ಸ್ಕೋಡಾ ರಾಪಿಡ್ ಆನ್ ಲೈನ್ ಬುಕ್ಕಿಂಗ್ ಆರಂಭ

ರಾಪಿಡ್ ಅಂದ್ರೆ ಒಕ್ಟಾವಿಯಾ ಕಾರಿನ ಪಡಿಯಚ್ಚು ಆಗಿದೆ. ಕಂಪನಿಯು ರಾಪಿಡ್ ಮಾರಾಟದ ಕುರಿತು ಸಾಕಷ್ಟು ಆಶಾವಾದ ಹೊಂದಿದೆ. "ಮೊದಲ ದಿನವೇ 18 ಗ್ರಾಹಕರು ರಾಪಿಡ್ ಬುಕ್ಕಿಂಗ್ ಮಾಡಿದ್ದಾರೆ" ಎಂದು ಆನ್ ಲೈನ್ ಬುಕ್ಕಿಂಗ್ ಅನಾವರಣ ಮಾಡಿದ ಸಂದರ್ಭದಲ್ಲಿ ಕಂಪನಿಯ ಮುಖ್ಯಸ್ಥ ಥಾಮಸ್ ಕೊಯಿಲ್ ಹೇಳಿದ್ದಾರೆ.

ರಾಪಿಡ್ ಮೂರು ಆವೃತ್ತಿಗಳಲ್ಲಿ ದೊರಕುತ್ತಿದೆ. ಬೇಸ್ ಆವೃತ್ತಿ ಹೆಸರು ಆಕ್ಟಿವ್, ಮಧ್ಯಮ ಆವೃತ್ತಿ ಆಂಬಿಷನ್ ಮತ್ತು ಟಾಪ್ ಆವೃತ್ತಿ ಹೆಸರು ಎಲೆಗೆನ್ಸ್. ಎರಡು ಪೆಟ್ರೊಲ್, ಒಂದು ಡೀಸೆಲ್ ಎಂಜಿನ್, ಮ್ಯಾನುಯಲ್ ಮತ್ತು ಆಟೋಮ್ಯಾಟಿಕ್ ಆವೃತ್ತಿ ಸೇರಿದಂತೆ ಒಟ್ಟು 8 ವಿಧದ ರಾಪಿಡ್ ಕಾರು ಮಾರುಕಟ್ಟೆಗೆ ಬಂದಿದೆ. ಈ ಎಲ್ಲಾ ಆವೃತ್ತಿಗಳ ದರ ವೆಂಟೊಗಿಂತ ಕಡಿಮೆ ಇದೆ.

ಸ್ಕೋಡಾ ರಾಪಿಡ್ ಪೆಟ್ರೋಲ್ ದರ: ಆಕ್ಟಿವ್ 6.75 ಲಕ್ಷ ರುಪಾಯಿ, ಆಂಬಿಷನ್ 7.09 ಲಕ್ಷ ರು. ಮತ್ತು ಎಲೆಗೆನ್ಸ್ 7.99 ಲಕ್ಷ ರುಪಾಯಿ ಇದೆ. ಸ್ಕೋಡಾ ರಾಪಿಡ್ ಪೆಟ್ರೋಲ್ ಆಟೋಮ್ಯಾಟಿಕ್ ಆಂಬಿಷನ್ ದರ 8.09 ಲಕ್ಷ ರು ಮತ್ತು ಎಲಿಗೆನ್ಸ್ 8.99 ಲಕ್ಷ ರು. ಇದೆ. ಡೀಸೆಲ್ ಆವೃತ್ತಿ: ಸ್ಕೋಡಾ ರಾಪಿಡ್ ಡೀಸೆಲ್ ಆಕ್ಟಿವಾ ದರ 7.95 ಲಕ್ಷ ರುಪಾಯಿ, ಆಂಬಿಷನ್ ದರ 8.9 ಲಕ್ಷ ರು. ಮತ್ತು ಎಲಿಗೆನ್ಸ್ ದರ 9.19 ಲಕ್ಷ ರು. ಇದೆ.