ಮಹೀಂದ್ರ ಮೊಜೊ ಸ್ಪೋರ್ಟ್ ಬೈಕ್ ಡಿಸೈನ್‌ ಫುಲ್ ಚೇಂಜ್

By Nagaraja

Published: Wednesday, July 31, 2013, 16:47 [IST]

ದೇಶದ ಅತಿ ದೊಡ್ಡ ಕ್ರೀಡಾ ಬಳಕೆಯ ವಾಹನ (ಎಸ್‌‍ಯುವಿ) ಉತ್ಪಾದಕರಾದ ಮಹೀಂದ್ರ, ವಾಣಿಜ್ಯ ಸೇರಿದಂತೆ ಪ್ರಯಾಣಿಕ ವಾಹನಗಳನ್ನು ಉತ್ಪಾದಿಸುವುದರಲ್ಲಿ ಹೆಚ್ಚಿನ ಯಶಸ್ಸನ್ನು ಕಂಡಿದೆ.

ಆದರೆ ದ್ವಿಚಕ್ರ ವಿಭಾಗದಲ್ಲಿ ನಿರೀಕ್ಷಿದಷ್ಟು ಪ್ರಭಾವ ಬೀರುವಲ್ಲಿ ಸಾಧ್ಯವಾಗಲಿಲ್ಲ. ಈ ಹಿಂದೆ 2010ರಲ್ಲಿ ಅನಾವರಣಗೊಂಡಿದ್ದ ಮೊಜೊ ಸ್ಪೋರ್ಟ್ಸ್ ಬೈಕ್ ವಿಭಾಗಕ್ಕೆ ಎಂಟ್ರಿ ಕೊಡುವ ಸೂಚನೆ ನೀಡಿತ್ತು. 300ಸಿಸಿ ವಿಭಾಗದಲ್ಲಿ ಮೊಜೊ ಸ್ಪೋರ್ಟ್ಸ್ ಬೈಕ್ ಗ್ರಾಹಕರ ಪ್ರಶಂಸೆಯನ್ನು ಗಿಟ್ಟಿಸಿಕೊಳ್ಳಲಿದೆಯೆಂದು ನಿರೀಕ್ಷಿಸಿಕೊಳ್ಳಲಾಗಿತ್ತು. ಆದರೆ ಮುಂದುವರಿದ ಬೆಳವಣಿಗೆಯಲ್ಲಿ ಆಟೋ ತಜ್ಞರ ವಿಮರ್ಶೆಗೆ ಒಳಗಾಗಿತ್ತು.

ಮರುವಿನ್ಯಾಸ

ಈ ನಡುವೆ ಮೊಜೊ ಮರು ವಿನ್ಯಾಸಗೊಳಿಸಲು ಮಹೀಂದ್ರ ನಿರ್ಧರಿಸಿದೆ. ಯಾಕೆಂದರೆ ಸ್ಪೋರ್ಟ್ ಬೈಕ್‌ಗಳಿಗೆ ಸದ್ಯದಲ್ಲಿ ದೇಶದಲ್ಲಿ ಉತ್ತಮ ಮಾರುಕಟ್ಟೆಯಿದೆ. ಹೋಂಡಾ ಸಿಬಿಆರ್ 250ಆರ್, ಬಜಾಜ್ 200 ಎನ್‌ಎಸ್, ನಿಂಜಾ 300 ಹಾಗೂ ಕೆಟಿಎಂ ಡ್ಯೂಕ್ ಯಶಸ್ಸನ್ನು ಇದು ಎತ್ತಿ ಹಿಡಿಯುತ್ತಿದೆ.

ಸದ್ಯದಲ್ಲೇ ಆಗಮನ

ಪ್ರಸ್ತುತ ಬಂದಿರುವ ಮೂಲಗಳ ಪ್ರಕಾರ ನಿಕಟ ಭವಿಷ್ಯದಲ್ಲೇ ಮೊಜೊ ಎಂಟ್ರಿ ಕೊಡಲಿದೆ. ಇದು ಹೆಚ್ಚಿನ ಆಕ್ರಮಣಕಾರಿ ವಿನ್ಯಾಸ ಪಡೆದುಕೊಳ್ಳಲಿದೆ.

ಟ್ವಿನ್ ಹೆಡ್ ಲೈಟ್

ಇದರ ಪ್ರಮುಖ ಬದಲಾವಣೆ ಏನೆಂದರೆ ಟ್ವಿನ್ ಹೆಡ್ ಲೈಡ್ ಬದಲು ಏಕಮಾತ್ರ ಹೆಡ್ ಲೈಟ್ ಕಾಣಿಸಿಕೊಳ್ಳಲಿದೆ. ಕಂಪನಿಯ ಈ ನಿರ್ಧಾರವನ್ನು ಆಟೋ ತಜ್ಞರು ಸ್ವಾಗತಿಸುತ್ತಾರೆ. ಯಾಕೆಂದರೆ ಟ್ವಿನ್ ಹೆಡ್ ಲೈಟ್ ಮೊಜೊ ಹಿನ್ನಡೆಗೆ ಕಾರಣವಾಗಿತ್ತು.