6 ಲಕ್ಷ ಮಾರಾಟದ ಗಡಿ ದಾಟಿದ ಭಾರತದ ಅತ್ಯಂತ ಪ್ರೀತಿಯ ಕ್ರೂಸರ್ ಬೈಕ್: ಯಾವುದು?

ಭಾರತದ ಅತ್ಯಂತ ಜನಪ್ರಿಯ ಕ್ರೂಸರ್ ಮೋಟಾರ್‌ಸೈಕಲ್ ಆಗಿರುವ ರಾಯಲ್ ಎನ್‌ಫೀಲ್ಡ್ ಮೀಟಿಯರ್ 350 (Royal Enfield Meteor 350), 6 ಲಕ್ಷ ಮಾರಾಟದ ಮೈಲಿಗಲ್ಲನ್ನು ದಾಟಿದೆ. ನವೆಂಬರ್ 2020 ರಲ್ಲಿ ಬಿಡುಗಡೆಯಾದಾಗಿನಿಂದ ಪ್ರಪಂಚದಾದ್ಯಂತದ ಸವಾರರ ವಿಶ್ವಾಸವನ್ನು ಗಳಿಸಿದೆ. ಅದರ ಸಡಿಲವಾದ ಕ್ರೂಸಿಂಗ್ ಸಾಮರ್ಥ್ಯ, ಸಂಸ್ಕರಿಸಿದ ಎಂಜಿನ್ ಮತ್ತು ಸುಲಭ ಸವಾರಿಯೊಂದಿಗೆ, ಮೀಟಿಯರ್ 350 ತ್ವರಿತವಾಗಿ ಅನುಭವಿ ಮೋಟಾರ್‌ಸೈಕ್ಲಿಸ್ಟ್‌ಗಳು ಮತ್ತು ಹೊಸ ಸವಾರರಲ್ಲಿ ನೆಚ್ಚಿನ ಕ್ರೂಸರ್ ಮೋಟಾರ್‌ಸೈಕಲ್ ಆಗಿ ಜನಪ್ರಿಯತೆ ಪಡೆದುಕೊಂಡಿದೆ.

ಈ ಮೋಟಾರ್‌ಸೈಕಲ್ ಪ್ರತಿಷ್ಠಿತ 'ಇಂಡಿಯನ್ ಮೋಟಾರ್‌ಸೈಕಲ್ ಆಫ್ ದಿ ಇಯರ್ 2021' ಪ್ರಶಸ್ತಿ ಸೇರಿದಂತೆ ಹಲವಾರು ಜಾಗತಿಕ ಪುರಸ್ಕಾರಗಳನ್ನು ಗಳಿಸಿದೆ. ಮಧ್ಯಮ ಗಾತ್ರದ ಮೋಟಾರ್‌ಸೈಕಲ್ ವಿಭಾಗದಲ್ಲಿ ಅತ್ಯಂತ ಯಶಸ್ವಿ ಕ್ರೂಸರ್ ಬೈಕ್‌ಗಳಲ್ಲಿ ಒಂದಾಗಿ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಂಡಿದೆ. ಬಿಡುಗಡೆಯಾದಾಗಿನಿಂದ, ಮೀಟಿಯರ್ 350 ಎಲ್ಲಾ ವಯೋಮಾನದ ಸವಾರರಿಗೆ ಸುಲಭವಾದ ಕ್ರೂಸಿಂಗ್ ಎಂದರೆ ಏನು ಎಂಬುದನ್ನು ತೋರಿಸಿಕೊಟ್ಟಿದೆ.

ದೈನಂದಿನ ನಗರ ಪ್ರಯಾಣ ಮತ್ತು ದೀರ್ಘ ಹೆದ್ದಾರಿ ಸವಾರಿಗಳಿಗೆ ಸೂಕ್ತ ಕ್ರೂಸರ್ ಮೋಟಾರ್‌ಸೈಕಲ್ ಆಗಿ ಹೊರಹೊಮ್ಮಿದೆ. ಜೆ-ಸಿರೀಸ್ ಪ್ಲಾಟ್‌ಫಾರ್ಮ್‌ನಿಂದ ಮೈಗ್ರೇಟ್ ಆಗಿರುವ ಮೊದಲ ರಾಯಲ್ ಎನ್‌ಫೀಲ್ಡ್ ಮೋಟಾರ್‌ಸೈಕಲ್ ಆಗಿರುವ ಮೀಟಿಯರ್ 350, ಲಾಂಗ್ ಡ್ರೈವ್ ಸವಾರರು ಮತ್ತು ಮೋಟಾರ್‌ಸೈಕಲ್ ಉತ್ಸಾಹಿಗಳಿಗೆ ಮಾತ್ರವಲ್ಲದೆ, ಸೌಕರ್ಯವನ್ನು ಮೆಚ್ಚುವ ಮೊದಲ ಬಾರಿ ಬೈಕ್ ಖರೀದಿಸುವವರ ಫೇವರೆಟ್ ಬೈಕ್ ಆಗಿಯೂ ಗುರ್ತಿಸಿಕೊಂಡಿದೆ.

