ನಿಸ್ಸಾನ್ ಸನ್ನಿ ಕಾರು ಬೇಕಾದವರೆಲ್ಲ ಬನ್ನಿ

ನಿಸ್ಸಾನ್ ಸನ್ನಿ ಕಾರು ಈಗಾಗಲೇ ವಿದೇಶಿ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ. ನೂತನ ಕಾರು ದೇಶದ ರಸ್ತೆಯಲ್ಲಿರುವ ಎ3 ಸೆಗ್ಮೆಂಟ್ ಜೊತೆ ಸೇರಲಿದೆ. ಅಂದ್ರೆ ಫೋಕ್ಸ್ ವ್ಯಾಗನ್ ವೆಂಟೊ, ಮಹೀಂದ್ರ ವೆರಿಟೊ, ಮಾರುತಿ ಸುಜುಕಿ ಎಸ್ಎಕ್ಸ್4, ಹ್ಯುಂಡೈ ವೆರ್ನಾ, ಫಿಯೆಟ್ ಲಿನಿಯಾ ಮತ್ತು ಹೋಂಡಾ ಸಿಟಿಯೊಂದಿಗೆ ಸ್ಪರ್ಧಿಸಲಿದೆ.

ನೂತನ ನಿಸ್ಸಾನ್ ಸೆಡಾನ್ ದರ ಸುಮಾರು 7.25 ಲಕ್ಷ ರು. ಇರುವ ನಿರೀಕ್ಷೆಯಿದೆ. ಇದು ದೇಶದ ರಸ್ತೆಗೆ ಕಂಪನಿ ಮೊದಲ ಮಧ್ಯಮ ಗಾತ್ರದ ಕಾರಾಗಿದೆ. ಕಂಪನಿಯು ಸದ್ಯ ದೇಶದಲ್ಲಿ ಸಣ್ಣ ಕಾರು ನಿಸ್ಸಾನ್ ಮೈಕ್ತಾ ಮತ್ತು ಐಷಾರಾಮಿ ಸೆಡಾನ್ ಕಾರು ಟಿನಾ ಕಾರುಗಳನ್ನು ಮಾರಾಟ ಮಾಡುತ್ತಿದೆ. ಇವೆರಡು ಕಾರುಗಳ ನಡುವೆ ನೂತನ ಸನ್ನಿ ಬಂದು ಕುಳಿತುಕೊಳ್ಳಲಿದೆ.

ನೂತನ ಕಾರನ್ನು ಕಂಪನಿಯು ಚೆನ್ನೈ ಘಟಕದಲ್ಲಿ ಉತ್ಪಾದಿಸಲಿದೆ. ಸನ್ನಿ ಪೆಟ್ರೊಲ್ ಮತ್ತು ಡೀಸಲ್ ಆವೃತ್ತಿಗಳಲ್ಲಿ ದೊರಕಲಿದೆ. ಇವೆರಡು ಕಾರುಗಳು ಕ್ರಮವಾಗಿ 110 ಮತ್ತು 85 ಹಾರ್ಸ್ ಪವರ್ ನೀಡಲಿದೆ.