ಹೋಂಡಾ 3.47 ಲಕ್ಷ ಕಾರುಗಳ ಹಿಂಪಡೆತ

2009ರಿಂದ 2011ರವರೆಗೆ ಉತ್ಪಾದಿಸಿದ ಲಿಂಕೊನ್ ಮತ್ತು ಅಲಬಾಮ ಮಾಡೆಲ್ ಗಳನ್ನು ಕಂಪನಿ ವಾಪಸ್ ಪಡೆಯಲಿದೆ. ಬೆಲ್ಟ್ ಹುಕ್ ಬಿಚ್ಚುವುದರಿಂದ ಅಪಘಾತವಾದರೆ ಹೆಚ್ಚು ಅಪಾಯ ಸಂಭವಿಸಬಹುದು ಎಂಬುದೇ ಕಾರು ವಾಪಸ್ ಪಡೆಯಲು ಕಾರಣವಾಗಿದೆ.

ಇದಕ್ಕಾಗಿ ಕಂಪನಿಯು ಪೈಲಟ್ ಸ್ಪೋರ್ಟ್ಸ್ ಯುಟಿಲಿಟಿ ವೆಹಿಕಲ್ ಗಳನ್ನು ಹೊಂದಿರುವರಿಗೆ ನೇರವಾಗಿ ಪತ್ರ ಬರೆದಿದೆ. ಕಂಪನಿಯು ಅಮೆರಿಕದಲ್ಲಿ ಸುಮಾರು 3 ಲಕ್ಷದಷ್ಟು ಪೈಲಟ್ ಕಾರುಗಳನ್ನು ಮಾರಾಟ ಮಾಡಿದೆ. 10 ಸಾವಿರದಷ್ಟು ಕೆನಡಾದಲ್ಲಿ, 8 ಸಾವಿರದಷ್ಟು ಕಾರುಗಳನ್ನು ಮೆಕ್ಸಿಕೊದಲ್ಲಿ ಮತ್ತು ಉಳಿದ ಕಾರುಗಳನ್ನು ಉಳಿದ ದೇಶದಲ್ಲಿ ಮಾರಾಟ ಮಾಡಿದೆ.

ಕಳೆದ ತಿಂಗಳು ಅಂದರೆ ಆಗಸ್ಟ್ ನಲ್ಲಿ ಕಂಪನಿಯು ಸುಮಾರು 25 ಲಕ್ಷ ಕಾರುಗಳನ್ನು ಹಿಂಪಡೆದಿತ್ತು. ಸಣ್ಣ ಸ್ಪೋರ್ಟ್ಸ್ ಯುಟಿಲಿಟಿ ವೆಹಿಕಲ್ ಮತ್ತು ಮಿನಿ ವ್ಯಾನ್ ಗಳನ್ನು ಈ ಸಂದರ್ಭದಲ್ಲಿ ವಾಪಸ್ ಪಡೆಯಲಾಗಿತ್ತು.