ಜಪಾನಿನಲ್ಲಿ ಉತ್ಪಾದನೆ ಪುನಾರಂಭ; ಭಾರತದ ಕಂಪನಿಗಳು ನಿರಾಳ

ಈ ಕಂಪನಿಗಳು ಉತ್ಪಾದನೆ ನಿಲ್ಲಿಸಿದ್ದರಿಂದ ಭಾರತದ ವಾಹನ ಕಂಪನಿಗಳು ನೇರವಾಗಿ ತೊಂದರೆಗೊಳಗಾಗಿದ್ದವು. ಯಾಕೆಂದರೆ ಇಲ್ಲಿನ ಕಂಪನಿಗಳು ಬಿಡಿಭಾಗ ಇತ್ಯಾದಿಗಳಿಗೆ ತಮ್ಮ ಜಪಾನಿನ ಜಂಟಿ ಉದ್ಯಮಗಳನ್ನು ಅವಲಂಬಿಸಿದ್ದವು. ಮಾರ್ಚ್ 11ರಿಂದ ಬಾಗಿಲು ಹಾಕಿದ್ದ ತನ್ನ 7 ಘಟಕವನ್ನು ಈಗಷ್ಟೇ ತೆರೆದಿದೆ. ಉಳಿದ 21 ಘಟನವನ್ನು ಮಾರ್ಚ್ 22ರಂದು ತೆರೆಯಲು ನಿರ್ಧರಿಸಿದೆ.

ನಿಸ್ಸಾನ್ ಕೂಡ ತನ್ನ ಒಂದು ಘಟಕದ ಬಾಗಿಲನ್ನು ಇಂದು ತೆರೆದಿದೆ. ಇನ್ನೆರಡು ಘಟಕಗಳನ್ನು ಭಾನುವಾರ ತೆರೆಯಲು ನಿರ್ಧರಿಸಿದೆ. ಮತ್ತೊಂದು ಘಟಕದಲ್ಲಿ ಯಾವಾಗ ಮತ್ತೆ ಉತ್ಪಾದನೆ ಆರಂಭಿಸುವುದೆಂದು ನಿಸ್ಸಾನ್ ಇನ್ನೂ ತೀರ್ಮಾನಿಸಿಲ್ಲ. ಮಿತ್ಸುಬಿಸಿ ಕೂಡ ಜಪಾನ್ ಕೇಂದ್ರ ಭಾಗದ ಘಟಕ ಸೇರಿದಂತೆ ಮೂರು ಘಟಕದಲ್ಲಿ ಇಂದಿನಿಂದ ಉತ್ಪಾದನೆ ಪುನಾರಂಭಿಸಿದೆ. ಆದರೆ ಹೋಂಡಾ, ಸುಜುಕಿ ಮುಂತಾದ ಕಂಪನಿಗಳು ಇನ್ನೂ ಘಟಕದ ಬಾಗಿಲು ತೆರೆದಿಲ್ಲ. ಮಾರ್ಚ್ 20ರ ನಂತರ ಘಟಕದಲ್ಲಿ ಉತ್ಪಾದನೆ ಆರಂಭಿಸುವುದಾಗಿ ಹೋಂಡಾ ಮತ್ತು ಮಾಜ್ದಾ ಕಂಪನಿಗಳು ಹೇಳಿವೆ. ಸುಜುಕಿ ಈ ಕುರಿತು ಸೋಮವಾರ ನಿರ್ಧಾರ ತೆಗೆದುಕೊಳ್ಳಲಿದೆಯಂತೆ!