Yamaha: RX 100 ನೆನಪಿಸುವ ಹೊಸ ಬೈಕ್ ಬಿಡುಗಡೆ: ಮಾರುಕಟ್ಟೆಯಲ್ಲಿ ಫುಲ್ ಡಿಮ್ಯಾಂಡ್!

ಜಾಗತಿಕವಾಗಿ ಗುರ್ತಿಸಿಕೊಂಡಿರುವ ಪ್ರಮುಖ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿರುವ ಯಮಹಾ (Yamaha) ಮೋಟಾರ್ ಕಂಪನಿ, ಇತ್ತೀಚೆಗೆ XSR155 ಬೈಕ್ ಬಿಡುಗಡೆ ಮಾಡಿತ್ತು. ಇದೀಗ ಇದರ ಆಕರ್ಷಣೆ ಹೆಚ್ಚಿಸಲು ಹೊಸ 'ಮೆಟಾಲಿಕ್ ಬ್ಲ್ಯಾಕ್' ಎಡಿಷನ್ ಬಿಡುಗಡೆ ಮಾಡಿದ್ದು, ಆಕರ್ಷಕ ಲುಕ್ ಹಾಗೂ ಸ್ಪೋರ್ಟಿಯಾಗಿ ಕಾಣುತ್ತಿದೆ. ಕಳೆದ ವರ್ಷ ನವೆಂಬರ್‌ನಲ್ಲಿ ಬಿಡುಗಡೆಯಾಗಿದ್ದ ಈ ಆಧುನಿಕ ರೆಟ್ರೋ ಬೈಕ್ ಭಾರತದಾದ್ಯಂತ ಸವಾರರಿಂದ ಅಗಾಧ ಪ್ರತಿಕ್ರಿಯೆಯನ್ನು ಪಡೆದಿದೆ. ಅಲ್ಪಾವಧಿಯಲ್ಲಿಯೇ, ಯಮಹಾದ ರೆಟ್ರೊ-ಪ್ರೇರಿತ ಸ್ಟೈಲಿಂಗ್ ಮತ್ತು ಸ್ಪೋರ್ಟಿ ಪರ್ಫಾಮೆನ್ಸ್ ಬಯಸುವ ಮೋಟಾರ್‌ಸೈಕಲ್ ಉತ್ಸಾಹಿಗಳಿಗೆ ಇದು ಆದ್ಯತೆಯ ಆಯ್ಕೆಯಾಗಿದೆ.

ಮೆಟಾಲಿಕ್ ಬ್ಲ್ಯಾಕ್' ಎಡಿಷನ್ ವಿಶೇಷತೆಗಳು

ಹೊಸ ಯಮಹಾ XSR155 ಮೆಟಾಲಿಕ್ ಬ್ಲ್ಯಾಕ್ ಎಡಿಷನ್ ಬೆಲೆಯು ರೂ. 1,58,990 (ಎಕ್ಸ್-ಶೋರೂಂ) ಇದೆ. ಹೊಸ ಬಣ್ಣದ ಇತ್ತೀಚಿನ ಸೇರ್ಪಡೆಯಾಗಿ, ಗೋಲ್ಡನ್ USD ಫ್ರಂಟ್ ಫೋರ್ಕ್‌ಗಳನ್ನು ಹೊಂದಿರುವ ಮೆಟಾಲಿಕ್ ಬ್ಲ್ಯಾಕ್ ವೇರಿಯೆಂಟ್ ಗಮನಾರ್ಹ, ಪ್ರೀಮಿಯಂ ನೋಟವನ್ನು ಬಯಸುವ ಗ್ರಾಹಕರಿಂದ ಹೆಚ್ಚುತ್ತಿರುವ ಬೇಡಿಕೆಯನ್ನು ಪೂರೈಸುತ್ತದೆ ಎಂದು ಯಮಹಾ ಕಂಪನಿ ಭರವಸೆ ನೀಡಿದೆ.

