ದಾರಿ ಬಿಡಿ, ಇದು ವಿಶ್ವದ ಅತಿವೇಗದ ಕಾರು!

ಚಿತ್ರಲೋಕ

ಕಂಪನಿಯು ತನ್ನದೇ ಹಳೆಯ ದಾಖಲೆಯನ್ನು ನುಚ್ಚುನೂರು ಮಾಡಿದೆ. ಇದಕ್ಕೂ ಮುನ್ನ ಜಗತ್ತಿನ ವೇಗದ ಕಾರು ಬುಗಾಟಿ ವೆರೊನ್ ಪರಿಚಯಿಸಿತ್ತು. ಆದರೆ ಕಂಪನಿ ಈಗ ಪರಿಚಯಿಸಿದ್ದು ಕನ್ವರ್ಟಿಬಲ್. ಅಂದ್ರೆ ಮೇಲ್ಚಾವಣೆ ತೆರೆಯಬಹುದಾದ ಕಾರು. ಈ ಕಾರಿನಲ್ಲಿ ಮೇಲ್ಚಾವಣಿ ತೆರೆದು ಗಂಟೆಗೆ 410 ಕಿ.ಮೀ. ವೇಗದಲ್ಲಿ ಸಾಗಬಹುದಾಗಿದೆ.

ನೂತನ ಬುಗಾಟಿ ಕಾರು ಡಬ್ಲ್ಯು16 ಎಂಜಿನ್ ಹೊಂದಿದ್ದು, 1200 ಹಾರ್ಸ್ ಪವರ್ ನೀಡುತ್ತದೆ. ಕೇವಲ 2.6 ಸೆಕೆಂಡಿನಲ್ಲಿ 0-100 ಕಿ.ಮೀ. ವೇಗಪಡೆದುಕೊಳ್ಳಬಹುದು. ಇದರ ದರ ಸುಮಾರು 2,247,398 ಡಾಲರ್ ಆಸುಪಾಸಿನಲ್ಲಿರಬಹಯುದು. ಮೇಲ್ಚಾವಣೆ ತೆರೆದು ಡ್ರೈವಿಂಗ್ ಮಾಡಿದ್ರೆ ಈ ಕಾರಲ್ಲಿ ಗಂಟೆಗೆ ಗರಿಷ್ಠ 124 ಕಿ.ಮೀ. ವೇಗದಲ್ಲಿ ಸಾಗಬಹುದು.

"ತಾಂತ್ರಿಕ ಎಲ್ಲೆಗಳನ್ನೆಲ್ಲ ಮೀರಿ ನಮ್ಮ ಎಂಜಿನಿಯರುಗಳು ವೇಗದ ಕಾರೊಂದನ್ನು ಅಭಿವೃದ್ಧಿಪಡಿಸಿದ್ದಾರೆ" ಎಂದು ಬುಗಾಟಿ ಅಧ್ಯಕ್ಷ ವೊಲ್ಫ್ ಗಾಂಗ್ ದ್ಯೂರೆಮೆರ್ ಹೇಳಿದ್ದಾರೆ. (ಕನ್ನಡ ಡ್ರೈವ್ ಸ್ಪಾರ್ಕ್)