266 ಕೋಟಿ ರು. ತೆರಿಗೆ ವಂಚನೆ ಆರೋಪ ಹ್ಯುಂಡೈಗೆ ಶೋಕಾಸ್

"ಹ್ಯುಂಡೈ ಮೋಟರ್ ನ ಭಾರತೀಯ ಅಂಗಸಂಸ್ಥೆ 2005ರಿಂದ 2010ರ ಅವಧಿಯಲ್ಲಿ ಸುಮಾರು 266 ಕೋಟಿ ರುಪಾಯಿ ತೆರಿಗೆ ವಂಚಿಸಿದೆ. ಈ ಕುರಿತು ಕಂಪನಿಗೆ ಶೋಕಾಸ್ ನೋಟಿಸ್ ಕಳುಹಿಸಲಾಗಿದೆ. ಕಂಪನಿಯು ಶೀಘ್ರದಲ್ಲಿ ಪ್ರತ್ಯುತ್ತರ ನೀಡುವ ನಿರೀಕ್ಷೆಯಲ್ಲಿದ್ದೇವೆ" ಎಂದು ಡಿಆರ್ಐ ಹೆಚ್ಚುವರಿ ಪ್ರಧಾನ ನಿರ್ದೇಶಕ ಎಸ್ ರಾಜನ್ ಹೇಳಿದ್ದಾರೆ.

ಈ ಕುರಿತು ಕಂಪನಿಯು ನೀಡಿದ ಪ್ರಕಟಣೆ ಇಂತಿದೆ. "ಹ್ಯುಂಡೈ ಮೋಟರ್ ಇಂಡಿಯಾ ಲಿಮೆಟೆಡ್ ತೆರಿಗೆ ವಂಚನೆ ಆರೋಪವನ್ನು ನಿರಾಕರಿಸುತ್ತದೆ. ಹ್ಯುಂಡೈನ ಎಲ್ಲಾ ವ್ಯವಹಾರ ಮೌಲ್ಯಯುತವಾಗಿದೆ. ಇಲ್ಲಿ ವಂಚನೆ ನಡೆದಿರುವ ಸಾಧ್ಯತೆಯೇ ಇಲ್ಲ. ಕಂಪನಿಯು ಕಾನೂನು ಹಾದಿಯಲ್ಲಿ ಇದಕ್ಕೆ ಪ್ರತಿಕ್ರಿಯಿಸಲಿದೆ" ಎಂದು ಪ್ರಕಟಿಸಿದೆ.