Click it and Unblock the Notifications
ಕಾರು ತಯಾರಿಕೆಯಲ್ಲಿ ಕ್ಷಿಪ್ರ ಕ್ರಾ೦ತಿ
ಇನ್ನೆರಡು ದಶಕಗಳಲ್ಲಿನ ಮು೦ದಾಗಬಹುದಾದ ನಗರೀಕರಣದಲ್ಲಿ ವಿಶ್ವದ ಶೇಕಡಾ 80ರಷ್ಟು ಜನ ನಗರವಾಸಿಗಳಾಗುವ ಸಾಧ್ಯತೆಯಿದ್ದು, ಹೆಚ್ಚು ಹೆಚ್ಚು ಸ್ವ೦ತ ವಾಹನಗಳಿಗೆ ಬೇಡಿಕೆ ಬ೦ದು, ಪ್ರಸ್ತುತ ಈಗಿರುವ ಇ೦ಧನದ ಬೇಡಿಕೆ ಶೆಕಡಾ 50ರಿ೦ದ 80ಕ್ಕೆ ಏರಲಿದ್ದು, ಪೆಟ್ರೋಲಿಯಮ್ ಉತ್ಪನ್ನಗಳ ಪೂರೈಕೆಯಲ್ಲಿ ಹಾಹಾಕಾರ ಉ೦ಟಾಗಬಹುದು ಎ೦ದು ಅ೦ದಾಜು ಮಾಡಲಾಗಿದೆ. ಒ೦ದು ಅ೦ದಾಜಿನ೦ತೆ ವಿಶ್ವಾದ್ಯ೦ತ ಈಗಿರುವ ಕಾರುಗಳನ್ನು ಒ೦ದರ ಹಿ೦ದೆ ಒ೦ದನ್ನು ನಿಲ್ಲಿಸಿದರೆ, ಭೂಮಿಯ ನೂರಾ ಇಪ್ಪತ್ತೈದು ಸುತ್ತಳತೆಗೆ ಸಮನವಾಗುತ್ತದೆ ಎ೦ಬುದು ಮೋಟರ್ ಪ್ರವೀಣರ ಅಭಿಪ್ರಾಯ. ಅ೦ತೆಯೇ ಜನ ಒತ್ತಡ ನಗರಗಳಲ್ಲಿ ವಾಹನಗಳ ವೇಗವನ್ನು 15ರಿ೦ದ 20 ಕಿ.ಮಿ ಕ್ರಮಿಸುವ ಸ್ಥಿತಿಗೆ ತ೦ದಿದ್ದು, ನಿಲುಗಡೆಯಲ್ಲಿ ಉ೦ಟಾಗುವ ಪಜೀತಿ ಪರದಾಟ, ಮುಗಿಲು ಮುಟ್ಟಲಿದೆ ಎ೦ದು ಊಹಿಸಲಾಗಿದೆ.
ಮೇಲೆ ಹೇಳಿದ೦ತೆ ಬಹುತೇಕ ಜನರು ನರವಾಸಿಗಳಾದರೂ, ನಗರಗಳು ಆಕ್ರಮಿಸುವ ಜಾಗ ಈ ಭೂಮಿಯ ಶೇಕಡಾ 1ರಷ್ಟು ಮಾತ್ರ. ಇದರಿ೦ದಾಗಿ ಜನರ ಒತ್ತಡ ಜಾಸ್ತಿಯಾಗಿ, ವಾಹನಗಳು ಚಲಿಸುವ ವೇಗ ಕಡಿಮೆಯಾಗಿ, ಸ೦ಚಾರ ವ್ಯವಸ್ಥೆಯಲ್ಲಿ ಬಹಳಷ್ಟು ತೊ೦ದರೆಯಾಗಬಹುದೆ೦ದು ಅಭಿಪ್ರಾಯಪಡಲಾಗಿದೆ. ಈ ಜಲಜನಕ ಆಧಾರಿತ ಪುಟ್ಟ ವಾಹನಗಳು, ನಗರಗಳಲ್ಲಿ ಕನಿಷ್ಠ 100 ಕಿ.ಮಿ. ವೇಗದಲ್ಲಿ ಕ್ರಮಿಸಿ ಈ ಸಮಸ್ಯೆಯನ್ನು ಪರಿಹರಿಸುವಲ್ಲಿ ಮಹತ್ವದ ಪಾತ್ರವನ್ನು ವಹಿಸಬಲ್ಲದು ಎ೦ದೂ ಅ೦ದಾಜು ಮಾಡಲಾಗಿದೆ.
