ಮರ್ಸಿಡಿಸ್ ಕಾರುಗಳಿನ್ನು ಬಾಡಿಗೆಗೆ ದೊರೆಯುತ್ತವೆ!!

ಕಂಪನಿಯು ಇಂದು ಹೊಸ ಹಣಕಾಸು ಸೇವಾ ಸಂಸ್ಥೆಯೊಂದನ್ನು ಆರಂಭಿಸಿದೆ. ಈ ಸಂದರ್ಭದಲ್ಲಿ ದೇಶದಲ್ಲಿ ಬಾಡಿಗೆಗೆ ಮರ್ಸಿಡಿಸ್ ಕಾರುಗಳನ್ನು ನೀಡುವ ವಹಿವಾಟಿಗೆ ಪ್ರವೇಶಿಸುವ ಇಂಗಿತವನ್ನು ಪ್ರಕಟಿಸಿದೆ.

"ನಾವು ಸದ್ಯ ದೇಶದ ಮಾರುಕಟ್ಟೆಯನ್ನು ಅಧ್ಯಯನ ಮಾಡುತ್ತಿದ್ದೇವೆ. ಮುಂದಿನ ಕೆಲವೇ ವಾರಗಳಲ್ಲಿ ಭೋಗ್ಯ ಅಥವಾ ಬಾಡಿಗೆಗೆ ಮರ್ಸಿಡಿಸ್ ಕಾರುಗಳನ್ನು ನೀಡುವ ಕುರಿತು ಔಪಚಾರಿಕವಾಗಿ ಪ್ರಕಟಿಸಲಿದ್ದೇವೆ" ಎಂದು ಮರ್ಸಿಡಿಸ್ ಬೆಂಝ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಪೀಟರ್ ಹೊನೆಂಗ್ ಹೇಳಿದ್ದಾರೆ.

ದೇಶದ ಮಾರುಕಟ್ಟೆಯಲ್ಲಿ ಲಕ್ಷುರಿ ಕಾರುಗಳನ್ನು ಭೋಗ್ಯಕ್ಕೆ ನೀಡುವ ವಹಿವಾಟು ಹೊಸತು. ಮರ್ಸಿಡಿಸ್ ಬೆಂಝ್ ಫಿನಾನ್ಸಿಯಲ್ ಸರ್ವಿಸ್ ಮೂಲಕ ಕೆಲವೇ ವಾರದಲ್ಲಿ ಗ್ರಾಹಕರು ಕಾರುಗಳನ್ನು ಪಡೆಯಬಹುದು ಎಂದು ಕಂಪನಿ ಹೇಳಿದೆ.