ಹೊಸ ಯಮಹಾ XSR155 ಮೆಟಾಲಿಕ್ ಬ್ಲ್ಯಾಕ್ ಎಡಿಷನ್ ಆಕರ್ಷಕ ಡಿಸೈನ್ ಹೊಂದಿದ್ದು, ಇದರ ಮಸ್ಕುಲರ್ ಫ್ಯೂಲ್ ಟ್ಯಾಂಕ್, ಕನಿಷ್ಠ ಬಾಡಿ ವರ್ಕ್ ಮತ್ತು ಸಿಗ್ನೇಚರ್ ರೆಟ್ರೊ-ಪ್ರೇರಿತ ಸ್ಟೈಲಿಂಗ್ ಎಂಥವರನ್ನು ಆಕರ್ಷಿಸುತ್ತದೆ. ಗಮನಾರ್ಹವಾದ ಗೋಲ್ಡ್ ಅಪ್‌ಸೈಡ್‌ಡೌನ್ (USD) ಫೋರ್ಕ್‌ಗಳೊಂದಿಗೆ ಜೋಡಿಯಾಗಿರುವ ಆಕ್ರಮಣಕಾರಿ ಟೋನ್, ಬೈಕ್‌ನ ರಸ್ತೆ ಉಪಸ್ಥಿತಿಯನ್ನು ಹೆಚ್ಚಿಸಿ, ಪ್ರೀಮಿಯಂ ಆಕರ್ಷಣೆಯನ್ನು ಬಲಪಡಿಸುತ್ತದೆ.

ಹೊಸ ಯಮಹಾ XSR155 ಮೆಟಾಲಿಕ್ ಬ್ಲ್ಯಾಕ್ ಎಡಿಷನ್ ಮೋಟಾರ್‌ಸೈಕಲ್ ಪವರ್‌ಫುಲ್ 155 ಸಿಸಿ ಲಿಕ್ವಿಡ್ - ಕೂಲ್ಡ್, 4-ವಾಲ್ವ್ ಪೆಟ್ರೋಲ್ ಎಂಜಿನ್‌ನ್ನು ಹೊಂದಿದೆ. ಇದು 18.1 ಬಿಎಚ್ ಪವರ್ ಹಾಗೂ 14.2 ಎನ್‌ಎಂ ಪೀಕ್ ಟಾರ್ಕ್ ಹೊರಹಾಕುತ್ತದೆ. 6 - ಸ್ಪೀಡ್ ಗೇರ್‌ಬಾಕ್ಸ್‌ನ್ನು ಒಳಗೊಂಡಿದೆ ಪ್ರತಿ ಲೀಟರ್ ಪೆಟ್ರೋಲ್‌ಗೆ 48 ಕಿ.ಮೀವರೆಗೆ ಮೈಲೇಜ್ ನೀಡುತ್ತದೆ ಎಂದು ಕಂಪನಿ ತಿಳಿಸಿದೆ.

ಹೊಸ ಯಮಹಾ XSR155 ಮೆಟಾಲಿಕ್ ಬ್ಲ್ಯಾಕ್ ಎಡಿಷನ್ ಫೀಚರ್ಸ್ ವಿಷಯಕ್ಕೆ ಬಂದರೆ ಎಲ್‌ಸಿಡಿ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಸ್ಮಾರ್ಟ್‌ಫೋನ್‌ ಬ್ಲ್ಯೂಟೂತ್ ಕನೆಕ್ಟಿವಿಟಿ ಹಾಗೂ ಟ್ರಾಕ್ಷನ್ ಕಂಟ್ರೋಲ್ ಸಿಸ್ಟಮ್‌ನ್ನು ಹೊಂದಿದೆ. ಸರಿ ಸುಮಾರು 10 ಲೀಟರ್ ಸಾಮರ್ಥ್ಯದ ಫ್ಯುಯೆಲ್ ಟ್ಯಾಂಕ್ ಇದ್ದು, ಒಮ್ಮೆ ಸಂಪೂರ್ಣ ಟ್ಯಾಂಕ್ ತುಂಬಿಸಿ 480 ಕಿ.ಮೀ ಓಡಿಸಬಹುದು. ಹಾಗೆಯೇ ಸೀಟ್ ಎತ್ತರ 810 ಮಿ.ಮೀ ಇದೆ.

