Ultraviolette: ಬರೋಬ್ಬರಿ 1 ಲಕ್ಷ ಇಳಿಕೆ: ಕೇವಲ 1.5 ಲಕ್ಷಕ್ಕೆ ಅಡ್ವೆಂಚರ್ ಬೈಕ್: ವಿಶೇಷತೆಗಳೇನು?

ಕರ್ನಾಟದ ಪ್ರಮುಖ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ತಯಾರಕ ಕಂಪನಿಯಾಗಿರುವ ಅಲ್ಟ್ರಾವೈಲೆಟ್ (Ultraviolette), ತನ್ನ X-47 ಅಡ್ವೆಂಚರ್ ಬೈಕ್ ಬಿಡುಗಡೆಯ ಅದ್ಭುತ ಯಶಸ್ಸಿನ ನಂತರ ಇಂದು 'ಬ್ಯಾಟರಿ ಫ್ಲೆಕ್ಸ್' (BaaS) ಅನ್ನು ಬಿಡುಗಡೆ ಮಾಡಿದೆ. ಇದು ದೇಶಾದ್ಯಂತ ಗ್ರಾಹಕರಿಗೆ ಸುಲಭ ಖರೀದಿ ಮತ್ತು ಕೈಗೆಟುಕುವ ಬೆಲೆಗೆ ಬೈಕ್ ಲಭ್ಯವಾಗುವಂತೆ ಮಾಡುತ್ತದೆ. NBFC, Ecofy ಜೊತೆಗಿನ ಪಾಲುದಾರಿಕೆಯಲ್ಲಿ, ಅಲ್ಟ್ರಾವೈಲೆಟ್ ಸುಧಾರಿತ ಹಣಕಾಸು ಪರಿಹಾರಗಳನ್ನು ನೀಡುತ್ತಿದೆ, ಜೊತೆಗೆ ಈ ಸಹಯೋಗವು ಭಾರತೀಯ ಗ್ರಾಹಕರಿಗೆ ಸುಧಾರಿತ ಎಲೆಕ್ಟ್ರಿಕ್ ಬೈಕ್ ಅತಿ ಸುಲಭವಾಗಿ ಖರೀದಿಸುವಂತೆ ಮಾಡುತ್ತದೆ.

ಈ ಹೊಸ ಉಪಕ್ರಮದೊಂದಿಗೆ, ಗ್ರಾಹಕರು ಈಗ ಕೇವಲ ರೂ.1,49,000 ದಿಂದ ಪ್ರಾರಂಭವಾಗುವ ಅಲ್ಟ್ರಾವೈಲೆಟ್ X-47 ಅಡ್ವೆಂಚರ್ ಬೈಕ್ ಖರೀದಿಸಬಹುದು. ಆದರೆ ತಿಂಗಳಿಗೆ ರೂ.2499 ರಿಂದ ಪ್ರಾರಂಭವಾಗುವ ಬ್ಯಾಟರಿ ಬಾಡಿಗೆಯನ್ನು ಪಾವತಿಸಬೇಕಾಗುತ್ತದೆ. ಈ ಪ್ಲಾನ್ ಅಡಿಯಲ್ಲಿ ಗ್ರಾಹಕರು ಮೊದಲಿಗೆ ಬೈಕ್ ಚಾಸಿಸ್‌ಗೆ ನೇರವಾಗಿ ಪಾವತಿಸಿ ನಂತರ ಬ್ಯಾಟರಿಗೆ ಪ್ರತ್ಯೇಕವಾಗಿ ಹಣಕಾಸು ಒದಗಿಸಲು ಅನುವು ಮಾಡಿಕೊಡುತ್ತದೆ.

ಅಲ್ಟ್ರಾವೈಲೆಟ್‌ನ ಸಿಇಒ ಮತ್ತು ಸಹ-ಸಂಸ್ಥಾಪಕ ನಾರಾಯಣ್ ಸುಬ್ರಮಣಿಯಂ ಮಾತನಾಡಿ, "ರೂ. 2.5 ಲಕ್ಷವಿದ್ದ ಬೈಕ್ ಈಗ ರೂ. 1.5 ಲಕ್ಷದ ಆರಂಭಿಕ ಬೆಲೆಯೊಂದಿಗೆ ಖರೀದಿಗೆ ಸಿಗುತ್ತದೆ. ಉತ್ತಮ ತಂತ್ರಜ್ಞಾನ, ಫೀಚರ್ಸ್ ಮತ್ತು ಹೈ ಪರ್ಫಾಮೆನ್ಸ್ ನೀಡುವ ಬೈಕ್ ಅನ್ನು ಕಮ್ಮಿ ಬೆಲೆಯಲ್ಲಿ ಖರೀದಿಸಬಹುದಾಗಿದೆ. ತಿಂಗಳಿಗೆ ರೂ.2499 ರಷ್ಟು ಕಡಿಮೆ ನಿರ್ವಹಣಾ ವೆಚ್ಚದೊಂದಿಗೆ, ಇದು ಪೆಟ್ರೋಲ್‌ ಬೈಕ್‌ಗೆ ಖರ್ಚು ಮಾಡುವುದಕ್ಕಿಂತ ಕಡಿಮೆಯಾಗಿದೆ ಎಂದು ಹೇಳಿದ್ದಾರೆ.

