ಹೋಂಡಾ ಬ್ರಿಯೊ ರಸ್ತೆಗೆ, ದರ 3.95 ಲಕ್ಷ ರು.

"ನೂತನ ಬ್ರಿಯೊ ಕಾರನ್ನು ದೇಶದ ಮಾರುಕಟ್ಟೆಗೆ ಸೂಕ್ತವಾಗಿ ವಿನ್ಯಾಸ ಮತ್ತು ಅಭಿವೃದ್ಧಿಮಾಡಲಾಗಿದೆ. ಭಾರತದ ಸಣ್ಣಕಾರು ಮಾರುಕಟ್ಟೆ ವೇಗವಾಗಿ ಪ್ರಗತಿ ಕಾಣುತ್ತಿದೆ. ನೂತನ ಬ್ರಿಯೊ ಕಾರು ಯುವ ಪೀಳಿಗೆಯನ್ನು ಹೆಚ್ಚು ಸೆಳೆಯಲಿದೆ" ಎಂದು ಹೋಂಡಾ ಸಿಯೆಲ್ ಕಾರ್ ಇಂಡಿಯಾ ಅಧ್ಯಕ್ಷ ಮತ್ತು ಮುಖ್ಯಕಾರ್ಯನಿರ್ವಹಣಾಧಿಕಾರಿ ಟಕಾಶಿ ನಗೈ ಹೇಳಿದ್ದಾರೆ.

ನೂತನ ಬ್ರಿಯೊ ಇಂಟಿರಿಯರ್ ಇಷ್ಟವಾಗುತ್ತದೆ. ಗ್ರಾಹಕರಿಗೆ ಇದು ಪ್ರೀಮಿಯಂ ಕಾರಿನಂತೆ ಗೋಚರಿಸುತ್ತದೆ. ಇದರ ಆಡಿಯೋ ಸಿಸ್ಟಮ್ ಎಕ್ಸ್ ಕ್ಲೂಸಿವ್ ಆಗಿದೆ. ಕಾರಿನಲ್ಲಿರುವ ಯುಎಸ್ ಬಿ, ಐಪ್ಯಾಡ್ ಇತ್ಯಾದಿಗಳು ಗ್ರಾಹಕರಿಗೆ ಇಷ್ಟವಾಗುವಂತಿವೆ.

ಉಳಿದಂತೆ ಎದುರು ಮತ್ತು ಹಿಂಭಾಗದ ಸೀಟುಗಳು ಕಂಫರ್ಟ್ ಆಗಿವೆ. ಪವರ್ ಸ್ಟೇರಿಂಗ್ ಮತ್ತು 4.5 ಮೀಟರ್ ಟರ್ನಿಂಗ್ ಸ್ಟೇರಿಂಗ್ ನಿಂದಾಗಿ ನಗರದ ಟ್ರಾಫಿಕ್ ನಲ್ಲಿ ಸುಲಭವಾಗಿ ಚಾಲನೆ ಮಾಡಬಹುದಾಗಿದೆ. ಇದು ನಿಜಕ್ಕೂ ಪರಿಪೂರ್ಣ ಫ್ಯಾಮಿಲಿ ಕಾರು.