ಹಳೆಯ ಕಾರುಗಳನ್ನು ರಿಸೈಕಲ್ ಮಾಡಲೊಂದು ಘಟಕ

ಆದರೆ ಹಳೆಯ ಕಾರುಗಳಲ್ಲಿರುವ ಲೋಹ, ಪ್ಲಾಸ್ಟಿಕ್, ಅಲ್ಯುಮಿನಿಯಂ ಇತ್ಯಾದಿಗಳನ್ನು ಸಂಸ್ಕರಿಸಿ ಮರುಬಳಕೆ ಮಾಡಬಹುದು. ಹಳೆಯ ಕಾರನ್ನು ರಿಸೈಕಲ್ ಮಾಡುವ ನೂತನ ಘಟಕ ಚೆನ್ನೈನಲ್ಲಿ ಆರಂಭವಾಗಿದೆ ಎಂದು ದೇಶದ ವಾಹನ ತಯಾರಿಕರ ಒಕ್ಕೂಟ(ಎಸ್ಐಎಎಂ) ಹೇಳಿದೆ. ಈ ಘಟಕ ಆಗಸ್ಟ್ 2ರಂದು ಆರಂಭವಾಗಿದೆ.

ಹಳೆಯ ಕಾರುಗಳನ್ನು ಸಂಸ್ಕರಿಸಿ ಅದರಲ್ಲಿರುವ ಕಚ್ಚಾ ವಸ್ತುಗಳನ್ನು ಬೇರ್ಪಡಿಸಲಾಗುತ್ತದೆ. ಇದು ವಾಹನೋದ್ಯಮದ ಪ್ರಗತಿಗೆ ನೆರವಾಗಲಿದೆ ಎಂದು ಎಸ್ಐಎಎಂ ಹೇಳಿದೆ. ಈ ಘಟಕವನ್ನು ಗ್ಲೋಬಲ್ ಆಟೋಮೊಟಿವ್ ರಿಸರ್ಚ್ ನೆರವಿನಿಂದ ಭಾರಿ ಉದ್ಯಮಗಳ ಸಚಿವಾಲಯವು ನಿರ್ಮಿಸಿದೆ. ಈ ಘಟಕ ಚೆನ್ನೈನ ಒರಗದಾಮ್ ನಲ್ಲಿದೆ.

"ಈ ಘಟಕದಲ್ಲಿ ಹಳೆಯ ಕಾರುಗಳನ್ನು ರಿಸೈಕಲಿಂಗ್ ಮಾಡುವುದರಿಂದ ವಾಹನ ಕ್ಷೇತ್ರ ಪ್ರಗತಿ ಕಾಣಲಿದೆ. 2020ರ ವೇಳೆಗೆ ಈ ಘಟಕದಿಂದ 15 ಲಕ್ಷ ಟನ್ ಸ್ಟ್ರೀಲ್ ಸ್ಕ್ರಾಪ್, 1,80,000 ಟನ್ ಅಲ್ಯುಮಿನಿಯಂ ಸ್ಕ್ರಾಪ್ ಮತ್ತು 75 ಸಾವಿರ ಬಳಕೆಗೆ ಯೋಗ್ಯವಾದ ಪ್ಲಾಸ್ಟಿಕ್ ಮತ್ತು ರಬ್ಬರ್ ಸ್ಕ್ರಾಪ್ ಗಳನ್ನು ಪಡೆಯುವ ನಿರೀಕ್ಷೆಯಿದೆ" ಎಂದು ಎಸ್ಎಐಎಂ ಹೇಳಿದೆ.