ಓದುಗರ ಪ್ರಶ್ನೆ: ಒಳ್ಳೆ ಮೈಲೇಜ್ ಕಾರು ಸೂಚಿಸಿ

ನೀವು ಸಣ್ಣ ಹ್ಯಾಚ್ ಬ್ಯಾಕ್ ಅಥವಾ ಉದ್ದದ ಸೆಡಾನ್ ಕಾರು ಬೇಕೆ ಎಂದು ಸ್ಪಷ್ಟವಾಗಿ ಹೇಳಿಲ್ಲ. ನಿಮ್ಮ ಬಜೆಟ್ ಕುರಿತೂ ಹೇಳಿಲ್ಲ. ಹೀಗಾಗಿ ಈ ಎರಡೂ ವಿಭಾಗದ ಕಾರುಗಳ ಕುರಿತು ತಿಳಿಸುವ ಅನಿವಾರ್ಯತೆ ನಮಗೆ. ಇರಲಿ. ಸದ್ಯ ರಸ್ತೆಯಲ್ಲಿರುವ ಹೆಚ್ಚಿನ ಸಣ್ಣಕಾರುಗಳ ಮೈಲೇಜ್ ಪರವಾಗಿಲ್ಲ ಎನ್ನುವ ಹಾಗೆ ಇದೆ.

ಸಣ್ಣಕಾರು ವಿಭಾಗದಲ್ಲಿ ನೋಡುವುದಾದರೆ ಹ್ಯುಂಡೈ ಐ10 ಮತ್ತು ಇಯಾನ್ ಮೈಲೇಜ್ ಅತ್ಯುತ್ತಮವಾಗಿದೆ. ಮಾರುತಿ ಬ್ರಾಂಡಿನ ಕಾರು ಹುಡುಕಿದರೆ ಆಲ್ಟೊ ಖರೀದಿಸಬಹುದು. ರಿಟ್ಜ್ ಕೂಡ ಆಕರ್ಷಕ ಮೈಲೇಜ್ ನೀಡುತ್ತದೆ. ಇಂಡಿಕಾ ಇವಿ2 ಕೂಡ ಓಕೆ. ಸಣ್ಣಕಾರುಗಳಲ್ಲಿ ಟಾಟಾ ನ್ಯಾನೊ ಅತ್ಯುತ್ತಮ ಮೈಲೇಜ್ ನೀಡುತ್ತದೆ.

ದೊಡ್ಡ ಕಾರುಗಳ ವಿಭಾಗದಲ್ಲಿ ನೋಡುವುದಾದರೆ ಟೊಯೊಟಾ ಕೊರೊಲಾ ಆಲ್ಟಿಸ್, ಹ್ಯುಂಡೈ ವೆರ್ನಾ ಮತ್ತು ಹೊಸ ಫೋರ್ಡ್ ಫಿಯೆಸ್ಟಾ ಕಾರಿನ ಕುರಿತು ಗಮನ ಹರಿಸಬಹುದು. ಇಲ್ಲಿ ಕೆಲವು ಕಾರುಗಳ ಹೆಸರನ್ನಷ್ಟೇ ಸೂಚಿಸಲಾಗಿದೆ.

ನಿಮಗೆ ಇತ್ತೀಚೆಗೆ ರಸ್ತೆಗಿಳಿದ ಕಾರುಗಳ ಮಾಹಿತಿ ಬೇಕಿದ್ದರೆ ಈ ಲಿಂಕ್ ಕ್ಲಿಕ್ ಮಾಡಿ ಹೆಚ್ಚಿನ ಮಾಹಿತಿ ಪಡೆಯಬಹುದು.

ಕೆಲವೊಮ್ಮೆ ಹೆಚ್ಚು ಮೈಲೇಜ್ ನೀಡುವ ಕಾರುಗಳು ಕಡಿಮೆ ಕಾರ್ಯಕ್ಷಮತೆ ನೀಡುತ್ತವೆ. ಹೀಗಾಗಿ ಒಂದೆರಡು ಕಿ.ಮೀ. ಮೈಲೇಜಿಗಾಗಿ ಡ್ರೈವಿಂಗ್ ಅನುಭವದಲ್ಲಿ ರಾಜಿ ಮಾಡಿಕೊಳ್ಳಬೇಡಿ.

ವಾಹನಲೋಕದ ಪ್ರಶ್ನೆಗಳಿಗೆ ಸ್ವಾಗತ. ನಿಮ್ಮ ಪ್ರಶ್ನೆಗಳನ್ನು ಕಳುಹಿಸಬೇಕಾದ ಇಮೇಲ್ ವಿಳಾಸ: [email protected]