ಟೊಯೊಟಾ 5.5 ಲಕ್ಷ ಕಾರುಗಳ ಹಿಂಪಡೆತ

ಟೊಯೊಟಾ ಕಂಪನಿಯ ಅಮೆರಿಕಾ ಮಾರಾಟ ವಿಭಾಗವು ಇಂದು ಹಿಂಪಡೆತ ಘೋಷಿಸಿದೆ. ಎಂಜಿನ್ ಮತ್ತು ಸ್ಟೇರಿಂಗ್ ಬೆಲ್ಟ್ ನಡುವಿನ ಜೋಡನೆಯಲ್ಲಿರುವ ಸಮಸ್ಯೆ ಹಿನ್ನಲೆಯಲ್ಲಿ ಬೃಹತ್ ಸಂಖ್ಯೆಯಲ್ಲಿ ಕಾರುಗಳನ್ನು ವಾಪಸ್ ಪಡೆಯಲು ಕಂಪನಿ ನಿರ್ಧರಿಸಿದೆ.

ಎಂಜಿನ್ ಮತ್ತು ಸ್ಟೇರಿಂಗ್ ಬೆಲ್ಟ್ ನಡುವಿನ ಜೋಡನೆ ಸಮಸ್ಯೆಯಿಂದ ಟೊಯೊಟಾ ಕಾರು ಚಾಲಕರಿಗೆ ಹೆಚ್ಚು ತ್ರಾಸವುಂಟಾಗುತ್ತಿದೆಯಂತೆ. ಆದರೆ ಈ ಸಮಸ್ಯೆಯ ಕಾರಣ ಯಾವುದೇ ಅಪಘಾತಗಳು ಸಂಭವಿಸಿಲ್ಲ.

ಕಂಪನಿಯು ಸುಮಾರು 2,83,200 ಲಕ್ಷ ಟೊಯೊಟಾ ಮತ್ತು 1,37, 000 ಲೆಕ್ಸಾಸ್ ಬ್ರಾಂಡ್ ಕಾರುಗಳನ್ನು ಹಿಂಪಡೆಯಲಿದೆ. ಉಳಿದಂತೆ 38 ಸಾವಿರ ಕಾರುಗಳನ್ನು ಜಪಾನಿನಿಂದ, 25 ಸಾವಿರ ಕಾರುಗಳನ್ನು ಆಸ್ಟ್ರೇಲಿಯಾದಿಂದ ಮತ್ತು ನ್ಯೂಜಿಲ್ಯಾಂಡಿನಿಂದ ಹಿಂಪಡೆಯಲಿದೆ.

ಟೊಯೊಟಾ ಕಂಪನಿಯು 2004 ಮತ್ತು 2005 ಇಸವಿಯಲ್ಲಿ ಉತ್ಪಾದಿಸಿದ ಟೊಯೊಟಾ ಕ್ಯಾಮ್ರಿ, ಹೈಲಾಂಡರ್ ಮತ್ತು ಸಿಯೆನ್ನಾ ಕಾರುಗಳನ್ನು ಹಿಂಪಡೆಯಲಿದೆ.

ಭಾರತದಲ್ಲಿ ಹಲವು ಕಾರುಗಳಲ್ಲಿ ಬೆಂಕಿ ಕಾಣಿಸಿಕೊಂಡು ಉರಿದರೂ ಹಿಂಪಡೆಯುವ ರೂಲ್ಸ್ ಇಲ್ಲ.