ಬೆಂಗಳೂರಿನಲ್ಲಿ ಸೆರೆಸಿಕ್ಕಳು ಸೈಲ್ ಸುಂದರಿ

ಬೆಂಗಳೂರಿನ ಎಚ್‌ಎಸ್‌ಆರ್ ಲೇಔಟ್‌ನಲ್ಲಿ ಷೆವರ್ಲೆ ಸೈಲ್ ಸೆಡಾನ್ ಸೆರೆಸಿಕ್ಕಿದ್ದಾಳೆ. ತಾಂತ್ರಿಕ ಪರೀಕ್ಷೆಗಾಗಿ ರಸ್ತೆಗಿಳಿದಿದ್ದ ಷೆವರ್ಲೆ ಸೈಲ್ ವಿವಿಧ ವರ್ಣಗಳಿಂದ ಮಾರೆಮಾಚಲಾಗಿತ್ತು. ಕಾರಿನ ಎದುರಗಡೆಯ ವಿನ್ಯಾಸವು ಸೈಲ್ ಯು-ವಿಎ ಮಾಡೆಲ್‌ಗೆ ಸಾಮ್ಯತೆ ಹೊಂದಿದೆ.

ಷೆವರ್ಲೆ ಸೈಲ್ ರಿಯರ್ ಡಿಸೈನ್ ಬಗ್ಗೆಯೊಮ್ಮೆ ಗಮನವಹಿಸಿರಿ. ಬೂಟ್ ಸ್ಪೇಸ್ ಹೆಚ್ಚು ಇಲ್ಲದಿದ್ದರೂ ದೈನಂದಿನ ಬಳಕೆಗೆ ನೆರವಾಗುವ ರೀತಿಯಲ್ಲಿದೆ.

ನೀವೀಗ ಷೆವರ್ಲೆ ಸೈಲ್ ಸೆಡಾನ್ ಫ್ರಂಟ್ ಲುಕ್ ಬಗ್ಗೆ ಗಮನವಹಿಸಿರಿ. ಇದು ಷೆವರ್ಲೆ ಸೈಲ್ ಯು-ವಿಎ ಕಾರಿಗೆ ಹೆಚ್ಚು ಸಾಮ್ಯತೆಯನ್ನು ಹೊಂದಿದೆ.

ಚೀನಾದಲ್ಲಿ ಸೈಲ್ ಸೆಡಾನ್ ಅನ್ನು ಜನರಲ್ ಮೋಟಾರ್ಸ್ ಅಭಿವೃದ್ಧಿಪಡಿಸಿದೆ. ಹ್ಯಾಚ್‌ಬ್ಯಾಕ್ ಕಾರುಗಳಿಗೆ ಭಾರಿ ಬೇಡಿಕೆಯಿರುವುದನ್ನು ಗಮನಸಿ ಸೈಲ್ ಯು-ವಿಎ ಭಾರತದಲ್ಲಿ ಮೊದಲು ಬಿಡುಗಡೆಗೊಳಿಸಲಾಗಿತ್ತು.

ಮುಂದಿನ ವರ್ಷ ಸೈಲ್ ಸೆಡಾನ್ ಭಾರತ ಮಾರುಕಟ್ಟೆಯನ್ನು ಪ್ರವೇಶಿಸುವ ನಿರೀಕ್ಷೆಯಿದೆ. ಈ ಮೂಲಕ ಮಾರುತಿ ಸುಜುಕಿ ಸ್ವಿಫ್ಟ್ ಡಿಜೈರ್, ಟೊಯೊಟಾ ಎಟಿಯಾಸ್ ಹಾಗೂ ಹೊಂಡಾದ ಮುಂಬರುವ ಅಮೆಜ್ ಸೆಡಾನ್‌ಗೆ ಪ್ರಬಲ ಪೈಪೋಟಿ ನೀಡುವ ನಿರೀಕ್ಷೆಯಿದೆ.