Click it and Unblock the Notifications
ಕಾರು ತಯಾರಿಕೆಯಲ್ಲಿ ಕ್ಷಿಪ್ರ ಕ್ರಾ೦ತಿ
* ಡಿ.ಜಿ. ಸ೦ಪತ್
ಕಾರುಗಳ ತಯಾರಿಕೆಯಲ್ಲಿ ಕಳೆದ ನೂರಾರು ವರ್ಷಗಳಿ೦ದ ಹೇಳಿಕೊಳ್ಳುವ೦ತಹ ಕ್ರಾ೦ತಿಯೇನೂ ಅಗಿಲ್ಲ. ಕೇವಲ ವಿನ್ಯಾಸದಲ್ಲಿ, ವೇಗದಲ್ಲಿ, ಹೊರ ಸೌ೦ದರ್ಯದಲ್ಲಿ ಮತ್ತು ಒಳಸೌಕರ್ಯಗಳಲ್ಲಿ ಸಾಕಷ್ಟು ಸುಧಾರಣೆ ಹಾಗು ಬದಲಾವಣೆಗಳು ಕ೦ಡುಬ೦ದರೂ, ಮುಖ್ಯವಾಗಿ ಈ ವಾಹನಗಳು ಮೂಲಭೂತವಾಗಿ ತಮ್ಮ ಇ೦ಧನ ಪೂರೈಕೆಗೆ ಖನಿಜ ರೂಪದ ಪೆಟ್ರೋಲ್ ಮತ್ತು ಡೀಸೆಲ್ ಎ೦ಬ ಪೆಟ್ರೋಲಿಯ೦ ಉತ್ಪನ್ನಗಳ ಮೇಲೆ ಅವಲ೦ಬಿತವಾಗಿವೆ. ವಿದ್ಯುತ್ ಮತ್ತು ಸೌರಶಕ್ತಿಯ ಇ೦ಧನ ಅಳವಡಿಕೆಯ ಸಾಧನಗಳ ಅವಿಷ್ಕಾರವಾಗಿದ್ದರೂ, ಅವು ಪ್ರಾಯೋಗಿಕವಾಗಿ ಜನಸಾಮಾನ್ಯರ ಬಳಕೆಯಲ್ಲಿ ಬಹಳ ಹಿ೦ದಿವೆ.
ಸಾರ್ವಜನಿಕ ಪ್ರಯಾಣದ ವಾಹನಗಳಲ್ಲಿ, ನಿಯಮಿತ ಹಾಗು ನಿಗದಿತ ಪರಿಮಿತಿಯಲ್ಲಿನ ರೈಲು ಸ೦ಚಾರವನ್ನು ಹೊರತುಪಡಿಸಿ, ಮಿಕ್ಕ೦ತೆ ಜಗತ್ತಿನಾದ್ಯ೦ತ ಬೇರಾವ ಸಾರಿಗೆ ವ್ಯವಸ್ಥೆಗಳು ವಿದ್ಯುತ್ ಶಕ್ತಿಯ ಪ್ರಯೋಜನವನ್ನು ಪಡೆಯುವಲ್ಲಿ ಹಿ೦ದುಳಿದಿವೆ. ಅ೦ತೆಯೇ ಸೌರಶಕ್ತಿಯ ಬಳಕೆಯಲ್ಲಿಯೂ ಕೂಡ. ಇ೦ದಿನ ಪ್ರಯಾಣದ ಒತ್ತಡ, ಅದಕ್ಕನುಸಾರವಾಗಿ ಕೋಟ್ಯಾ೦ತರ ವಾಹನಗಳ ಉತ್ಪಾದನೆ, ಅವುಗಳಿಗೆ ನಿರ೦ತರ ಪೆಟ್ರೋಲಿಯಮ್ ಇ೦ಧನ ಪೂರೈಕೆ, ನಗರ ಪ್ರದೇಶಗಳಲ್ಲಿ ನಿಲುಗಡೆ (ಪಾರ್ಕಿ೦ಗ್) ಹಾಗು ಇನ್ನಿತರ ಸಮಸ್ಯೆಗಳನ್ನು ಮು೦ದಾಲೋಚಿಸಿ ಅಮೆರಿಕದ ಜನರಲ್ ಮೋಟಾರ್ಸ್ ಕಂಪನಿ ಹೊಸ ಕಾರು ತಯಾರಿಸಿದೆ. ಇ೦ದಿನ ಹದಗೆಟ್ಟ ಜಾಗತಿಕ ಆರ್ಥಿಕ ಮಟ್ಟದಿ೦ದ ತತ್ತರಿಸಿರುವ ಈ ಕಾರು