ಡಿಸೈನ್ ವಿಷಯಕ್ಕೆ ಬಂದರೆ ರೌಂಡ್ ಎಲ್ಇಡಿ ಹೆಡ್‌ಲ್ಯಾಂಪ್, ಟಿಯರ್‌ಡ್ರಾಪ್ ಶೇಪ್ಡ್ ಫ್ಯುಯೆಲ್ ಟ್ಯಾಂಕ್, ಟೈಲ್‌ಲೈಟ್ ಹಾಗೂ ಫ್ಲಾಟ್ ಬೆಂಚ್ ಸೀಟ್‌ ಪಡೆದಿದೆ. 2005 ಮಿ.ಮೀ ಉದ್ದ, 805 ಮಿ.ಮೀ ಅಗಲ ಹಾಗೂ 180 ಮಿ.ಮೀ ಎತ್ತರವಿದೆ. ಜೊತೆಗಿದು 120 ಮಿ.ಮೀ ಗ್ರೌಂಡ್ ಕ್ಲಿಯರೆನ್ಸ್ ಹಾಗೂ 1325 ಮಿ.ಮೀ ವೀಲ್‌ಬೇಸ್‌ನ್ನು ಒಳಗೊಂಡಿದೆ. ಒಟ್ಟಾರೆ 137 ಕೆ.ಜಿ ತೂಕವಿದೆ.

ಮೆಟಾಲಿಕ್ ಬ್ಲ್ಯಾಕ್ XSR155 ಎಡಿಷನ್ ಬಿಡುಗಡೆಯು ಯಮಹಾದ ರೈಡರ್ - ಫಸ್ಟ್ ತತ್ವಶಾಸ್ತ್ರವನ್ನು ಮತ್ತಷ್ಟು ಬಲಪಡಿಸುತ್ತದೆ. ತನ್ನ ಗ್ರಾಹಕರೊಂದಿಗೆ ನಿಕಟ ಸಂಪರ್ಕದಲ್ಲಿ ಉಳಿಯುವ ಮೂಲಕ ಮತ್ತು ವಿಕಸನಗೊಳ್ಳುತ್ತಿರುವ ಆದ್ಯತೆಗಳಿಗೆ ನಿರ್ಣಾಯಕವಾಗಿ ಪ್ರತಿಕ್ರಿಯಿಸುವ ಮೂಲಕ, ಯಮಹಾ ಭಾರತದಲ್ಲಿ ತನ್ನ ಪ್ರೀಮಿಯಂ ಮತ್ತು ಪರ್ಫಾಮೆನ್ಸ್ - ಬಯಸುವವರಿಗಾಗಿ ಆಕರ್ಷಕ ಬೈಕ್‌ಗಳನ್ನು ನೀಡುವುದನ್ನು ಮುಂದುವರಿಸಿದೆ.

"ಹೊಸ ಯಮಹಾ XSR155 ಪರಿಚಯದ ನಂತರ ಬಂದ ಅಸಾಧಾರಣ ಪ್ರತಿಕ್ರಿಯೆಯು ಭಾರತದಲ್ಲಿ ಆಧುನಿಕ ರೆಟ್ರೋ ಸ್ಪೋರ್ಟ್ ಬೈಕ್‌ಗೆ ಬೇಡಿಕೆ ಹೆಚ್ಚಿಸಿದೆ. ಈಗ ಹೊಸ ಮೆಟಾಲಿಕ್ ಬ್ಲ್ಯಾಕ್ XSR155 ನ ಪರಿಚಯವು ಕೇವಲ ಹೊಸ ಬಣ್ಣದ ಬಗ್ಗೆ ಮಾತ್ರವಲ್ಲ - ಇದೊಂದು ಬಲವಾದ ಪ್ಯಾಕೇಜ್‌ನಲ್ಲಿ ಪ್ರತ್ಯೇಕತೆ ಮತ್ತು ಶೈಲಿಯನ್ನು ಬಯಸುವ ಸವಾರರಿಗೆ ಬೆಸ್ಟ್ ಬೈಕ್ ಅನ್ನು ನೀಡುವುದಾಗಿದೆ ಎಂದು ಯಮಹಾ ಮೋಟಾರ್ ಇಂಡಿಯಾ ಗ್ರೂಪ್‌ನ ಅಧ್ಯಕ್ಷ ಹಾಜಿಮ್ ಅಯೋಟಾ ಹೇಳಿದರು.