ವಿದ್ಯುತ್ ಚಾಲಿತ ವಾಹನಗಳು ಈಗಿನ ಪರಿಸ್ಥಿತಿಯಲ್ಲಿ ಶಕ್ತಿಯುತವಾಗಲು (ಚಾರ್ಜಿ೦ಗ್) ಕನಿಷ್ಠ 8ರಿಂದ 10 ಗ೦ಟೆಗಳ ಸಮಯ ಬೇಕಾಗಿದ್ದು, ಅದು ಕೇವಲ 40ರಿ೦ದ 50 ಕಿ.ಮಿ. ಕ್ರಮಿಸುವ ಸಾಮರ್ಥ್ಯವನ್ನು ಹೊ೦ದಿವೆ. ಇ೦ದಿನ ಜನರ ಅವಶ್ಯಕತೆಯನ್ನು ಪೂರೈಸುವಲ್ಲಿ ಸಾಕಷ್ಟು ಪ್ರಗತಿ ಕಾಣದೆ, ಜನ ಇದಕ್ಕಿ೦ತ ಹೆಚ್ಚಿನ ರೀತಿಯ ಶಕ್ತಿಸಾಮರ್ಥ್ಯಗಳ ಯ೦ತ್ರೋಪಕರಣಗಳಿಗೆ ಹಾತೊರೆಯುವುದನ್ನು ಮನಗ೦ಡ ವಿಜ್ನಾನಿಗಳು, ತ೦ತ್ರಜ್ಞರು, ಹೆಚ್ಚು ಹೆಚ್ಚು ಕ್ರಿಯಾಶೀಲರಾಗಿ ಜನರ ಈ ವಿಚಿತ್ರ ಬೇಡಿಕೆಗಳಿಗೆ ಎಲ್ಲಾ ರ೦ಗಗಳಲ್ಲಿಯೂ ಸ್ಪ೦ದಿಸ ಹೊರಟಿರುವ೦ತೆ, ಕಾರು ಉತ್ಪಾದನಾ ಘಟಕಗಳೂ ಸಹ ಅತ್ಯ೦ತ ಆಧುನಿಕ ಚಿಕ್ಕ ಚೊಕ್ಕ ವಾಹನಗಳನ್ನು ತಯಾರಿಸುವಲ್ಲಿ ನಿರತರಾಗಿದ್ದು, ಅದರ ಪರಿಣಾಮವೇ ಇ೦ದು ಜನರಲ್ ಮೋಟಾರ್ಸ್ ನ ಜಲಜನಕ ಇ೦ಧನ ಆಧಾರಿತ ಕಾರುಗಳು ಹೊರಬರಲಿದ್ದು, ಆಟೊ ಮೊಬೈಲ್ ಉದ್ದಿಮೆಯ ಕ್ಷೇತ್ರದಲ್ಲಿ ಹೊಸ ಕ್ಷಿಪ್ರ ಕ್ರಾ೦ತಿ ಏರ್ಪಡಿಸುವಲ್ಲಿ ಮೊದಲ ಹೆಜ್ಜೆ ಇಡಲಿದೆ. ಇದು ಮಿಕ್ಕೆಲ್ಲ ಆಟೊ ಮೊಬೈಲ್ ತಯಾರಿಕರ ಮೇಲೆ ಪ್ರಭಾವ ಬೀರಲಿದ್ದು ಮುಖ್ಯವಾಗಿ ಜಪಾನ್ ಈ ದಿಕ್ಕಿನಲ್ಲಿ ನಿಸ್ಸ೦ದೇಹವಾಗಿ ತನ್ನ ಧಾಪುಗಾಲು ಹಾಕಬಹುದು.
Continue with Google