ಚರ್ಚೆ: ಮಾರುತಿ ಸುಜುಕಿ ಸ್ವಿಫ್ಟ್ ಕಾರಿನ ಬ್ರೇಕ್ ಸಮಸ್ಯೆ

ಚಿತ್ರಲೋಕ

ಮಾರುತಿ ಸುಜುಕಿ ಸ್ವಿಫ್ಟ್ ಕಾರಿನ ಬ್ರೇಕ್ ವಿಷಯದ ಕುರಿತು ಕೆಲವು ಕಾರು ಮಾಲೀಕರು ದೂರುತ್ತಿದ್ದಾರೆ. ಪ್ರಮುಖವಾಗಿ ನಿಧಾನವಾಗಿ ಕಾರು ಚಲಾಯಿಸುವಾಗ ಸ್ವಿಫ್ಟ್ ಬ್ರೇಕ್ ಸರಿಯಾಗಿ ಹಿಡಿಯುವುದಿಲ್ಲವಂತೆ. ವೇಗ ಎಷ್ಟೇ ಇರಲಿ, ಬ್ರೇಕ್ ಫೈಲ್ಯೂರ್ ಸುದ್ದಿ ಯಾರಿಗೂ ಇಷ್ಟವಾಗದು. (ಓದಿ: ಬ್ರೇಕ್ ಫೈಲ್ಯೂರ್ ಆದ್ರೆ ಏನ್ಮಾಡ್ಬೆಕು?)

ಸಂಚಾರ ದಟ್ಟಣೆಯಲ್ಲಿ ನಿಧಾನವಾಗಿ ಚಲಾಯಿಸಬೇಕಾದ ಸಂದರ್ಭದಲ್ಲಿ ಸ್ವಿಫ್ಟ್ ಬ್ರೇಕ್ ಸರಿಯಾಗಿ ಕೆಲಸ ಮಾಡದೆ ಇರುವುದು ಹೆಚ್ಚಿನ ಜನರಿಗೆ ಅನುಭವವಾಗಿದೆ. ಅಂದ್ರೆ ಗಂಟೆಗೆ ಸುಮಾರು 10 ಕಿ.ಮೀ. ವೇಗದಲ್ಲಿ ಚಲಾಯಿಸುವಾಗ ಬ್ರೇಕ್ ಪೆಡಲ್ ತುಂಬಾ ಹಾರ್ಡ್ ಆಗಿ ವರ್ತಿಸುತ್ತದೆ ಎಂದು ಕೆಲವು ಸ್ವಿಫ್ಟ್ ಮಾಲೀಕರು ದೂರಿದ್ದಾರೆ.

ಇಷ್ಟು ವೇಗದಲ್ಲಿ ಬ್ರೇಕ್ ಹಿಡಿಯದೇ ಇದ್ದರೆ ಅಷ್ಟೇನೂ ಅಪಾಯಕಾರಿಯಲ್ಲ. ಹಾಗಂತ ಇದನ್ನು ಗಂಭೀರವಾಗಿ ಪರಿಗಣಿಸದೆ ಇದ್ದರೆ ಕಷ್ಟ. ಈ ಸಮಸ್ಯೆ ಕುರಿತು ಆನ್ ಲೈನ್ ಪೋರಮ್ ಗಳಲ್ಲಿ ಕೆಲವು ಸ್ವಿಫ್ಟ್ ಮಾಲೀಕರು ಚರ್ಚೆ ಆರಂಭಿಸಿದ್ದಾರೆ. ಕೆಲವರು ಮಾರುತಿ ಸರ್ವಿಸ್ ಸ್ಟೇಷನಿಗೆ ಹೋಗಿ ಈ ಸಮಸ್ಯೆ ಸರಿಪಡಿಸಿಕೊಂಡಿದ್ದಾರೆ.

ಸ್ಲೋ ಮೂವಿಂಗ್ ಟ್ರಾಫಿಕ್ನಲ್ಲಿ ಈ ಸಮಸ್ಯೆ ಹೆಚ್ಚಾಗಿ ಕಂಡುಬರುತ್ತದೆ. ಅರ್ಧ ಕ್ಲಚ್ ಹಿಡಿದು ಡ್ರೈವಿಂಗ್ ಮಾಡುವುದನ್ನು ಕಡಿಮೆ ಮಾಡಿ ಎಂದು ಕೆಲವರು ಸಲಹೆ ನೀಡುತ್ತಾರೆ. ಆದರೆ ಟ್ರಾಫಿಕ್ನಲ್ಲಿ ಅರ್ಧ ಕ್ಲಚ್ ಹಿಡಿದು ಡ್ರೈವ್ ಮಾಡುವುದು ಅನಿವಾರ್ಯ.

ಎಲ್ಲಾದರೂ ಇದೇ ಸಮಸ್ಯೆ ಯುರೋಪ್ ಅಥವಾ ಅಮೆರಿಕದಲ್ಲಿದ್ದರೆ ಎಲ್ಲಾ ಕಾರುಗಳನ್ನೂ ರಿಕಾಲ್ ಅಥವಾ ಹಿಂಪಡೆತ ಮಾಡಬೇಕಿತ್ತು. ಆದರೆ ಭಾರತದಲ್ಲಿ ಇನ್ನೂ ರಿಕಾಲ್ ಪಾಲಿಸಿ ಆರಂಭವಾಗಿಲ್ಲ. ಆದ್ರೆ ಶೀಘ್ರದಲ್ಲಿ ರಿಕಾಲ್ ನೀತಿಯೊಂದು ದೇಶಕ್ಕೆ ಆಗಮಿಸುವ ಸೂಚನೆಯಿದೆ.

ಬ್ರೇಕ್ ಫೈಲ್ಯೂರ್ ವಿಷಯವನ್ನು ಮಾರುತಿ ಸುಜುಕಿ ದೊಡ್ಡ ಸುದ್ದಿಯಾಗಲೂ ಇನ್ನೂ ಬಿಟ್ಟಿಲ್ಲ. ಕಂಪನಿ ಇಮೇಜಿಗೆ ದಕ್ಕೆಯಾಗಬಹುದು ಎಂಬ ಭೀತಿ ಇದಕ್ಕೆ ಕಾರಣವಾಗಿರಬಹುದು. ನಿಮ್ಮ ಸ್ವಿಫ್ಟ್ ಕಾರಿನಲ್ಲೂ ಇಂತಹ ಸಮಸ್ಯೆಯಿದ್ದರೆ ಹತ್ತಿರದ ಮಾರುತಿ ಸರ್ವಿಸ್ ಸ್ಟೇಷನಿಗೆ ಹೋಗುವುದು ಒಳ್ಳೆಯದು.(ಬ್ರೇಕ್ ಫೈಲ್ ಟಿಪ್ಸ್)