ದೀಪಿಕಾ ಪಡುಕೋಣೆ ಅನಾವರಣ ಮಾಡಿದ ಆಡಿ ಬ್ಯೂಟಿ

ಆಡಿ ಎ7 ಎಂಬುದು 5 ಡೋರಿನ ಸ್ಪೋರ್ಟ್ಸ್ ಕೂಪ್ ಆಗಿದ್ದು ಐಷಾರಾಮಿ ಮತ್ತು ಸ್ಪೋರ್ಟಿ ರೈಡ್ ಗೆ ಸೂಕ್ತವಾಗಿದೆ. ಇದರು 3.0 ಲೀಟರ್ ನ ಟಿಡಿಐ ಎಂಜಿನ್ ಹೊಂದಿದ್ದು ಸುಮಾರು 245 ಹಾರ್ಸ್ ಪವರ್ ನೀಡುತ್ತದೆ. ಎಸ್-ಟ್ರೊನಿಕ್ ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನ್ ಹೊಂದಿರುವ ನೂತನ ಕಾರನ್ನು ಲಕ್ಷುರಿ ಡ್ರೈವ್ ಗೆ ಪೂರಕವಾಗಿ ರೂಪಿಸಲಾಗಿದೆ. ಇದರ ಆರಂಭಿಕ ದರ 64 ಲಕ್ಷ ರೂ. ಆಗಿದೆ. ಮುಂದಿನ 30 ದಿನಗಳೊಳಗೆ ಈ ಕಾರು ದೇಶದ ಎಲ್ಲಾ ಶೋರೂಂಗಳಲ್ಲಿ ಲಭ್ಯವಿರುವ ನಿರೀಕ್ಷೆಯಿದೆ.

ಆರ್ಎಸ್5 ಎಂಬುದು ಎರಡು ಡೋರಿನ ಸ್ಪೋರ್ಟ್ಸ್ ಕೂಪಾಗಿದೆ. ಇದು 4.2 ಲೀಟರ್ ಪೆಟ್ರೊಲ್ ಎಂಜಿನ್ ಹೊಂದಿದ್ದು ಸುಮಾರು 450 ಹಾರ್ಸ್ ಪವರ್ ನೀಡುತ್ತದೆ. ಇದರ ಗರಿಷ್ಠ ವೇಗ ಪ್ರತಿಗಂಟೆಗೆ ಸುಮಾರು 280 ಕಿ.ಮೀ. ಆಗಿದೆ. ಆರ್ಎಸ್5 ಎಂಬುದು ಬಿಎಂಡಬ್ಲ್ಯು ಎಂ3 ಗೆ ಪೈಪೋಟಿ ನೀಡುವ ನಿರೀಕ್ಷೆಯಿದೆ. ಇದರ ದರ ಸುಮಾರು 76 ಲಕ್ಷ ರೂಪಾಯಿ.