ಶೋರೂಮ್‌ಗೆ ಬಂದಿಳಿದ ಹೊಸ ಬಜಾಜ್ ಪಲ್ಸರ್ 125: ಬೆಲೆ ಮತ್ತು ಫೀಚರ್ಸ್ ನೋಡಿ ಫಿದಾ ಆಗೋದು ಗ್ಯಾರಂಟಿ!

ನೂತನ ಬಜಾಜ್ ಪಲ್ಸರ್ 125 ಶೋರೂಮ್‌ಗಳನ್ನು ತಲುಪಲು ಆರಂಭಿಸಿದ್ದು, ಬೈಕ್‌ನ ಫೋಟೋಗಳು ಮತ್ತು ಬುಕಿಂಗ್ ರಶೀದಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಬುಕಿಂಗ್‌ಗಳು ಈಗಾಗ‌ಲೇ ಓಪನ್ ಆಗಿದ್ದು, ಹೊಸ ಎಲ್‌ಇಡಿ ಹೆಡ್‌ಲ್ಯಾಂಪ್, ಅಪ್‌ಡೇಟ್ ಮಾಡಿದ ಕನ್ಸೋಲ್ ಮತ್ತು ಹೊಸ ಗ್ರಾಫಿಕ್ಸ್‌ನೊಂದಿಗೆ ಬೈಕ್ ಎಂಟ್ರಿ ಕೊಟ್ಟಿದೆ. ಕಂಪನಿ ಬೆಲೆ ಘೋಷಿಸುವ ಮುನ್ನವೇ ಸ್ಪ್ಲಿಟ್-ಸೀಟ್ ವೇರಿಯೆಂಟ್ ಶೋರೂಮ್‌ಗಳಲ್ಲಿ ಪ್ರತ್ಯಕ್ಷವಾಗಿದೆ.

ವಿವಿಧ ನಗರಗಳಿಗೆ ಅನುಗುಣವಾಗಿ ಈ ಬೈಕ್‌ನ ಆನ್-ರೋಡ್ ಬೆಲೆ ಸುಮಾರು 1.13 ಲಕ್ಷ ರೂ. ಆಸುಪಾಸಿನಲ್ಲಿದೆ. ಸದ್ಯದ ಮಾಹಿತಿ ಪ್ರಕಾರ ಆನ್-ರೋಡ್ ಬೆಲೆ ಬೆಂಗಳೂರಿನಲ್ಲಿ 1.10 ಲಕ್ಷ ರೂ., ಮುಂಬೈನಲ್ಲಿ 1.08 ಲಕ್ಷ ರೂ. ಹಾಗೂ ದೆಹಲಿಯಲ್ಲಿ 0.96 ಲಕ್ಷ ರೂ. ಇದೆ. ಅಧಿಕೃತ ಆನ್‌ಲೈನ್ ಬುಕಿಂಗ್ ಮೊತ್ತ 2,000 ರೂ. ಆಗಿದ್ದು, ಕೆಲ ಡೀಲರ್‌ಶಿಪ್‌ಗಳಲ್ಲಿ ಹೆಚ್ಚಿನ ಮೊತ್ತ ಪಡೆಯಲಾಗುತ್ತಿದೆ. ಆಗಸ್ಟ್ ಮಧ್ಯಭಾಗದಲ್ಲಿ ಈ ಹೊಸ ಮಾದರಿ ಅಧಿಕೃತವಾಗಿ ಅನಾವರಣಗೊಳ್ಳಲಿದೆ ಎಂದು ಮೂಲಗಳು ತಿಳಿಸಿವೆ.

ಬಜಾಜ್ ಪಲ್ಸರ್ 125 ಫೇಸ್‌ಲಿಫ್ಟ್: ಏನೆಲ್ಲಾ ಫೀಚರ್‌ಗಳಿವೆ?

ದೈನಂದಿನ ಸವಾರರಿಗೆ ಈ ಫೇಸ್‌ಲಿಫ್ಟ್ ಆವೃತ್ತಿ ಹೇಳಿಮಾಡಿಸಿದಂತಿದೆ. ನೂತನ ಎಲ್‌ಇಡಿ ಹೆಡ್‌ಲ್ಯಾಂಪ್ ರಾತ್ರಿ ವೇಳೆಯ ಚಾಲನೆಯನ್ನು ಸುಲಭಗೊಳಿಸಿದರೆ, ಅಪ್‌ಡೇಟ್ ಮಾಡಿದ ಕನ್ಸೋಲ್ ಮತ್ತು ಗ್ರಾಫಿಕ್ಸ್ ಬೈಕ್‌ಗೆ ಆಧುನಿಕ ಸ್ಪರ್ಶ ನೀಡುತ್ತವೆ. ಶೋರೂಮ್‌ ತಲುಪಿರುವ ಬೈಕ್‌ಗಳಲ್ಲಿ ಸ್ಪ್ಲಿಟ್-ಸೀಟ್ ಮಾದರಿಯೂ ಕಂಡುಬಂದಿದೆ. ಮೇಲ್ಮಟ್ಟದ ವೇರಿಯೆಂಟ್‌ಗಳಲ್ಲಿ ಕನೆಕ್ಟೆಡ್ ಫೀಚರ್‌ಗಳು ಸಿಗುವ ಸಾಧ್ಯತೆಯಿದ್ದು, ಲಾಂಚ್ ವೇಳೆಯಷ್ಟೇ ಸಂಪೂರ್ಣ ವಿವರ ಸಿಗಲಿದೆ.

