ಮರ್ಸಿಡಿಸ್ ಅಗ್ಗದ E220 CDI ಕಾರು ಬೇಕೆ?

ಇದು ಕಂಪನಿಯ ಡೀಸೆಲ್ ಸೆಗ್ಮೆಂಟಿನ ಕಾರುಗಳಿಗೆ ಹೋಲಿಸಿದರೆ ಅಗ್ಗದ ಕಾರು. ಕಂಪನಿಯ ಇತರ ಡೀಸೆಲ್ ಕಾರುಗಳ ದರ ಕೋಟಿ ರುಪಾಯಿ ಆಸುಪಾಸಿನಲ್ಲಿದೆ. ಹೊಸ ಇ220 ಕಾರು 5 ಸ್ಪೀಡಿನ ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನ್ ಎಂಜಿನ್ ಹೊಂದಿದೆ.

ನೂತನ ಸಿ220 ಸಿಡಿಐ ಕಾರು ಮರ್ಸಿಡಿಸ್ ಬೆಂಝ್ ನ ಸಿ-ಕ್ಲಾಸ್ ಶ್ರೇಣಿಯ ಎಂಟ್ರಿ ಲೆವೆಲ್ ಆವೃತ್ತಿ. ಇ250 ಕಾರಿನಲ್ಲಿದ್ದ ಎಂಜಿನ್ ನೂತನ ಪ್ರೀಮಿಯಂ ಸೆಡಾನ್ ಕಾರಿನಲ್ಲಿ ಮುಂದುವರೆದಿದೆ. ಆದರೆ ಎಂಜಿನ್ ಅದೇ ಆದರೂ ಹೆಚ್ಚು ಪವರ್ ಮತ್ತು ಕಾರ್ಯಕ್ಷಮತೆ ಈ ಕಾರಿನಲ್ಲಿ ದೊರಕುತ್ತದೆ.

ಈ ಕಾರಿನ ಎಂಜಿನ್ 170 ಹಾರ್ಸ್ ಪವರ್ ಮತ್ತು 400 ಎನ್ಎಂ ಟಾರ್ಕ್ ಪವರ್ ನೀಡುತ್ತದೆ. ಈ ಕಾರಿನಲ್ಲಿ ಬ್ಲೂ ಎಫಿಶಿನ್ಸಿ ತಂತ್ರಜ್ಞಾನವಿದ್ದು ಇಂಧನ ಅನುಭೋಗ ಕಡಿಮೆ ಮಾಡಲು ಇದು ನೆರವಾಗುತ್ತದೆ. ನೂತನ ಇ220 ಸಿಡಿಐ ಕಾರು ಆಡಿ ಎ6 ಮತ್ತು ಬಿಎಂಡಬ್ಲ್ಯು 5 ಸೀರಿಸ್ ಕಾರುಗಳಿಗೆ ಪೈಪೋಟಿ ನೀಡಲಿದೆ.