ಜಾಗ್ವಾರ್ ಎಕ್ಸ್ಎಫ್ ಕಾರು ಬೇಕೆ? 35 ಲಕ್ಷ ರುಪಾಯಿ

2.2 ಲೀಟರ್ ಡೀಸಲ್ ಎಂಜಿನ್ ಹೊಂದಿರುವ ಈ ಕಾರು ಈಗಾಗಲೇ ಭಾರತದಲ್ಲಿ ಜನಪ್ರಿಯಗೊಂಡಿದೆ. ಯಾಕೆಂದರೆ ಲ್ಯಾಂಡ್ ರೋವರಿನ ಫ್ರೀಲಾಂಡರ್ 2 ಕಾರಿನಲ್ಲೂ ಇದೇ ಎಂಜಿನ್ ಇದೆ. ದೇಶದ ರಸ್ತೆಗೆ ಮುಂದಿನ ದಿನಗಳಲ್ಲಿ ಟಾಟಾ ಮೋಟರ್ಸ್ ಇನ್ನಷ್ಟು ಜಾಗ್ವಾರ್ ಲ್ಯಾಂಡ್ ರೋವರ್ ಕಾರುಗಳನ್ನು ಪರಿಚಯಿಸಲು ಯೋಜಿಸಿದೆ.

ಇದಕ್ಕೆ ಸದ್ಯ ರಸ್ತೆಯಲ್ಲಿ ಯಾವೆಲ್ಲ ಕಾರುಗಳು ಪೈಪೋಟಿ ನೀಡಲಿದೆ ಎಂಬುದನ್ನು ನೋಡೋಣ. ಬಿಎಂಡಬ್ಲ್ಯು ಈಗಾಗಲೇ ಬಿಎಂಡಬ್ಲ್ಯು 520ಡಿ ಕಾರುಗಳನ್ನು ಹೊರತಂದಿದೆ. ಎಫ್105 ಸೀರಿಸ್ ನಲ್ಲಿ ಇದು ಜನಪ್ರಿಯಗೊಂಡಿದೆ. 2 ಲೀಟರ್ ಎಂಜಿನ್ ನಲ್ಲಿ ಮರ್ಸಿಡಿಸ್ ಬೆಂಝ್ ಕೂಡ ಕಾರನ್ನು ಹೊರತರಲು ನಿರ್ಧರಿಸಿದೆ.

ನೂತನ ಜಾಗ್ವಾರ್ ಎಕ್ಸ್ಎಫ್ ಡೀಸಲ್ ಕಾರು ಮುಂದಿನ ವರ್ಷದ ಆರಂಭದಲ್ಲಿ ದೇಶದ ರಸ್ತೆಗಿಳಿಯಲಿದೆ. ಈ ಕಾರು 8 ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನ್ ಹೊಂದಿರಲಿದೆ. ಐಷಾರಾಮಿ ಕಾರುಗಳಲ್ಲಿ ದಾಖಲೆಯ ಮೈಲೇಜ್ ಹೊಂದಿರುವುದು ಈ ಕಾರಿನ ವಿಶೇಷ. ನಂಬಿದರೆ ನಂಬಿ ಈ ಕಾರು ಪ್ರತಿಲೀಟರ್ ಡೀಸಲ್ ಗೆ 19 ಕಿ.ಮೀ. ಮೈಲೇಜ್ ನೀಡುತ್ತದಂತೆ!