ಟೊಯೊಟಾ ಆಯ್ತು, ಈಗ ಫೋರ್ಡ್ ಸರದಿ- ರಿಕಾಲ್ ಪರ್ವ

ಎರಡು ಟ್ರಕ್ ಗಳಲ್ಲಿ ಬೆಂಕಿ ಕಾಣಿಸಿಕೊಂಡ ಹಿನ್ನಲೆಯಲ್ಲಿ ಫೋರ್ಡ್ ಈ ನಿರ್ಧಾರಕ್ಕೆ ಬಂದಿದೆ. ಆದರೆ ಮಾರುಕಟ್ಟೆಗೆ ಬಿಟ್ಟಿರುವ ನೂತನ ಮಾದರಿಗಳನ್ನು ಹಿಂಪಡೆಯಲಾಗುವುದಿಲ್ಲವೆಂದು ಕಂಪನಿ ತಿಳಿಸಿದ್ದು, ಸುಮಾರು 25 ಸಾವಿರದಷ್ಟು ಫೋರ್ಡ್ ರೇಂಜರ್ಸ್ ಟ್ರಕ್ ಗಳನ್ನು ವಾಪಸ್ಸು ಪಡೆಯಲಾಗುವುದಾಗಿ ಸ್ಪಷ್ಟಪಡಿಸಿದೆ. ಎಂಜಿನ್ ಸಾಧನವೊಂದಕ್ಕೆ ಕವರ್ ಮಾಡದೇ ಇರುವುದರಿಂದ ಅದು ಇಂಧನ ಲೀಕೆಜ್ ಆದಾಗ ಬೆಂಕಿ ಕಾಣಿಸಿಕೊಳ್ಳುತ್ತಿದೆ ಎಂದು ಕಂಪನಿ ತಿಳಿಸಿದೆ.

ಇದಕ್ಕೂ ಮುನ್ನ ಜಪಾನಿನ ಬೃಹತ್ ವಾಹನ ತಯಾರಿಕಾ ಕಂಪನಿ ಜಾಗತಿಕವಾಗಿ ಸುಮಾರು 90 ಲಕ್ಷ ವಾಹನಗಳನ್ನು ವಾಪಸ್ಸು ಪಡೆಯಲು ನಿರ್ಧರಿಸಿತ್ತು. 2009ರಿಂದ 2010ರ ಫೆಬ್ರವರಿವರೆಗೆ ಖರೀದಿಸಿದ ಕಂಪನಿಯ ವಾಹನಗಳ ಇಂಧನ ಪೈಪ್ ನಲ್ಲಿ ತೊಂದರೆ ಸರಿಪಡಿಸಲು ಕಂಪನಿ ಈ ನಿರ್ಧಾರಕ್ಕೆ ಬಂದಿತ್ತು. ಎಂಜಿನ್ ಸಮಸ್ಯೆಯ ಹಿನ್ನಲೆಯಲ್ಲಿ ಹೋಂಡಾ ಮೋಟರ್ಸ್ ಕೂಡ ತನ್ನ ಸಿಟಿ ಸೆಡಾನ್ ಕಾರ್ ಗಳನ್ನು ಹಿಂಪಡೆಯಲು ನಿರ್ಧರಿಸಿತ್ತು.