Click it and Unblock the Notifications
ಭಾರತ್ ಸ್ಟೇಜ್ 4 ಗುಣಮಟ್ಟ ಅಳವಡಿಕೆ ಕಡ್ಡಾಯ
ದಶಕಗಳ ಹಿಂದೆ ಪ್ರಾರಂಭಿಸಲಾಗಿದ್ದ ಭಾರತ್ ಸ್ಟೇಜ್ 1 ವಾಯುಮಾಲಿನ್ಯ ಪರೀಕ್ಷೆಯಿಂದ 4ರವರೆಗೆ ತಂತ್ರಜ್ಞಾನದಲ್ಲಿ ಸಾಕಷ್ಟು ಬದಲಾವಣೆ ಮಾಡಲಾಗಿದೆ. ಹೊಸ ನಿಯಮಾವಳಿಗಳು ಯುರೋಪ್ ನಲ್ಲಿ ಪಾಲಿಸಲಾಗುತ್ತಿರುವ ವಾಯುಮಾಲಿನ್ಯ ಗುಣಮಟ್ಟಕ್ಕೆ ಹತ್ತಿರವಾಗಿದೆ. ಭಾರತ್ ಸ್ಟೇಜ್ 4 ಗುಣಮಟ್ಟಕ್ಕೆ ತಕ್ಕಂತೆ ತಮ್ಮ ಉತ್ಪನ್ನಗಳಿಗೆ ಅಗತ್ಯ ಬದಲಾವಣೆಗಳನ್ನು ತರಲು ಆಟೋಮೊಬೈಲ್ ಕಂಪನಿಗಳಿಗೆ ಏಪ್ರಿಲ್ 2010ರ ಗಡುವು ಕೇಂದ್ರ ಸರ್ಕಾರ ನೀಡಿದೆ. ಆರ್ಎ ಮಾಶೇಲ್ಕರ್ ಸಮಿತಿ ಮಾಡಿರುವ ಶಿಫಾರಸಿನ ಆಧಾರದ ಮೇಲೆ ಭಾರತ್ ಸ್ಟೇಜ್ 4 ಗುಣಮಟ್ಟವನ್ನು ನಿಗದಿ ಮಾಡಲಾಗಿದೆ.
ಭಾರತ ಸ್ಟೇಜ್ 4 ಗುಣಮಟ್ಟ ಅಳವಡಿಸಲು ಹೆಚ್ಚಿನ ಆಟೋಮೊಬೈಲ್ ಕಂಪನಿಗಳು ಸಿದ್ಧವಾಗಿವೆ. ಆದರೆ, ಹಿಂದೂಸ್ತಾನ್ ಮೋಟಾರ್ಸ್ನ ಅಂಬಾಸಿಡರ್ನಂಥ ದುಬಾರಿ ಕಾರಿಗೆ ಹೊಸ ನಿಯಮಾವಳಿಗಳು ಭಾರಿಯಾಗಿ ಪರಿಣಮಿಸಿವೆ. ಮಾರುತಿ ಅಲ್ಟೋ ಮತ್ತು 800 ಕಾರುಗಳಿಗೆ ಭಾರತ್ ಸ್ಟೇಜ್ 4 ಗುಣಮಟ್ಟ ಅಳವಡಿಸುವುದು ಸ್ವಲ್ಪ ದುಬಾರಿಯಾಗಲಿದೆ ಎಂದು ಮಾರುತಿ ಕಂಪನಿ ಹೇಳಿದೆ. ಉಳಿದ ಮಾಡೆಲ್ ಗಳ ಇಂಜಿನ್ ಮತ್ತು ಹಬೆ ಹೊರಹಾಕುವ ವ್ಯವಸ್ಥೆಯಲ್ಲಿ ಅಲ್ಪ ಬದಲಾವಣೆ ಮಾಡಲಾಗುವುದು ಎಂದು ಹೇಳಿದೆ.
ಆದರೆ, ಇಡೀ ದೇಶ ಆರ್ಥಿಕ ಸಂಕಷ್ಟ ಅನುಭವಿಸುತ್ತಿರುವ ಹಿನ್ನೆಲೆಯಲ್ಲಿ ಭಾರತ್ ಸ್ಟೇಜ್ 4 ಗುಣಮಟ್ಟ ಅಳವಡಿಕೆ ಕಡ್ಡಾಯ ಮಾಡಿರುವುದು ಅನೇಕ ಆಟೋಮೊಬೈಲ್ ಕಂಪನಿಗಳಿಗೆ ಬಿಸಿ ಮುಟ್ಟಿಸಿದಂತಾಗಿದೆ. ನೂತನ ಗುಣಮಟ್ಟ ಅಳವಡಿಕೆಗಾಗಿ ಆಟೋಮೊಬೈಲ್ ಕಂಪನಿಗಳು ಒಟ್ಟಾಗಿ 25 ಸಾವಿರ ಕೋಟಿ ರು. ವ್ಯಯಿಸಬೇಕಾಗಬಹುದೆಂಬ ಅಂದಾಜಿದೆ. ಈ ನಿಯಮಗಳು ಕಟ್ಟುನಿಟ್ಟಾಗಿ ಜಾರಿಗೆ ಬಂದಲ್ಲಿ ಈ 11 ನಗರಗಳಲ್ಲಿನ ನಾಗರಿಕರು ವಾಯುಮಾಲಿನ್ಯದಿಂದ ಮುಕ್ತರಾಗುವುದರಲ್ಲಿ ಸಂದೇಹವಿಲ್ಲ. ಇದಕ್ಕಾಗಿ ಕಾರು ಕೊಳ್ಳುವವರು ಅಲ್ಪ ಬೆಲೆ ತೆತ್ತಬೇಕಾಗಿ ಬಂದರೂ ಆಶ್ಚರ್ಯವಿಲ್ಲ.
Continue with Google