ಹೆಸರು ಬದಲಾಯಿಸಿದ ಹೋಂಡಾ ಕಾರು ಕಂಪನಿ

ಚಿತ್ರಲೋಕ

ಶ್ರೀರಾಂ ಗ್ರೂಪಿನ ಉಷಾ ಇಂಟರ್ ನ್ಯಾಷನಲ್ ಜೊತೆಗಿನ ಮೈತ್ರಿ ಕಡಿದುಕೊಂಡ ನಂತರ ಹೋಂಡಾ ಕಾರು ಕಂಪನಿಯು ಹೆಸರು ಬದಲಾಯಿಸಿದೆ. ಜಂಟಿ ಉದ್ಯಮ ಕೊನೆಗೊಂಡಿರುವುದರಿಂದ ಹೋಂಡಾ ಕಂಪನಿಯು ಈಗ ಶೇಕಡ 100ರಷ್ಟು ಪಾಲು ಪಡೆದುಕೊಂಡಿದೆ.

"ದೆಹಲಿ ಮತ್ತು ಹರ್ಯಾಣದಲ್ಲಿ ಕಂಪನಿಗಳ ಹೆಸರು ನೋಂದಣಿ ವಿಭಾಗದಲ್ಲಿ ತಕ್ಷಣದಿಂದ ಅನ್ವಯವಾಗುವಂತೆ ಕಂಪನಿಯ ಹೆಸರನ್ನು ಹೋಂಡಾ ಕಾರ್ಸ್ ಇಂಡಿಯಾ ಲಿಮಿಟೆಡ್ ಎಂದು ಬದಲಾಯಿಸಲಾಗಿದೆ" ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.

ಕಳೆದ ತಿಂಗಳು ಹೋಂಡಾ ಕಾರು ಕಂಪನಿಯು ಜಂಟಿ 180 ಕೋಟಿ ರುಪಾಯಿಗೆ ಜಂಟಿ ಉದ್ಯಮದಿಂದ ಸಂಪೂರ್ಣ ಶೇಕಡ 3.16ರಷ್ಟು ಪಾಲು ಸ್ವಾಧೀನಪಡಿಸಿಕೊಂಡಿತ್ತು. ಈ ಮೂಲಕ ಉಷಾ ಇಂಟರ್ ನ್ಯಾಷನಲ್ ಜೊತೆಗಿನ ದೀರ್ಘಕಾಲದ ಮೈತ್ರಿಗೆ ಕೊನೆ ಹಾಡಿತ್ತು.

ಹೋಂಡಾ ಮತ್ತು ಉಷಾ ಇಂಟರ್ ನ್ಯಾಷನಲ್ ಕಂಪನಿಯು 1995ರ ಡಿಸೆಂಬರ್ ತಿಂಗಳಲ್ಲಿ ಜಂಟಿ ಉದ್ಯಮ ಸ್ಥಾಪಿಸಿದ್ದವು.