ಭಾರತ ಮತ್ತು ಜಾಗತಿಕವಾಗಿ ಬಿಎಂಡಬ್ಲ್ಯು ಎರಡು ಕನಸು

ಬಿಎಂಡಬ್ಲ್ಯು ಕಳೆದ ವರ್ಷ ಸುಮಾರು 6,047 ಕೋಟಿ ಯುರೋ ಆದಾಯ ಗಳಿಸಿತ್ತು. ಇದೇ ಸಮಯದಲ್ಲಿ ಕಂಪನಿಯ ನಿವ್ವಳ ಲಾಭ 32.34 ಕೋಟಿ ಯುರೋ ಆಗಿತ್ತು. ಭಾರತದಲ್ಲಿ ಮಾರಾಟವಿನ್ನೂ ಕಡಿಮೆ ಮಟ್ಟದಲ್ಲಿರುವುದರಿಂದ ಇಲ್ಲಿ ಪೂರ್ಣಪ್ರಮಾಣದ ಘಟಕ ನಿರ್ಮಿಸಲು ಇನ್ನೊಂದಿಷ್ಟು ಸಮಯ ಬೇಕಾಗಬಹುದೆಂದು ಕಂಪನಿ ತಿಳಿಸಿದೆ.

"ಕಂಪನಿಯು 2010ರಲ್ಲಿ ಜಾಗತಿಕವಾಗಿ 14.6 ಲಕ್ಷ ವಾಹನ ಮಾರಾಟ ಮಾಡಿದೆ. ಈ ವರ್ಷ ಸುಮಾರು 15 ಲಕ್ಷ ವಾಹನ ಮಾರಾಟ ಮಾಡುವ ಗುರಿ ಹೊಂದಿದ್ದೇವೆ. ಬಿಎಂಡಬ್ಲ್ಯು, ಮಿನಿ ಮತ್ತು ರೋಲ್ಸ್ ರಾಯ್ಸ್ ಎಂಬ ಮೂರು ಬ್ರಾಂಡ್ ಮೂಲಕ ಕಂಪನಿಯು ಹೊಸ ದಾಖಲೆ ಮಾಡಲಿದೆ" ಎಂದು ಬಿಎಂಡಬ್ಲ್ಯು ಚೇರ್ಮನ್ ನೊಬಾರ್ಟ್ ರಿತೋಫರ್ ಹೇಳಿದ್ದಾರೆ. ಕಂಪನಿಯು ಕಳೆದ ವರ್ಷ ಸುಮಾರು 12.2 ಲಕ್ಷ ಬಿಎಂಡಬ್ಲ್ಯು, 2.3 ಲಕ್ಷ ಮಿನಿ ಕಾರ್ ಮತ್ತು 2,711 ರೋಲ್ಸ್ ರಾಯ್ಸ್ ಮಾದರಿಗಳನ್ನು ಮಾರಾಟ ಮಾಡಿತ್ತು.