ಅಶೋಕ್ ಲೇಲ್ಯಾಂಡ್ ಹೊರತರಲಿದೆ ಎಲೆಕ್ಟ್ರಿಕ್ ಬಸ್, ಟ್ರಕ್

"ಹಗುರ, ಮಧ್ಯಮ ಮತ್ತು ಭಾರಿ ವಾಹನ ವಿಭಾಗದಲ್ಲಿ ಎಲೆಕ್ಟ್ರಿಕ್ ತಂತ್ರಜ್ಞಾನ ಪರಿಚಯಿಸುವ ಕುರಿತು ಯೋಚಿಸುತ್ತಿದ್ದೇವೆ. ಕಂಪನಿಯು ಮುಂದಿನ ದಿನಗಳಲ್ಲಿ ಇಂಧನ ದಕ್ಷತೆಯ ವಾಹನಗಳಿಗೆ ಹೆಚ್ಚಿನ ಒತ್ತು ನೀಡಲಿದೆ" ಎಂದು ಹಿಂದೂಜಾ ಆಟೊಮೋಟಿವ್ ಉಪಾಧ್ಯಕ್ಷ ಡಾ. ವಿ ಸುಮಂತ್ರನ್ ಹೇಳಿದ್ದಾರೆ. ಅವರು ಹದಿನಾರನೇ ಏಷ್ಯಾ ಫೆಸಿಫಿಕ್ ಆಟೋ ಕಾನ್ಫರೆನ್ಸ್ ನಲ್ಲಿ ಮಾತನಾಡುತ್ತಿದ್ದರು.

ಕಂಪನಿಯು ಇತ್ತೀಚೆಗೆ ಹೊರತಂದ ಹಗುರ ವಾಣಿಜ್ಯ ವಾಹನ ದೋಸ್ತ್ ಗೂ ಎಲೆಕ್ಟ್ರಿಕ್ ತಂತ್ರಜ್ಞಾನ ಅಳವಡಿಸಲಾಗುವುದು ಎಂದು ಅವರು ಹೇಳಿದ್ದಾರೆ. ಆದರೆ ಎಲೆಕ್ಟ್ರಿಕ್ ತಂತ್ರಜ್ಞಾನದಲ್ಲಿ ಇನ್ನಷ್ಟು ಅಭಿವೃದ್ಧಿಯಾಗಬೇಕು ಅನ್ನೋದನ್ನು ಹೇಳಲು ಸುಮಂತ್ರನ್ ಮರೆಯಲಿಲ್ಲ. ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳಿಗೆ ಉತ್ತಮ ಭವಿಷ್ಯವಿದೆ ಎಂದು ಅವರು ಹೇಳಿದ್ದಾರೆ.