ಕಳೆದ ವರ್ಷದ ದರಕ್ಕೆ ಮಾರುತಿ, ಹ್ಯುಂಡೈ ಕಾರು ಖರೀದಿಸಿ!!

ಕಳೆದ ವರ್ಷ ಸೆಪ್ಟಂಬರ್ ತಿಂಗಳಲ್ಲಿ ಅತ್ಯಧಿಕ ಅಂದರೆ 2.18 ಲಕ್ಷ ವಾಹನಗಳು ಮಾರಾಟವಾಗಿದ್ದವು. ಡಿಸೆಂಬರ್ ತಿಂಗಳಲ್ಲಿ 1.59 ಲಕ್ಷ ಕಾರುಗಳು ಮಾರಾಟವಾಗಿದ್ದವು. ಕಳೆದ ವರ್ಷದ ಕೊನೆಯ ನಾಲ್ಕು ತಿಂಗಳಲ್ಲಿ ಹತ್ತು ಹಲವು ಕೊಡುಗೆಗಳು, ಡಿಸ್ಕೌಂಟುಗಳನ್ನು ಕಂಪನಿ ನೀಡಿದರೂ ಕಾರು ಮಾರಾಟ ಏರಿಕೆ ಕಂಡಿರಲಿಲ್ಲ.

ಬಿಡಿಭಾಗಗಳ ವೆಚ್ಚ ಹೆಚ್ಚಳ ಮತ್ತು ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿತ ಮುಂತಾದ ಕಾರಣಗಳಿಂದ ಕಂಪನಿಗಳು ಕಾರುಗಳ ದರವನ್ನು ಹೆಚ್ಚಿಸಲು ಮುಂದಾಗಿದ್ದರು. ಜನವರಿ ತಿಂಗಳಿನಿಂದ ಕಾರುಗಳ ದರವನ್ನು ಹೆಚ್ಚಿಸುವುದಾಗಿ ಕಾರು ಕಂಪನಿಗಳು ಪ್ರಕಟಿಸಿದ್ದವು.

ಜನವರಿಯಲ್ಲಿ ಕಾರು ದರ ಹೆಚ್ಚಿಸುವುದಾಗಿ ಪ್ರಕಟಿಸಿದರೂ ಯಾವ ಕಂಪನಿಗಳು ಕೂಡ ದರ ಹೆಚ್ಚಳಕ್ಕೆ ಮುಂದಾಗಿಲ್ಲ. ಆದರೆ ಕಂಪನಿಗಳು ಶೀಘ್ರದಲ್ಲಿ ದರ ಹೆಚ್ಚಿಸುವ ಸೂಚನೆಯಿದೆ. "ನಾವು ಕಾರು ದರವನ್ನು ಶೀಘ್ರದಲ್ಲಿ ಹೆಚ್ಚಿಸುತ್ತೇವೆ. ಆದರೆ ಅಂತಿಮ ತೀರ್ಮಾಣ ಇನ್ನೂ ತೆಗೆದುಕೊಂಡಿಲ್ಲ" ಎಂದು ಮಾರುತಿ ಸುಜುಕಿ ಅಧಿಕಾರಿಯೊಬ್ಬರು ಹೇಳಿದ್ದಾರೆ.

"ಮುಂದಿನ ಕೆಲವೇ ದಿನಗಳಲ್ಲಿ ಕಾರು ದರ ಹೆಚ್ಚಳ ನಿರ್ಧಾರ ಪ್ರಕಟಿಸಲಿದ್ದೇವೆ" ಎಂದು ಟೊಯೊಟಾ ಕಂಪನಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಹೀಗೆ ಹಲವು ಕಾರು ಕಂಪನಿಗಳು ದರ ಹೆಚ್ಚಳ ಮಾಡಲು ಮುಂದಾಗಿವೆ. ಅದಕ್ಕಿಂತ ಮೊದಲು ಕಾರು ಖರೀದಿಸಿದರೆ ಕೊಂಚ ದುಡ್ಡು ಉಳಿಸಬಹುದು.