ನಗರದ ಸಂಚಾರ ದಟ್ಟಣೆಯಲ್ಲಿ ಸಾಗುತ್ತಿರಲಿ ಅಥವಾ ತೆರೆದ ಹೆದ್ದಾರಿಗಳಲ್ಲಿ ಸವಾರಿ ಮಾಡುತ್ತಿರಲಿ ಆರಾಮದಾಯಕ ಸವಾರಿ ಅನುಭವವ ನೀಡುತ್ತದೆ. ಮೀಟಿಯೋರ್ 350 ಮಧ್ಯಮ ಗಾತ್ರದ ಕ್ರೂಸರ್ ವಿಭಾಗವನ್ನು ಹೊಸ ಸವಾರರನ್ನು ಆಕರ್ಷಿಸುತ್ತಲೇ ಇದೆ. ಈ ಮೋಟಾರ್ ಸೈಕಲ್ ಭಾರತ ಮತ್ತು ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ, ವಿಶೇಷವಾಗಿ LATAM, SAARC ಮತ್ತು ಯುರೋಪಿಯನ್ ಮಾರುಕಟ್ಟೆಗಳಲ್ಲಿ ಬಲವಾದ ಬೇಡಿಕೆಯನ್ನು ಹೊಂದಿದೆ.

ಇದು ವೈವಿಧ್ಯಮಯ ಸವಾರಿ ಪರಿಸರಗಳು ಮತ್ತು ಭೌಗೋಳಿಕ ಪ್ರದೇಶಗಳಲ್ಲಿ ಅದರ ವ್ಯಾಪಕ ಆಕರ್ಷಣೆಯನ್ನು ಪ್ರತಿಬಿಂಬಿಸುತ್ತದೆ. ಆಧುನಿಕ ಎಂಜಿನಿಯರಿಂಗ್ ಮತ್ತು ರೈಡರ್-ಕೇಂದ್ರಿತ ವೈಶಿಷ್ಟ್ಯಗಳೊಂದಿಗೆ ಕ್ರೂಸರ್ ಸೌಕರ್ಯವನ್ನು ಸಂಯೋಜಿಸುವ ಮೂಲಕ, ಮೀಟಿಯೋರ್ 350 ಮೋಟಾರ್‌ಸೈಕಲ್ ದೊಡ್ಡ 349 ಸಿಸಿ ಏರ್ - ಆಯಿಲ್ - ಕೂಲ್ಡ್, ಸಿಂಗಲ್ - ಸಿಲಿಂಡರ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ.

ಇದು ಸಂಸ್ಕರಿಸಿದ ಎಂಜಿನ್‌ನೊಂದಿಗೆ ನಯವಾದ, ಟ್ರಾಕ್ಟಬಲ್ ಪವರ್ ಉತ್ಪಾದಿಸುತ್ತದೆ ನೀಡುತ್ತದೆ. ಈ ಮೋಟಾರ್ ಸೈಕಲ್ ಡಿಜಿ-ಅನಲಾಗ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಟ್ರಿಪ್ಪರ್ ನ್ಯಾವಿಗೇಷನ್ ಪಾಡ್, LED ಲೈಟಿಂಗ್ ಎಲಿಮೆಂಟ್ಸ್, ಪ್ರೀಮಿಯಂ ಸ್ವಿಚ್‌ಗೇರ್, USB ಟೈಪ್-ಸಿ ಫಾಸ್ಟ್-ಚಾರ್ಜಿಂಗ್ ಪೋರ್ಟ್, ಅಸಿಸ್ಟ್-ಅಂಡ್-ಸ್ಲಿಪ್ ಕ್ಲಚ್ ಮತ್ತು ಅಡ್ಜಸ್ಟಬಲ್ ಲಿವರ್‌ಗಳನ್ನು ಒಳಗೊಂಡಿದೆ.

ಇದು ರಾಯಲ್ ಎನ್‌ಫೀಲ್ಡ್‌ನ ಕ್ಲಾಸಿಕ್ ವಿನ್ಯಾಸವನ್ನು ಸಮಕಾಲೀನ ಕಾರ್ಯನಿರ್ವಹಣೆಯೊಂದಿಗೆ ಮಿಶ್ರಣ ಮಾಡುವತ್ತ ಗಮನ ಹರಿಸುವುದನ್ನು ಪ್ರತಿಬಿಂಬಿಸುತ್ತದೆ. ಮೀಟಿಯೋರ್ 350 ಅನ್ನು ಫೈರ್‌ಬಾಲ್, ಸ್ಟೆಲ್ಲಾರ್, ಅರೋರಾ ಮತ್ತು ಸೂಪರ್‌ನೋವಾ ಎಂಬ ನಾಲ್ಕು ವಿಭಿನ್ನ ವೇರಿಯೆಂಟ್‌ಗಳಲ್ಲಿ ನೀಡಲಾಗುತ್ತದೆ. ಇವು ವಿವಿಧ ರೀತಿಯ ಸವಾರರ ಆದ್ಯತೆಗಳನ್ನು ಪೂರೈಸುತ್ತವೆ.

ಭಾರತದಲ್ಲಿ ಹೊಸ ರಾಯಲ್ ಎನ್‌ಫೀಲ್ಡ್ ಮೀಟಿಯರ್ 350 ರೂ. 1,95,546 (ಎಕ್ಸ್ - ಶೋರೂಂ) ದಿಂದ ರೂ. 2,15,770 (ಎಕ್ಸ್ - ಶೋರೂಂ) ವರೆಗೆ ಇದೆ. ಮೀಟಿಯೋರ್ 350 ಅನ್ನು 60 ಕ್ಕೂ ಹೆಚ್ಚು ದೇಶಗಳಲ್ಲಿ ಮಾರಾಟ ಮಾಡಲಾಗುತ್ತಿದೆ, ಭಾರತದಲ್ಲಿ 2000 ಕ್ಕೂ ಹೆಚ್ಚು ಮಳಿಗೆಗಳ ಬಲವಾದ ಡೀಲರ್ ನೆಟ್‌ವರ್ಕ್ ಮತ್ತು ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ 1000 ಕ್ಕೂ ಹೆಚ್ಚು ಔಟ್‌ಲೆಟ್‌ಗಳಲ್ಲಿ ಮಾರಾಟ ಮಾಡಲಾಗುತ್ತಿದೆ.