ಯಮಹಾ ಆಲ್ಫಾ ಸ್ಕೂಟರ್‌ಗೆ ಬೆಂಗಳೂರಿನಲ್ಲಿ ಭಾರಿ ಬೇಡಿಕೆ

ಈ ಸಂದರ್ಭದಲ್ಲಿ ಮಾತನಾಡಿದ ಯಮಹಾ ಮೋಟಾರ್ ಇಂಡಿಯಾ ಸೇಲ್ಸ್ ಪ್ರೈವೇಟ್ ಲಿಮಿಟೆಡ್‍ನ ಉಪಾಧ್ಯಕ್ಷ ರಾಯ್ ಕುರಿಯನ್ ಅವರು, ಭಾರತದಲ್ಲಿನ ಅತಿದೊಡ್ಡ ದ್ವಿಚಕ್ರ ವಾಹನಗಳ ಮಾರುಕಟ್ಟೆಯಾಗಿ ಬೆಂಗಳೂರು ಸಂಸ್ಥೆಯ ದೃಷ್ಟಿಯಿಂದ ಮುಖ್ಯವಾದ ಸ್ಥಾನ ಹೊಂದಿದೆ. ಸ್ಥಳೀಯ ವಿತರಕರಿಗೂ ನಾವು ಕೃತಜ್ಞತೆ ಸಲ್ಲಿಸಲು ಬಯಸುತ್ತೇವೆ. ಅವರ ಸಹಕಾರವಿಲ್ಲದೇ ಯಶಸ್ಸು ಸಾಧಿಸುವುದು ಕಷ್ಟ. ಹೆಚ್ಚುವರಿ ಬುಕ್ಕಿಂಗ್ ಗ್ರಾಹಕರು ಯಮಹಾ ಮೇಲೆ ಇಟ್ಟಿರುವ ವಿಶ್ವಾಸವನ್ನು ತೋರಿಸುತ್ತದೆ. ಪ್ರಸ್ತುತ ದಕ್ಷಿಣ ಭಾಗದಲ್ಲಿ 120 ಅಧಿಕೃತ ವಿತರಕರನ್ನು ಹೊಂದಿದ್ದು, ಕರ್ನಾಟಕದಲ್ಲಿ 25 ಮಂದಿ ವಿತರಕರು ಇದ್ದಾರೆ. ಭವಿಷ್ಯದಲ್ಲಿ ದಕ್ಷಿಣ ಭಾಗದಲ್ಲಿ ನಮ್ಮ ವಿತರಕರ ಜಾಲವವನ್ನು 130ಕ್ಕೆ ಏರಿಸಲು ಬಯಸಿದ್ದೇವೆ. ಇದರೊಂದಿಗೆ ವಿಶ್ವದರ್ಜೆಯ ಗುಣಮಟ್ಟದ ಉತ್ಪನ್ನಗಳು, ಮಾರಾಟ ನಂತರದ ಉತ್ತಮ ಸೇವೆ, ಯಮಹಾದ ವಿಶ್ವಾಸವನ್ನು ಇನ್ನಷ್ಟು ಹೆಚ್ಚಿಸಲಿದೆ ಎಂದರು.

ಯಮಹಾ ಭಾರತದ ಸ್ಕೂಟರ್ ಮಾರುಕಟ್ಟೆಯನ್ನು 2012ರಲ್ಲಿ ಪ್ರವೇಶಿಸಿದ್ದು, ಮಹಳೆಯರಿಗಾಗಿ ರೂಪಿಸಿದ ರೇ ವಾಹನ ಬಿಡುಗಡೆ ಮಾಡಿತ್ತು. ನಂತರ 20013ರಲ್ಲಿ ಪುರುಷರನ್ನು ಗುರಿಯಾಗಿಸಿಕೊಂಡು ರೇ ಝಡ್ ಬಿಡುಗೆಯಾಯಿತು. ಎರಡೂ ಮಾದರಿಗಳಲ್ಲಿ 2013ರ ಅಂತ್ಯದ ವೇಳೆಗೆ ಒಟ್ಟು 150,000 ವಾಹನ ಮಾರಾಟವಾಗಿತ್ತು.

ಸ್ಕೂಟರ್ ವಲಯವನ್ನು ಬಲಪಡಿಸಲು ಯಮಹಾ ಮೋಟಾರ್ ಇಂಡಿಯಾ ಸೇಲ್ಸ್ 113 ಸಿಸಿ ಸಾಮರ್ಥ್ಯದ ಸ್ವಯಂ ಚಾಲಿತ ಸ್ಕೂಟರ್ ಆಲ್ಫಾ ಬಿಡುಗಡೆ ಮಾಡಿತು. ಇದು, ಯಮಾಹಾ ಸಮೂಹದಿಂದ ಕುಟುಂಬ ದೃಷ್ಟಿಯಲ್ಲಿ ಇರಿಸಿಕೊಂಡು ರೂಪಿಸಿದ ಮೊದಲ ವಾಹನ.

ತನ್ನ ಮಾರಾಟ ಪ್ರಮಾಣ ನಿರಂತರವಾಗಿ ಇದ್ದು, ಯಮಹಾ ಮೋಟಾರ್ಸ್ ಇಂಡಿಯಾ ಫೆಬ್ರುವರಿ 2014ರಲ್ಲಿ 42,548 ವಾಹನಗಳನ್ನು ಮಾರಾಟ ಮಾಡಿದೆ. ಇದು, ಕಳೆದ ವರ್ಷದ ಫೆಬ್ರವರಿ ಮಾರಾಟಕ್ಕೆ ಹೋಲಿಸಿದರೆ ಶೇ 32.5ರಷ್ಟು ಏರಿಕೆಯಾಗಿದೆ. ನವೀನ ತಂತ್ರಜ್ಞಾನ, ಗ್ರಾಹಕ ಕೇಂದ್ರೀತವಾದ ಕಾರ್ಯಕ್ರಮಗಳು ಆಲ್ಫಾ ಮಾರಾಟ ಏರಿಕೆಗೆ ಕಾರಣವಾಗಿದೆ.

ಏಪ್ರಿಲ್ 2013ರಲ್ಲಿ ಇಂಡಿಯಾ ಯಮಹಾ ಮೋಟಾರ್ ಪ್ರತ್ಯೇಕವಾಗಿ ಯಮಹಾ ಮೋಟಾರ್ ಇಂಡಿಯಾ ಸೇಲ್ಸ್ ಪ್ರೈವೇಟ್ ಲಿಮಿಟೆಡ್ (ವೈಎಂಐಎಸ್) ಹೆಸರಿನಲ್ಲಿ ಸೋದರ ಸಂಸ್ಥೆ ಆರಂಭಿಸಿತು. ಇದು ಕಂಪನಿಯ ಮಾರುಕಟ್ಟೆಯ ಅಗತ್ಯಗಳನ್ನು ನೋಡಲಿದ್ದು, ಸ್ವತಂತ್ರವಾಗಿ ಕಾರ್ಯನಿರ್ವಹಿಸಲಿದೆ.