ಷೆವರ್ಲೆ ಮತ್ತೆ ದುಬಾರಿ, ಎರಡನೇ ಬಾರಿ ದರ ಹೆಚ್ಚಳ

ಅಂದಹಾಗೇ ಜನರಲ್ ಮೋಟರ್ಸ್ ಭಾರತದಲ್ಲಿ ದರ ಹೆಚ್ಚಿಸುತ್ತಿರುವುದು ಇದು ಎರಡನೇ ಬಾರಿ. ಪ್ರಸಕ್ತ ವರ್ಷದ ಜನವರಿಯಲ್ಲಿಯೇ ತನ್ನೆಲ್ಲ ಷೆವರ್ಲೆ ಬ್ರಾಂಡ್ ಗಳ ದರವನ್ನು ಶೇ. 2ರಷ್ಟು ಹೆಚ್ಚಿಸಿತ್ತು. "ಕಂಪನಿಯು ಈ ತಿಂಗಳ ಅಂತ್ಯದವರೆಗೆ ಕಾದು ನೋಡಲಿದ್ದು, ಕಚ್ಚಾ ವಸ್ತುಗಳ ದರ ಇಳಿಕೆ ಕಾಣದಿದ್ದರೆ ಮುಂದಿನ ತಿಂಗಳ ಆರಂಭದಲ್ಲಿಯೇ ವಾಹನ ದರಗಳನ್ನು ಹೆಚ್ಚಿಸಲಾಗುವುದು" ಎಂದು ಜನರಲ್ ಮೋಟರ್ಸ್ ಇಂಡಿಯಾ ಉಪಾಧ್ಯಕ್ಷ ಪಿ ಬಾಲೆಂದ್ರನ್ ಹೇಳಿದ್ದಾರೆ.

"ಲೋಹ ಮತ್ತು ರಬ್ಬರ್ ದರಗಳಿಂದು ಗಣನೀಯವಾಗಿ ಏರಿಕೆ ಕಾಣುತ್ತಿವೆ. ಹೀಗಾಗಿ ಎಲ್ಲ ವಾಹನ ಕಂಪನಿಗಳು ದರ ಹೆಚ್ಚಿಸುವ ಒತ್ತಡಕ್ಕೆ ಸಿಲುಕಿವೆ" ಎಂದಿದ್ದಾರೆ. ಈಗ ಕಂಪನಿಯು ಸುಮಾರು 8 ಷೆವರ್ಲೆ ಬ್ರಾಂಡ್ ಮಾರಾಟ ಮಾಡುತ್ತಿದೆ. ಷೆವರ್ಲೆ ಸ್ಪಾರ್ಕ್, ಆವಿಯೋ ಯುವಿಎ, ಆವಿಯೋ, ಆಪ್ಟ್ರಾ, ತವೆರಾ, ಕ್ಯಾಪ್ಟಿವಾ, ಕ್ರೂಝ್ ಮತ್ತು ಇತ್ತೀಚಿನ ಕಾಂಪ್ಯಾಕ್ಟ್ ಕಾರ್ ಬೀಟ್ ನ್ನು ಕಂಪನಿ ಮಾರಾಟ ಮಾಡುತ್ತಿದೆ. ಕಂಪನಿಯು ಶೀಘ್ರದಲ್ಲಿ ಐಕಾನಿಕ್ ಕ್ಯಾಡಿಲಾಕ್ ಕಾರನ್ನು ದೇಶಕ್ಕೆ ಪರಿಚಯಿಸಲಿದೆ.