ನಗರ	ಅಂದಾಜು ಆನ್-ರೋಡ್ ಬೆಲೆ	ಮೂಲ
ಬೆಂಗಳೂರು	Rs 1.10 lakh	ZigWheels
ಮುಂಬೈ	Rs 1.08 lakh	ZigWheels
ದೆಹಲಿ	Rs 0.96 lakh	BikeWale

ಸ್ಪರ್ಧಿಗಳ ಸ್ಥಿತಿ ಏನು?: ಶೈನ್ 125 vs ರೈಡರ್ 125 vs ಎಕ್ಸ್‌ಟ್ರೀಮ್ 125R

ಮಾಡೆಲ್	ದೆಹಲಿ ಅಂದಾಜು ಆನ್-ರೋಡ್ ಬೆಲೆ	ARAI ಮೈಲೇಜ್
Honda Shine 125	Rs 95,645	55 kmpl
TVS Raider 125	Rs 96,215	56.7 kmpl
Hero Xtreme 125R	Rs 1,06,986	66 kmpl

ಬೈಕ್‌ನ ನಿರ್ವಹಣಾ ವೆಚ್ಚವನ್ನು ಲೆಕ್ಕ ಹಾಕುವ ಸವಾರರಿಗೆ ಈ ವಿಭಾಗದಲ್ಲಿ ಭಾರಿ ಸ್ಪರ್ಧೆಯಿದೆ. ಹೋಂಡಾ ಶೈನ್ ಸರಳ ಹಾಗೂ ವಿಶ್ವಾಸಾರ್ಹ ಚಾಲನೆಗೆ ಹೆಸರಾಗಿದ್ದರೆ, ಟಿವಿಎಸ್ ರೈಡರ್ ಹೆಚ್ಚಿನ ಫೀಚರ್‌ಗಳೊಂದಿಗೆ ಯೂತ್‌ಫುಲ್ ಆಗಿದೆ. ಇನ್ನು ಹೀರೋ ಎಕ್ಸ್‌ಟ್ರೀಮ್ 125R ಸ್ಪೋರ್ಟಿ ಲುಕ್ ಜತೆಗೆ ಬೆಸ್ಟ್ ಮೈಲೇಜ್ ನೀಡುತ್ತದೆ. ಹೊಸ ಗ್ರಾಹಕರನ್ನು ಆಕರ್ಷಿಸಲು ಪಲ್ಸರ್ ಸೂಕ್ತ ಬೆಲೆ, ಸುಲಭ ಫೈನಾನ್ಸ್ ಹಾಗೂ ಉತ್ತಮ ಸರ್ವಿಸ್ ಜಾಲ ಒದಗಿಸಬೇಕಿದೆ.

ಈಗಲೇ ಬುಕ್ ಮಾಡುವುದು ಸರಿಯೇ? ಹೊಸ ಲುಕ್ ಜತೆಗೆ ಶೀಘ್ರ ಡೆಲಿವರಿ ಬಯಸುವವರು ಈಗಲೇ ಬುಕ್ ಮಾಡಿ ಮುಂಚೂಣಿಯಲ್ಲಿರಬಹುದು. ಆದರೆ ಬಜೆಟ್‌ಗೆ ತಕ್ಕಂತೆ ನಿರ್ಧಾರ ಕೈಗೊಳ್ಳುವವರು ಅಧಿಕೃತ ಬೆಲೆ ಮತ್ತು ಟೆಸ್ಟ್ ರೈಡ್‌ಗಾಗಿ ಕಾಯುವುದು ಒಳಿತು. ಈ ವಿಭಾಗದ ಬೈಕ್‌ಗಳು ಲೀಟರ್‌ಗೆ 55–66 ಕಿ.ಮೀ. ಮೈಲೇಜ್ ನೀಡುವುದರಿಂದ, ತಿಂಗಳಿಗೆ 1,000 ಕಿ.ಮೀ. ಪ್ರಯಾಣಿಸುವವರಿಗೆ ಇಂಧನ ವೆಚ್ಚ ಸುಮಾರು 1,600 ರಿಂದ 1,900 ರೂ. ಆಗಬಹುದು.

ಶೋರೂಮ್‌ಗಳಿಗೆ ಬೈಕ್‌ಗಳು ಬಂದಿರುವುದರಿಂದ ಸವಾರರಲ್ಲಿ ನಿರೀಕ್ಷೆ ಹೆಚ್ಚಿದೆ. ಬಜಾಜ್ ಶೀಘ್ರದಲ್ಲೇ ಎಲ್ಲಾ ವೇರಿಯೆಂಟ್‌ಗಳ ಬೆಲೆಯನ್ನು ಪ್ರಕಟಿಸಲಿದೆ. ಆಫೀಸ್ ಪ್ರಯಾಣ ಹಾಗೂ ಕಡಿಮೆ ಬಜೆಟ್‌ನಲ್ಲಿ ಆಕರ್ಷಕ ಬೈಕ್ ಬಯಸುವವರಿಗೆ ಪ್ರಕಾಶಮಾನವಾದ ಎಲ್‌ಇಡಿ ಲೈಟಿಂಗ್, ಸ್ಮಾರ್ಟ್ ಕನ್ಸೋಲ್ ಮತ್ತು ಪಲ್ಸರ್‌ನ ವಿಶ್ವಾಸಾರ್ಹತೆ ಉತ್ತಮ ಸವಾರಿಯ ಅನುಭವ ನೀಡಲಿದೆ.