ್ರತಿಕ್ರಿಯೆ ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಬೆಳವಣಿಗೆಯನ್ನು ಖಚಿತಪಡಿಸಿರುವುದಾಗಿ ಕಂಪನಿ ತಿಳಿಸಿದೆ.

ಈ ತಿಂಗಳು, ಹೀರೋ ಮೋಟೋಸ್ಪೋರ್ಟ್ಸ್ ಟೀಮ್ ರ‍್ಯಾಲಿ 2026ರ 48ನೇ ಆವೃತ್ತಿಯ ಡಕಾರ್ ರ‍್ಯಾಲಿಯನ್ನು ಡಬಲ್ ಟಾಪ್ 10 ಫಿನಿಶ್‌ನೊಂದಿಗೆ ಮುಕ್ತಾಯಗೊಳಿಸಿತು, ಇದು ಜಾಗತಿಕ ರ‍್ಯಾಲಿ - ರೇಡ್ ಸ್ಪರ್ಧೆಯಲ್ಲಿ ಐತಿಹಾಸಿಕ ಮೈಲಿಗಲ್ಲನ್ನು ಗುರುತಿಸಿತು. ಇದು ಹೀರೋಗೆ ಜಾಗತಿಕವಾಗಿ ತನ್ನ ಬ್ರಾಂಡ್‌ನ ಗುರುತನ್ನು ಹೆಚ್ಚಿಸಿದೆ.

ಹೆಚ್ಚುವರಿಯಾಗಿ, ಹೀರೋವನ್ನು ಸೆಬಿ-ನೋಂದಾಯಿತ ಇಎಸ್‌ಜಿ ರೇಟಿಂಗ್ ಪೂರೈಕೆದಾರರಾದ ಎನ್‌ಎಸ್‌ಇ ಸಸ್ಟೈನಬಿಲಿಟಿ ರೇಟಿಂಗ್ಸ್ & ಅನಾಲಿಟಿಕ್ಸ್ ಲಿಮಿಟೆಡ್, ಆಟೋಮೋಟಿವ್ ಕಂಪನಿಗಳಲ್ಲಿ ಪರಿಸರ, ಸಾಮಾಜಿಕ ಮತ್ತು ಆಡಳಿತ (ಇಎಸ್‌ಜಿ) ನಾಯಕ ಎಂದು ಗುರುತಿಸಿದೆ. ಅದರ ನಾವೀನ್ಯತೆ ರುಜುವಾತುಗಳನ್ನು ಮತ್ತಷ್ಟು ಬಲಪಡಿಸುತ್ತಾ, ವಿಡಾದ ಡಿಐಆರ್‌ಟಿ.ಇ ಕೆ 3 ಅನ್ನು ಅದರ ನವೀನ ಗಾತ್ರ - ಹೊಂದಾಣಿಕೆಯ ವಿನ್ಯಾಸಕ್ಕಾಗಿ ಸಿಇಎಸ್ 2026 ನಾವೀನ್ಯತೆ ಪ್ರಶಸ್ತಿ ಗೌರವ ಎಂದು ಗುರುತಿಸಲಾಗಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.