ಉದ್ಯೋಗ ಕಡಿತ ಮಾಡುತ್ತಿದೆಯೇ ಮಾರುತಿ?

ಇದರೊಂದಿಗೆ ಕಾರಿನ ಬೇಡಿಕೆಯು ನಿಧಾನವಾಗಿ ಏರಿಕೆ ಕಾಣುತ್ತಿದೆ. ಇದು ಕಂಪನಿಯ ಮುಂದಿನ ವರ್ಷದ ಲಾಭ ಮತ್ತು ಆದಾಯದ ಮೇಲೆ ಪರಿಣಾಮ ಬೀರಲಿದೆ. ಇದೇ ಕಾರಣದಿಂದ ಕಂಪನಿಯು ಉತ್ಪಾದನಾ ಪ್ರಮಾಣ ಕಡಿಮೆಯಾಗಿರುವುದಕ್ಕೆ ಸರಿದೂಗಿಸಲು ವೆಚ್ಚ ಕಡಿತ ಮಾಡುವ ನಿರೀಕ್ಷೆಯಿದೆ ಎಂದು ವಿಶ್ಲೇಷಕರು ಹೇಳುತ್ತಾರೆ.

ಸಿಬ್ಬಂದಿಗಳ ವಿರುದ್ಧ ಕಂಪನಿ ಕಠಿಣ ನಿಲುವು ಹೊಂದಿರುವುದು ಕೂಡ ಸಿಬ್ಬಂದಿ ಕಡಿತದ ಒಂದು ಭಾಗವೆಂದು ಅಭಿಪ್ರಾಯಪಡಲಾಗಿದೆ. ನಿಮಗಿಷ್ಟವಿದ್ದರೆ ಅಗ್ರಿಮೆಂಟಿಗೆ ಸಹಿ ಹಾಕಿ, ಕೆಲಸ ಮಾಡಿ. ಇಲ್ಲವಾದರೆ ಮನೆಗೆ ಹೋಗಿ ಎಂಬ ನಿಲುವು ಕಂಪನಿಯದ್ದು. ಎಲ್ಲಾ ನೌಕರರು ಉತ್ತಮ ನಡತೆ ಅಗ್ರಿಮೆಂಟಿಗೆ ಸಹಿ ಹಾಕದಿರುವ ನಿರೀಕ್ಷೆಯಿದೆ. ಇದರಿಂದ ಕಂಪನಿಯು ಒಂದೇ ಏಟಿಗೆ ಎರಡು ಲಾಭ ಪಡೆಯಲಿದೆ.

ಮಾರುತಿ ಸುಜುಕಿ ಮಾತ್ರವಲ್ಲದೇ ಹೆಚ್ಚಿನ ಕಂಪನಿಗಳು ಕಾರು ಉತ್ಪಾದನೆ ತಗ್ಗಿಸುತ್ತಿವೆ. ಮಾರಾಟ ಪ್ರಮಾಣ ಇಳಿಕೆ ಕಾಣುತ್ತಿರುವುದರಿಂದ ಈ ಕ್ರಮಕ್ಕೆ ಕಂಪನಿಗಳು ಮುಂದಾಗಿವೆ. ಮಾರುತಿ ಸುಜುಕಿ ಮಾನೆಸರ್ ಘಟಕದಲ್ಲಿನ ಉದ್ಯೋಗ ಕಡಿತವು ವಾಹನ ಕಂಪನಿಗಳ ಉದ್ಯೋಗ ಕಡಿತ ಪ್ರಕ್ರಿಯೆಗೆ ಮುನ್ನುಡಿಯಾಗಬಹುದು ಎಂಬ ಆತಂಕವನ್ನು ವಿಶ್ಲೇಷಕರು ವ್ಯಕ್ತಪಡಿಸುತ್ತಾರೆ.