ಬ್ರಿಯೊ, ಸಿಟಿ, ಜಾಝ್ ಕಾರುಗಳಿಗೆ ಚೈನಿಸ್ ಬಿಡಿಭಾಗ

ಈ ಎಲ್ಲಾ ಹಿನ್ನಲೆಯಲ್ಲಿ ಬ್ರಿಯೊ ಕಾರಿನ ಉತ್ಪಾದನೆಯನ್ನು ಸ್ಥಗಿತಗೊಳಿಸುವುದಾಗಿ ಹೋಂಡಾ ಕಳೆದ ವಾರ ಪ್ರಕಟಿಸಿತ್ತು. ಆದರೆ ಕಂಪನಿಯು ಬ್ರಿಯೊ ಬುಕ್ಕಿಂಗ್ ನಿಲ್ಲಿಸಿಲ್ಲ. ಇದೀಗ ಕಂಪನಿಯು ಬಿಡಿಭಾಗಗಳನ್ನು ಚೈನಾದಿಂದ ಪಡೆಯಲು ನಿರ್ಧರಿಸಿದೆ.

ಹೋಂಡಾ ಸಿಯೆಲ್ ಕಾರ್ಸ್ ಇಂಡಿಯಾ ಶೀಘ್ರದಲ್ಲಿ ಬಿಡಿಭಾಗಗಳನ್ನು ಚೀನಾದಿಂದ ಆಮದು ಮಾಡಿಕೊಳ್ಳಲಿದೆ. ಕಂಪನಿಯು ಚೀನಾದಲ್ಲೂ ವಹಿವಾಟು ಹೊಂದಿದೆ. ಆದರೆ ಅಲ್ಲಿ ಬಿಡಿಭಾಗಗಳಿಗೆ ಹೆಚ್ಚಿನ ಬೇಡಿಕೆಯಿಲ್ಲ. ಹೀಗಾಗಿ ಥೈಲಾಂಡ್ ಬದಲಿಗೆ ಚೀನಾದಿಂದ ಬಿಡಿಭಾಗ ಹೊರತರುವ ನಿರ್ಧಾರಕ್ಕೆ ಕಂಪನಿ ಬಂದಿದೆ.

2012ರ ಆರಂಭದಿಂದ ಉತ್ಪಾದನೆ ಆರಂಭಿಸಲು ಅನುಕೂಲವಾಗುವಂತೆ ಕಂಪನಿಯು ಚೀನಾ ಮತ್ತು ಜಪಾನಿನ ಕಂಪನಿಗಳೊಂದಿಗೆ ಮಾತುಕತೆ ನಡೆಸುತ್ತಿದೆ.

ಬ್ರಿಯೊ ಉತ್ಪಾದನೆ ಮಾತ್ರ ಸ್ಥಗಿತಗೊಂಡಿಲ್ಲ. ಕಂಪನಿಯು ಜಾಝ್ ಉತ್ಪಾದನೆ ನಿಲ್ಲಿಸಲು ನಿರ್ಧರಿಸಿದೆ. ಈಗಾಗಲೇ ಹೋಂಡಾ ಜಾಝ್ ಬುಕ್ಕಿಂಗ್ ಸ್ಥಗಿತಗೊಂಡಿದೆ. 2012ರ ಹೋಂಡಾ ಸಿಟಿ ಕಾರಿಗೆ ಚೀನಾ ಎಂಜಿನ್ ಅಳವಡಿಸುವ ನಿರೀಕ್ಷೆಯಿದೆ. ಚೀನಾ ಉತ್ಪನ್ನಗಳಿಗೆ ವಾರೆಂಟಿ ಗ್ಯಾರಂಟಿ ಇದೆಯಾ? ಗೊತ್ತಿಲ್ಲ.