ಆಡಿಯಲ್ಲಿ 600 ಉದ್ಯೋಗ: ಇನ್ನಷ್ಟು ಶೋರೂಂ

ಇದೀಗ ಕಂಪನಿಯು 2012ರ ಅಂತ್ಯದ ಒಳಗೆ ಭಾರತದಲ್ಲಿ ಸುಮಾರು 600 ಹೊಸ ಉದ್ಯೋಗ ಸೃಷ್ಟಿಸುವುದಾಗಿ ಹೇಳಿದೆ. ಜೊತೆಗೆ ಕಂಪನಿಯ ಡೀಲರ್ ನೆಟ್ ವರ್ಕ್ ಸಂಖ್ಯೆಯನ್ನು 25ಕ್ಕೆ ತಲುಪಿಸುವ ಯೋಜನೆಯೂ ಕಂಪನಿಗಿದೆ.

ಆಡಿ ಕಂಪನಿಗೆ ಭಾರತವು ವೇಗವಾಗಿ ಅಭಿವೃದ್ಧಿಕಾಣುತ್ತಿರುವ ಮಾರುಕಟ್ಟೆಯಾಗಿ ಹೊರಹೊಮ್ಮಿದೆ. ಕಂಪನಿಯು ಈ ವರ್ಷ ಶೇಕಡ 95ರಷ್ಟು ಮಾರಾಟವನ್ನು ಹೆಚ್ಚಿಸಿಕೊಂಡಿದೆ. ಪ್ರಸಕ್ತ ವರ್ಷದ ಅಂತ್ಯಕ್ಕೆ ಇಲ್ಲಿ ಸುಮಾರು 5 ಸಾವಿರ ಕಾರುಗಳನ್ನು ಮಾರಾಟ ಮಾಡುವ ಗುರಿಯನ್ನು ಕಮಪನಿ ಹೊಂದಿದೆ.

ಹೊಸ ಉದ್ಯೋಗ ಸೃಷ್ಟಿಯ ಕುರಿತು ಕಂಪನಿಯ ಮುಖ್ಯಸ್ಥರಾದ ಮೈಕಲ್ ಪಾರ್ಷ್ಕೆ ಮಾಹಿತಿ ನೀಡಿದ್ದಾರೆ. "2012ಕ್ಕೆ ನಾವು ಒಟ್ಟು 600 ಹೊಸ ಉದ್ಯೋಗ ಸೃಷ್ಟಿಸಲಿದ್ದೇವೆ ಮತ್ತು ಡೀಲರ್ಷಿಪ್ ಸಂಖ್ಯೆಯನ್ನು 25ಕ್ಕೆ ಮುಟ್ಟಿಸಲಿದ್ದೇವೆ. ಜೊತೆಗೆ ಮುಂದಿನ ವರ್ಷದ ಮೂರನೇ ತ್ರೈಮಾಸಿಕದಲ್ಲಿ ಹೊಸ ಕಾರು ಹೊರತರುವ ಯೋಜನೆಯೂ ಇದೆ" ಎಂದು ಅವರು ಹೇಳಿದ್ದಾರೆ.