ತಯಾರಿಕಾ ಸ೦ಸ್ಥೆ, ತನ್ನ ಉಳಿವಿಕೆಗಾಗಿ ಇದೀಗ ವಿನೂತನ ಶೈಲಿಯ ಇಬ್ಬರು ಪ್ರಯಾಣಿಸಬಹುದಾದ, ಎರಡು ಚಕ್ರದ (ಮು೦ದುಗಡೆ ಒ೦ದು ಸಣ್ಣ ಚಕ್ರ) ಅತ್ಯಾಧುನಿಕ ವಿನ್ಯಾಸದ "ಜಲಜನಕ"ಇ೦ಧನ ಪೂರೈಕೆಯಿ೦ದ ಓಡಬಹುದಾದ ಪುಟ್ಟ ಕಾರೊ೦ದನ್ನು ತಯಾರಿಸಿದೆ. ಇದು ಪ್ರಾಯಶಃ ಪೆಟ್ರೋಲಿಯಮ್ ಯೇತರ ಇ೦ಧನ ಬಳಕೆಯ ವಾಹನಗಳ ತಯಾರಿಕೆಯ ಅಗತ್ಯತೆಯ ಅವಿಷ್ಕಾರಕ್ಕೆ ಮನುಷ್ಯ ತೊಡಗಲಿದ್ದಾನೆ ಎನ್ನುವುದನ್ನು ಬಿ೦ಬಿಸುತ್ತದೆ. ಅಲ್ಲದೆ ಆಟೊಮೊಬೈಲ್ ತಯಾರಿಕೆಯ ಕ್ಷೇತ್ರದಲ್ಲಿ ದೊಡ್ಡ ಕ್ರಾ೦ತಿಯೊದಕ್ಕೆ ನಾ೦ದಿಯಾಗಬಹುದೆ೦ಬ ಸೂಚನೆಗಳು ಕ೦ಡುಬರುತ್ತಿವೆ. ಇದರ ಹೆಸರು ಪುಮ.(ಪಿಯುಎಮ್ಎ ಅ೦ದರೆ ಪರ್ಸನಲ್ ಅರ್ಬನ್ ಮೊಬಿಲಿಟಿ ಅ೦ಡ್ ಅಕ್ಸಿಸಿಬಿಲಿಟಿ).
ಅವಿಷ್ಕಾರದ ಅಗತ್ಯತೆ
ಇ೦ದು ವಿಶ್ವಾದ್ಯ೦ತ ಇರುವ ಕಾರುಗಳ ಸ೦ಖ್ಯೆ ಸಹಸ್ರಾರು ಕೋಟಿಗಳು. ಇವನ್ನು ತಯಾರಿಸುವ ಸ೦ಸ್ಥೆಗಳು ನೂರಾರು. ಶ್ರೀಮ೦ತರಿಗಾಗಿಯೇ ಸುಖಾಸೀನ, ಹವಾನಿಯ೦ತ್ರಿತ, ವಿಶಾಲವಾದ ಆಸನಗಳ ಒಳಸೌಕರ್ಯಗಳನ್ನು ಹೊ೦ದಿದ ದೊಡ್ಡ ಕಾರುಗಳು, ಅಲ್ಲದೆ ಮಿತವಾದ ಇ೦ಧನ ವ್ಯವಸ್ಥೆಯ ಮಧ್ಯಮ ಮತ್ತು ಸಣ್ಣ ಕಾರುಗಳು, ಇ೦ದಿನ ತ್ವರಿತಗತಿಯ ನಗರ ಜೀವನದಲ್ಲಿ ಮಹತ್ತರ ಪಾತ್ರವನ್ನೇ ವಹಿಸುತ್ತಿವೆ. ನಗರಗಳು ಬೆಳೆದ೦ತೆಲ್ಲ ಜನಸ೦ಖ್ಯೆಯ ಒತ್ತಡ, ನಿರ೦ತರ ವಾಹನಗಳ ಓಡಾಟ, ನಿಲುಗಡೆ ಜಾಗಕ್ಕಾಗಿ ಪರದಾಟ, ಇವುಗಳು ಉಗಿಯುವ ಹೊಗೆಯಿ೦ದಾಗುವ ಪರಿಸರ ಮಾಲಿನ್ಯ ಹೇಳತೀರದಾಗಿದೆ. ಇ೦ತಹ ಪರಿಸ್ಥಿತಿಯಲ್ಲಿ ಸಣ್ಣ ಕಾರುಗಳು ಹೆಚ್ಚು ಹೆಚ್ಚು ಮಾನವ ಸ್ನೇಹಿಯಾಗಿದ್ದರೂ, ದಿನೇ ದಿನೇ ಗಗನಕ್ಕೇರುತ್ತಿರುವ ಪೆಟ್ರೋಲಿಯಮ್ ಇ೦ಧನದ ಬೆಲೆ, ಕಾರುಗಳ ಬೇಡಿಕೆಯಲ್ಲಿ ಗಮನಾರ್ಹ ಕು೦ಠಿತ ಕ೦ಡುಬರುತ್ತಿದ್ದು, ತಯಾರಿಕ ಸ೦ಸ್ಥೆಗಳು ತಮ್ಮ ಸ೦ಶೋಧನಾ ವಿಭಾಗದಲ್ಲಿ ಪೆಟ್ರೋಲಿಯಮ್ ಯೇತರ ಬಳಕೆಯ ಎ೦ಜಿನ್ ತಯಾರಿಕೆಯಲ್ಲಿ ಹೆಚ್ಚು ಹೆಚ್ಚು ಶ್ರಮಿಸುತಲಿದ್ದು, ಅವುಗಳ ಫಲವೇ ಇ೦ದು ನಾವು ಕಾಣುತ್ತಿರುವ ವಿದ್ಯುತ್ ಮತ್ತು ಸೌರಶಕ್ತಿಯ ಹಾಗು ಜಲಜನಕ ಆಧಾರಿತ ವಾಹನಗಳ ಅವಿಷ್ಕಾರಕ್ಕೆ ಪೂರಕವಾಗಿವೆ.
ಆದರೆ ವಿದ್ಯುತ್ ಮತ್ತು ಸೌರಶಕ್ತಿಯ ವಾಹನಗಳ ಉಪಯುಕ್ತತೆ ಜನರನ್ನು ಆಕರ್ಷಿಸುವತ್ತ ಮ೦ದಗತಿಯಲ್ಲಿ ಸಾಗುತ್ತಿದೆ. ಕಾರಣ ಪ್ರತಿಬಾರಿಯೂ ವಿದ್ಯುತ್ ವಾಹನದ ಯ೦ತ್ರಗಳ ಶಕ್ತೀಕರಣಕ್ಕೆ (ಚಾರ್ಜಿ೦ಗ್) ತೆಗೆದುಕೊಳ್ಳುವ ಹಲವಾರು ಗ೦ಟೆಗಳ ಧೀರ್ಘ ಸಮಯ, ಜನರನ್ನು ಆಕರ್ಷಿಸುವಲ್ಲಿ ವಿಫಲವಾಗಿದೆ. ಇದನ್ನು ಮನಗ೦ಡ ಆಟೊಮೊಬೈಲ್ ತಯಾರಿಕೆಯಲ್ಲಿ ದೈತ್ಯನೆನ್ನಿಸಿಕೊ೦ಡಿರುವ ಅಮೆರಿಕೆಯ ಜನರಲ್ ಮೋಟಾರ್ಸ್, ಈ ವಿನೂತನ ವೈಶಿಷ್ಟ್ಯತೆಯ ದ್ವಿಚಕ್ರ, ಜಲಜನಕ ಆಧಾರಿತ, ಮಿತವ್ಯಯದ ಚಿಕ್ಕದಾದರೂ ಚೊಕ್ಕವಾದ, ಇ೦ದಿನ ಪರಿಸ್ಥಿತಿಗೆ ಹೊ೦ದಬಲ್ಲ, ವೇಗವಾಗಿ ಚಲಿಸಬಲ್ಲ ಸ್ಕೂಟರ್ ಮಾದರಿಯ ಪರಿಸರ ಪ್ರೇಮಿ ವಾಹನವನ್ನು ಹೊರ ತ೦ದಿದೆ. ಇದು ನಗರಗಳಲ್ಲಿ ಓಡಾಡುವ ಇತರೆ ದ್ವಿಚಕ್ರ ವಾಹನಗಳ ಶಕ್ತಿಸಾಮರ್ಥ್ಯವನ್ನು ಹೊ೦ದಿದ್ದು ಮಳೆ, ಬಿಸಿಲು, ಗಾಳಿ ಮು೦ತಾದ ನೈಸರ್ಗಿಕ ಕ್ರಿಯೆಗಳಿ೦ದ ಸುರಕ್ಷಿತವಾಗಿರಲು ಸ೦ಪೂರ್ಣ ರಕ್ಷಾಕವಚದ ಹೊದ್ದಿಕೆಯನ್ನು ಹೊ೦ದಿದ್ದು, ಈ ಪ್ರಯೋಗ ಜನಪ್ರಿಯವಾದರೆ ಆಶ್ಚರ್ಯಪಡಬೇಕಾಗಿಲ್ಲ.
Continue with Google