2012 ಕಾರು: ಷೆವರ್ಲೆ ಸೇಲ್ ಸ್ವಾಗತಕ್ಕೆ ತಳಿರುತೋರಣ

ಆದರೆ ಹೆಚ್ಚಿನ ಕಂಪನಿಗಳು 2012ರ ಕುರಿತು ಹೆಚ್ಚು ಆಶಾದಾಯಕತೆ ಹೊಂದಿವೆ. ಹತ್ತು ಹಲವು ಕಾರುಗಳು ದೇಶದ ರಸ್ತೆಗಿಳಿಯಲು ರೆಡಿಯಾಗಿವೆ. ವಾಹನಪ್ರೀಯರಲ್ಲಿ ಈಗಾಗಲೇ ನಿರೀಕ್ಷೆಗಳು ಗರಿಗೆದರಿವೆ. 2012ರಲ್ಲಿ ರಸ್ತೆಗಿಳಿಯಲಿರುವ ಮಧ್ಯಮಗಾತ್ರದ ಕಾರುಗಳ ಕುರಿತು ಇಲ್ಲಿ ಮಾಹಿತಿ ನೀಡಲಾಗಿದೆ.

ಷೆವರ್ಲೆ ಸೇಲ್: ಜನರಲ್ ಮೋಟರ್ಸ್ ಕಂಪನಿಯ ಷೆವರ್ಲ್ ಕಾರು ಬ್ರಾಂಡು ಪ್ರೇಮಿಗಳಿಗೆ ಇದು ಸಿಹಿ ಸುದ್ದಿ. ಕಂಪನಿಯು ಷೆವರ್ಲೆ ಸೇಲ್ ಎಂಬ ಮಧ್ಯಮಗಾತ್ರದ ಸೆಡಾನ್ ಕಾರನ್ನು ರಸ್ತೆಗಿಳಿಸಲು ಯೋಜಿಸಿದೆ. ದೇಶದ ರಸ್ತೆಗೆ ಪೂರಕವಾಗಿರುವ ಈ ಸೇಲ್ ಕಾರು ಕಂಪನಿಯ ಕಾರು ಮಾರಾಟ ಅಥವಾ ಸೇಲ್ ಹೆಚ್ಚಿಸುವುದೇ ಕಾದುನೋಡಬೇಕಿದೆ.

ಸೇಲ್ ಸೆಡಾನ್ ಕಾರು 1.4 ಲೀಟರ್ ಪೆಟ್ರೋಲ್ ಮತ್ತು 1.3 ಲೀಟರ್ ಡೀಸೆಲ್ ಎಂಜಿನ್ ಆಯ್ಕೆಯಲ್ಲಿ ರಸ್ತೆಗಿಳಿಯಲಿದೆ. ಕಂಪನಿಯು ಅಧಿಕೃತವಾಗಿ ಸೇಲ್ ದರ ಪ್ರಕಟಿಸಿಲ್ಲ. ಒಂದು ಮೂಲದ ಪ್ರಕಾರ ಇದರ ದರ ಸುಮಾರು 5.70 ಲಕ್ಷ ರುಪಾಯಿಯಿಂದ 7.5 ಲಕ್ಷ ರುಪಾಯಿವರೆಗಿರಲಿದೆಯಂತೆ.

ಷೆವರ್ಲೆ ಸೇಲ್ ಕಾರು ದೇಶದ ರಸ್ತೆಯಲ್ಲಿರುವ ಇತರ ಕಾಂಪ್ಯಾಕ್ಟ್ ಸೆಡಾನ್ ಗಳಾದ ಮಾರುತಿ ಸುಜುಕಿ ಡಿಜೈರ್, ಮಹೀಂದ್ರ ವೆರಿಟೊ, ಟಾಟಾ ಮಾಂಝಾ ಮತ್ತು ಟೊಯೊಟಾ ಎಟಿಯೋಸ್ ಕಾರುಗಳಿಗೆ ಪೈಪೋಟಿ ನೀಡುವ ನಿರೀಕ್ಷೆಯಿದೆ.

ಮಾರುತಿ ಸುಜುಕಿಯ ಕಾರೊಂದು 2012ರಲ್ಲಿ ರಸ್ತೆಗಿಳಿಯಲಿದೆ. ಅದ್ಯಾವುದು ಅನ್ನೋ ಕುತೂಹಲವಿದ್ದವರನ್ನು ಮುಂದಿನ ಪುಟ ಕಾಯುತ್ತಿದೆ.