ಟೊಯೊಟಾ ಮಾರಾಟ ಶೇ. 84ರಷ್ಟು ಹೆಚ್ಚಳ

"ಕಂಪನಿಯ ಫ್ಲಾಗ್ ಷಿಪ್ ಆವೃತ್ತಿಗಳಾದ ಇನ್ನೋವಾ, ಎಟಿಯೋಸ್ ಮತ್ತು ಎಟಿಯೋಸ್ ಲಿವಾ ನೇತೃತ್ವದಲ್ಲಿ ಕಂಪನಿಯ ಮಾರಾಟ ಹೆಚ್ಚಳವಾಗಿದೆ" ಎಂದು ಟೊಯೊಟಾ ಕಿರ್ಲೊಸ್ಕರ್ ಮೊಟರ್ ನ ಮಾರುಕಟ್ಟೆ ವಿಭಾಗದ ಎಂಡಿ ಸಂದೀಪ್ ಸಿಂಗ್ ಹೇಳಿದ್ದಾರೆ.

ಕಳೆದ ತಿಂಗಳು ಕಂಪನಿಯು 4,305 ಯೂನಿಟ್ ಇನ್ನೋವಾ ಕಾರುಗಳನ್ನು ಮಾರಾಟ ಮಾಡಿತ್ತು. 2,824 ಯೂನಿಟ್ ಎಟಿಯೋಸ್ ಲಿವಾ ಮತ್ತು 2,710 ಎಟಿಯೋಸ್ ಸೆಡಾನ್ ಕಾರುಗಳು ಆಗಸ್ಟ್ ನಲ್ಲಿ ಮಾರಾಟವಾಗಿವೆ.

ಉಳಿದಂತೆ 913 ಯೂನಿಟ್ ಕೊರೊಲಾ ಆಲ್ಟಿಸ್, 897 ಫಾರ್ಚ್ಯುನರ್, 35 ಯೂನಿಟ್ ಕ್ಯಾಮ್ರಿ, 7 ಯೂನಿಟ್ ಪ್ರಾಡೊ ಮತ್ತು ತಲಾ ಒಂದೊಂದು ಲ್ಯಾಂಡ್ ಕ್ರೂಸರ್, ಪ್ರಿಯೂಸ್ ಕಾರುಗಳನ್ನು ಕಳೆದ ತಿಂಗಳು ಮಾರಾಟ ಮಾಡಿತ್ತು. ಇನ್ನು ಮುಂದಿನ ಹಬ್ಬದ ಸೀಸನಿನಲ್ಲಿ ಕಂಪನಿಯ ಕಾರು ಮಾರಾಟ ಇನ್ನಷ್ಟು ಪ್ರಗತಿ ಕಾಣುವ ನಿರೀಕ್ಷೆಯನ್ನು ಸಿಂಗ್ ವ್ಯಕ್ತಪಡಿಸಿದ್ದಾರೆ.