ಬ್ಯಾಟರಿ ಫ್ಲೆಕ್ಸ್ ಪ್ಲಾನ್ ಮೂಲಕ, ಅಲ್ಟ್ರಾವೈಲೆಟ್ X-47 ಬೈಕ್ ಅನ್ನು ಹೊಂದುವಲ್ಲಿ ಆರಂಭಿಕ ಹೂಡಿಕೆಯನ್ನು 40% ರಷ್ಟು ಕಡಿಮೆ ಮಾಡುವ ಮೂಲಕ ಗ್ರಾಹಕರಿಗೆ ಮುಂಗಡ ವೆಚ್ಚವನ್ನು ಕಡಿಮೆ ಮಾಡುತ್ತದೆ. ಚಂದಾದಾರಿಕೆ ಅವಧಿಯ ಕೊನೆಯಲ್ಲಿ (ಬ್ಯಾಟರಿ ಬಾಡಿಗೆ), ಬ್ಯಾಟರಿ ಮಾಲೀಕತ್ವವನ್ನು ಗ್ರಾಹಕರಿಗೆ ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ವರ್ಗಾಯಿಸಲಾಗುತ್ತದೆ. ಬ್ಯಾಟರಿ ಫ್ಲೆಕ್ಸ್‌ಗಾಗಿ ಬುಕಿಂಗ್‌ಗಳು ಮಾರ್ಚ್ 5, 2026 ರಂದು ಪ್ರಾರಂಭವಾಗುತ್ತವೆ ಎಂದು ಬ್ರ್ಯಾಂಡ್ ತಿಳಿಸಿದೆ.

"ಬ್ಯಾಟರಿ ತಂತ್ರಜ್ಞಾನವು ಪ್ರತಿಯೊಂದು ಎಲೆಕ್ಟ್ರಿಕ್ ವಾಹನದ ಹೃದಯಭಾಗವಾಗಿದೆ, ಅಲ್ಟ್ರಾವೈಲೆಟ್‌ನಲ್ಲಿ ನಮ್ಮ ಬ್ಯಾಟರಿಗಳು ರಾಜಿಯಾಗದ ಪರ್ಫಾಮೆನ್ಸ್, ಸುರಕ್ಷತೆ ಮತ್ತು ದೀರ್ಘಾಯುಷ್ಯ ನೀಡುವುದನ್ನು ಖಚಿತಪಡಿಸಿಕೊಳ್ಳಲು ನಾವು ಹಲವು ವರ್ಷಗಳ ಸಂಶೋಧನೆ ಮತ್ತು ಅಭಿವೃದ್ಧಿಯನ್ನು ಹೂಡಿಕೆ ಮಾಡಿದ್ದೇವೆ. ಬ್ಯಾಟರಿ ಫ್ಲೆಕ್ಸ್ ಅನ್ನು ಪ್ರಾರಂಭಿಸುವುದರೊಂದಿಗೆ, ನಾವು ಈ ನಾವೀನ್ಯತೆಯನ್ನು ನಮ್ಮ ಗ್ರಾಹಕರಿಗೆ ಹೊಂದಿಕೊಳ್ಳುವ ಮತ್ತು ಖರೀದಿಸಬಹುದಾದ ರೀತಿಯಲ್ಲಿ ವಿಸ್ತರಿಸುತ್ತಿದ್ದೇವೆ.

ಇದು ಗ್ರಾಹಕರ ಅಗತ್ಯಗಳಿಗೆ ಹೊಂದಿಕೊಳ್ಳುವ ಮತ್ತು ಕಾರ್ಯಕ್ಷಮತೆಯ ಚಲನಶೀಲತೆಯನ್ನು ಹಿಂದೆಂದಿಗಿಂತಲೂ ಹೆಚ್ಚು ಪ್ರಾಯೋಗಿಕವಾಗಿಸುವ ತಂತ್ರಜ್ಞಾನವನ್ನು ನಿರ್ಮಿಸುವ ನಮ್ಮ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ಬ್ಯಾಟರಿ ಫ್ಲೆಕ್ಸ್‌ನಂತಹ ಪ್ಲಾನ್‌ಗಳ ಮೂಲಕ ಮುಂಬರುವ ವರ್ಷಗಳಲ್ಲಿ ಭಾರತದಲ್ಲಿ ಇವಿಗಳ ಪ್ರಾಬಲ್ಯ ಹೆಚ್ಚಾಗಲಿದೆ ಎಂದು ಅಲ್ಟ್ರಾವೈಲೆಟ್‌ನ CTO ಮತ್ತು ಸಹ - ಸಂಸ್ಥಾಪಕ ನೀರಜ್ ರಾಜ್‌ ಮೋಹನ್ ವಿಶ್ವಾಸ ವ್ಯಕ್ತಪಡಿಸಿದರು.

ಬ್ಯಾಟರಿ ಫ್ಲೆಕ್ಸ್‌ನೊಂದಿಗೆ, ಅಲ್ಟ್ರಾವೈಲೆಟ್ ಕಂಪನಿಯ ಎಲೆಕ್ಟ್ರಿಕ್ ವಾಹನಗಳ ಅಳವಡಿಕೆಗೆ ಇರುವ ಅಡೆತಡೆಗಳನ್ನು ಕಡಿಮೆ ಮಾಡುವುದಲ್ಲದೆ, ಪ್ರಪಂಚದಾದ್ಯಂತದ ಸವಾರರಿಗೆ ಕೈಗೆಟುಕುವಿಕೆ, ಅನುಕೂಲತೆ, ಕಾರ್ಯಕ್ಷಮತೆ ಮತ್ತು ತಂತ್ರಜ್ಞಾನ - ನೇತೃತ್ವದ ಚಲನಶೀಲತೆಯಲ್ಲಿ ಹೊಸ ಮಾನದಂಡಗಳನ್ನು ಸ್ಥಾಪಿಸುತ್ತಿದೆ ಎಂದು ಕಂಪನಿ ಹೇಳಿಕೊಂಡಿದೆ. ಹೊಸ ಬ್ಯಾಟರಿ ಫ್ಲೆಕ್ಸ್ ಯೋಜನೆ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಕಮೆಂಟ್‌ನಲ್ಲಿ ತಿಳಿಸಿ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.