ಹ್ಯುಂಡೈ ಗ್ರಾಹಕರಿನ್ನು ನೆಟ್ಟಲ್ಲೇ ಸರ್ವಿಸ್ ಪಡೆಯಬಹುದು!

ಚಿತ್ರಲೋಕ

ನೂತನ ಹ್ಯುಂಡೈ ಸರ್ವಿಸ್ ಪೋರ್ಟಲ್ ನಲ್ಲಿ ಗ್ರಾಹಕರು ತಮ್ಮ ಹತ್ತಿರದ ಸರ್ವಿಸ್ ಕೇಂದ್ರವನ್ನು ಸಂಪರ್ಕಿಸಲು ಸಾಧ್ಯವಿದೆ. ಇದರಲ್ಲಿರುವ "ಸರ್ವಿಸ್ ಕ್ಯಾಲ್ಕ್ಯುಲೆಟರ್" ಇನ್ನೊಂದು ಆಸಕ್ತಿದಾಯಕ ಫೀಚರಾಗಿದೆ. ಮುಂದಿನ ಸರ್ವಿಸ್ ಸಮಯದಲ್ಲಿ ವೆಚ್ಚಮಾಡಬೇಕಾದ ಹಣ, ಯಾವೆಲ್ಲ ಬಿಡಿಭಾಗಗಳು ಅಗತ್ಯವಿದೆ, ಅವುಗಳ ದರ ಇತ್ಯಾದಿ ಮಾಹಿತಿಗಳನ್ನು ಈ ಕ್ಯಾಲ್ಕ್ಯುಲೆಟರಿನಲ್ಲಿ ತಿಳಿದುಕೊಳ್ಳಬಹುದಾಗಿದೆ.

ಹ್ಯುಂಡೈ ಸಾಂಪ್ರದಾಯಿಕ ವೆಬ್ ತಾಣಕ್ಕಿಂತ ಈ ನೂತನ ಮೈಕ್ರೊ ವೆಬ್ ತಾಣವು ವಿಭಿನ್ನವಾಗಿದೆ. ಹಳೆಯ ತಾಣಗಳು ಕೇವಲ ಮಾಹಿತಿಯನ್ನಷ್ಟೇ ನೀಡುತ್ತಿದ್ದವು. ಅದರಲ್ಲಿ ಖರೀದಿ, ಡೀಲರ್ ಸಂಪರ್ಕ ಮಾತ್ರ ಸಾಧ್ಯವಾಗುತ್ತಿತ್ತು. ಆದರೆ ನೂತನ ವೆಬ್ ತಾಣವು ಕಾರು ಖರೀದಿಸಿದ ನಂತರವೂ ಗ್ರಾಹಕರಿಗೆ ಸೇವೆ ನೀಡಲಿದೆ.

ಈಗಾಗಲೇ ಕಂಪನಿಯು ದೇಶದಾದ್ಯಂತ "ಆಲ್ ವೇಸ್ ಅರೌಂಡ್" ಕಾರ್ಯಕ್ರಮದ ಮೂಲಕ ಉಚಿತ ಕಾರ್ ಚೆಕಪ್ ನಡೆಸುತ್ತಿದೆ. "ಆನ್ ಲೈನ್ ಪೋರ್ಟಲ್ ಗ್ರಾಹಕರಿಗೆ ಅತ್ಯುತ್ತಮ ಸೇವೆ ನೀಡಲಿದೆ. ಹೊಸ ಕಾರ್ಯತಂತ್ರದ ಮೂಲಕ ಕಂಪನಿಯು ಯಾವಾಗಲೂ ಗ್ರಾಹಕರಿಗೆ ನಿಕಟವಾಗಿ ಸೇವೆ ನೀಡಲು ಬಯಸುತ್ತದೆ. ನೂತನ ಸೇವೆಯು ಗ್ರಾಹಕರಿಗೆ ಕಾರು ಖರೀದಿಯ ನಂತರದ ಸೇವೆಯನ್ನು ಉತ್ತಮಗೊಳಿಸಲು ಸಾಧ್ಯವಾಗಿಸಲಿದೆ" ಎಂದು ಹ್ಯುಂಡೈ ಮೋಟರ್ಸ್ ಇಂಡಿಯಾ ಲಿಮಿಟೆಡ್ ಮಾರಾಟ ಮತ್ತು ಮಾರುಕಟ್ಟೆ ವಿಭಾಗದ ನಿರ್ದೇಶಕರಾದ ಅರವಿಂದ್ ಸಕ್ಸೆನಾ ಅಭಿಪ್ರಾಯಪಟ್ಟಿದ್ದಾರೆ.