ಐಷಾರಾಮಿ ಕಾರು ಮಾರುಕಟ್ಟೆಯಲ್ಲಿ ಮತ್ತೆ ಆಡಿ ಫಸ್ಟ್

ಚಿತ್ರಲೋಕ

2012ರ ಏಪ್ರಿಲ್ ತಿಂಗಳಲ್ಲಿ ಆಡಿ ಕಾರುಗಳು ಮತ್ತು ಸ್ಪೋರ್ಟ್ ಯುಟಿಲಿಟಿ ವೆಹಿಕಲ್ ಗಳ ಮಾರಾಟ 1,25,200 ಯುನಿಟಿಗೆ ತಲುಪಿದ್ದು ಶೇಕಡ 14.4ರಷ್ಟು ಏರಿಕೆ ದಾಖಲಿಸಿದೆ. ಇದೇ ಸಮಯದಲ್ಲಿ ಬಿಎಂಡಬ್ಲ್ಯು ಕಂಪನಿಯು ಸುಮಾರು 1,21,476 ಕಾರುಗಳನ್ನು ಮಾರಾಟ ಮಾಡಿ ಶೇಕಡ 7.4ರಷ್ಟು ಏರಿಕೆ ದಾಖಲಿಸಿದೆ.

ಕಳೆದ ವರ್ಷದ ಜನವರಿ ತಿಂಗಳಲ್ಲಿ ಬಿಎಂಡಬ್ಲ್ಯು ಕಂಪನಿಯನ್ನು ಮಾರಾಟದಲ್ಲಿ ಆಡಿ ಹಿಂದಿಕ್ಕಿತ್ತು. ತದನಂತರದ ಒಂದು ವರ್ಷದಲ್ಲಿ ಇದೇ ಮೊದಲ ಬಾರಿಗೆ ಐಷಾರಾಮಿ ಕಾರು ಮಾರುಕಟ್ಟೆಯಲ್ಲಿ ಆಡಿ ಅಗ್ರಸ್ಥಾನಕ್ಕೆ ತಲುಪಿದೆ. ಆಡಿ ಕಂಪನಿಯು 2020ನೇ ಇಸವಿಗೆ 20 ಲಕ್ಷ ವಾಹನ ಮಾರಾಟ ಮಾಡುವ ಗುರಿಯನ್ನು ಹೊಂದಿದೆ.

"ಮುಂದಿನ ನಾಲ್ಕರಿಂದ ಐದು ವರ್ಷಗಳ ಕಾಲ ಬಿಎಂಡಬ್ಲ್ಯು ಕಂಪನಿಗೆ ಆಡಿ ಕಂಪನಿಯು ನಂಬರ್ ಒನ್ ಸವಾಲುದಾರ ಕಂಪನಿಯಾಗಿ ಉಳಿಯಲಿದೆ ಎಂದು ವಾಹನ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ. ಫೋಕ್ಸ್ ವ್ಯಾಗನ್ ಕಂಪನಿಯ ಸಂಪನ್ಮೂಲದ ನೆರವಿನಿಂದ ಆಡಿ ತನ್ನ ಪ್ರಾಬಲ್ಯ ಹೆಚ್ಚಿಸಿಕೊಳ್ಳಲಿದೆ ಎಂದು ಅವರು ಅಭಿಪ್ರಾಯಪಡುತ್ತಾರೆ.

ಭಾರತದಲ್ಲೂ ಆಡಿ ಕಂಪನಿಯು ಪಾರಮ್ಯ ಮೆರೆಯುತ್ತಿದೆ. 2007ಕ್ಕೆ ದೇಶಕ್ಕೆ ಆಗಮಿಸಿದ ಆಡಿ ಇದೀಗ ದೇಶದಲ್ಲಿ ಸುಮಾರು 15 ವರ್ಷಗಳಿಂದ ಇದ್ದ ಮರ್ಸಿಡಿಸ್ ಬೆಂಝ್ ಕಂಪನಿಯನ್ನು ಹಿಂದಿಕ್ಕಿದೆ. ಆದರೆ ದೇಶದ ಲಗ್ಷುರಿ ಕಾರು ಮಾರುಕಟ್ಟೆಯಲ್ಲಿ ಇನ್ನೂ ಬಿಎಂಡಬ್ಲ್ಯು ಅಗ್ರ ಸ್ಥಾನದಲ್ಲಿದ್ದು, ಆಡಿ ಎರಡನೇ ಸ್ಥಾನದಲ್ಲಿದೆ.